ديوان الشاعر/ عبدالرزاق بطاح المