ديوان الشاعر/عويد كسار (بحر القصيد)

صح لسانك ويعطيك العافيه يابو نايف


عز الله مااذكر هالبيتين ناسيهن لكن هذا من وفاك ياقاف عنزه




من طنخة العليا على عز وايل
برق السيوف اللآمعات الصقيله










اصل الشعر تاريخ فعل القبايل
ثقل الحمول الكايده من يشيله







يوم انها مابين صايل وجايل
حتى الحجر ماعاد يقدح بليله





الا مع الويلان شبت فتايل
من حافر كحيلان قدح الفتيله











ابك انت مثلك نادرين وقلايل
فيك اربعين من الشبه مستحيله







نرفع لك البيضاء بروس النثايل
قاف عنزه من فوق راس الطويله

(وصفت التخدير) اخذت اعيد الذاكره من غربت التفكير=وابني من الخافق امل دون صك اعسار وانقل معالم حقيقه ولاتقبل التزوير=وارسم صدى الماضي عبر لوحة التذكار واعرف خفايا العولمه من حالة التغيير=ولاطار مي الحياء ووجه الحياء ماطار تحن ارض الصفا للماء محنه بقلب الزير=وتموت المشاعر في مهدها والجسد ينهار حتى تعلمنا على وصفت التخدير=ننظر بعيد وكلنا في محور الدوار ونجني حصاد الماش من قيمة التكرير=ومن قايد الاجره نبي قيمة المشوار والحلم مايلقى الحقيقه من التفسير=والبورصه يلعب بها اليّن والدولار

وجه الشبه بين المشاعر والالوان
صعبه على الفنان يكتب قصيده

لاكن على الشاعر تشكل بديوان
لوحه وريشة فن رسمه فريده

تطرد على موج البحر خيل ويلان
والمهره اللي في خفوقي وحيده

توقيعها مابين رمشي والاجفان
وتصميمها بالقلب ميزه فريده

صعبه على الفنان يرسم بقيفان
لاكن على موج البحر مي بعيده

انت الوحيد اللي على خافقي مان
من نبض روحي لين خفقت وريده

يفداك من بحر القصيده لديوان
ومن لوحة الفنان رسمة قصيده

أهداء مع التحية للاخ الغالي

الشاعر الرائع عويد كسار العنزي

ـــــ

ياصاحبي أسألك باللي به آمنت = حلمك وش اللي حال بينه وبينك
لاهنت ياللي تشتكي منك لاهنت = تشكي بصمت ولا تبيّن ونينك
يالشامخ اللي بوجه الايام مالنت = ولا حنت سود الليالي جبينك
سجنت همك لين في همك أسْجنِت = حتى غدا سجان همك سجينك
عزالله اللي جابتك ياولد بنت = لاشك عيّن يسعفنك سنينك
ياأعـز وأوفى من له الشعر هيجنت = هذي أطعوني ماتوازي حنينك
قل للعذول أني على عـز برهنت = عثرة سنينه .. وأنتبه لا تدينك
قله تراك أبدعت وأحسنت وأتقنت = تمثيل دور أحقـر طـهارة يـديـنـك
هانت عليك العشره اللي بها منت = والله على تصغيّر نفسك يعينك
أنا عزاي أني معك جيت ولا أنت = لا وأهنيك ماجفا النوم عينك
ياظلنا اللي يطعن أظـلالنا هـنـت = الشمس بانت .. جأوب الصبح وينك

(صح لسانك يابو نايف ومشكور على الاهداء لاهنت) واالله والقرآن واللي به آمنت=واللي لغيره ماانحنى له جبينك انك معي ماغبت لحظه ولاهنت=قاف عنزه كل عنزه عارفينك كم ينولد من بنت فكري ولد بنت=وان قلت همك قلت ربي يعينك ياهمي اللي بالخفا كم تفرعنت=والعزه اللي بين جفنك وعينك هوى الشمال بمنته لو تبينت=روحي تعافه ماتبي لأكسجينك شرعت له باب الميانه ولامنت=وغير الشقى مامان بيني وبينك عز الله انك يابو نايف مثل ماانت=وانا البحر لازلت حطت يمينك والله والقرآن واللي به آمنت=الجرح جرحك والبشر ماتدينك

اخوي الشاعر/ منصور الرويلي مبروك المولود(مشعل ) والله يصلحه ويجعله من مواليد السعاده يارب اشعلة لك بالعيد شمعه جديده=وينعاد عيدك بالفرح والمسرات بميلاد مشعل والفرح والقصيده=وفيه احتفل حتى القصايد والأبيات ومن لؤلؤ المحار جبت الفريده=ومن البحر لنجوم سبع السماوات مشعل ولد منصور ورث الوليده=وريث نايف شامخٍ للمجرات نعم اللذي لاقيل هذا حفيده=ماهو من اللي خوته بالفظاوات عز العضيد الياانتخى في عضيده=من قلب ماهي رد شاعر بصفحات ماارسل بطاقة تهنئه في بريده=مثل اللذي يهديك باقه وزهرات بميلاد مشعل صار مولد قصيده=وينعاد عيدك بالفرح والمسرات

(مليون شمعه) مليون شمعه يالغلا تحتفي فيك=ومليون شمعه تحتفل يوم لقياك في عيد ميلادك حروفي تهنيك=عسى السعد يتبع طريقك وممشاك بأحساس صادق ترجمه نبض مغليك=وصدق المشاعر ترجمة طيب مبداك ويسعد صباحك قبل يسعد لياليك=ويسعد مساء ليل القصايد على شفاك مهما كتبت من المشاعر فلا اوفيك=لو طاحت دموع الغلا تطلب رضاك تنعش فؤادي منك لمسة اياديك=وتشفي عروق القلب نظرة محياك لاعاش راس ٍ في غيابه يبكيك= ولاعاش قلبٍ بين الاوجاع ينساك أحب من حبّك واعادي معاديك=وكل العواذل قدرها تحت ماطاك من قبل أعرفك واعرفك يوم اسميك=اسمك وينبي عن بقايا حلاياك وانت الحلا كل الحلا مجتمع فيك=وانت النقى من طيب قلبك صفى ماك عسى الليالي ماتكدر صوافيك=يانبض شريان العطا والغلا جاك اشعلة لك مليون شمعه تهنيك=واطفيتها بميلاد عيدك ولقياك

( وجه الزمن )
.

ماهي ورق واقـلام شاعـر ومطبـوع=طرقٍ لأبن كسار من خلف الأضلاع
بطاقةٍ بالعـز ترقـى بنـا طلـوع=سلمٍ لنا موروث باقـي ولا ضـاع
ترحيبةٍ من طش غيمه لها اسبـوع=وقت الوسم والخير سالـت بـه القـاع
تسري مـع البـراق وتولـع شمـوع=وتصبح مع الـوردات معزوفـة ايقـاع
وادي بدنه قدام عرعر مشـى قطـوع=وريح المطر قـدام تفـرد لـه شـراع
مـن وايـل لعنـاز وصدورنـا دروع=ورث الأسد لا غاب مركي على سبـاع
بيتٍ مسوّبع ربعته تكفـي جمـوع=ماضاق صدر البيت وفجوجـه وسـاع
يوم العدامه سيف سقنا الزمـن طـوع=صعبه على وجه الزمـن يلـوي ذراع
تلقى مصب السيل مـن عالـي فـروع=سيلٍ غدى توقيع في قسـم الأبـداع

.
شعر / عويد بن كسار
.

ياسلآآآآم هنا فعلا الجمال
صح لسانك يابحر القصيد
قصائد تتمآرى وتتنافس علشان تكون الافضل

وبصراحه كل وحده أروع من الثانيه
لاعدمناك

الشاعر القدير/ منصور الرويلي


حياك الله يابو نايف زدتني شرف بمرورك على الديوان لاهنت


تحيتي لك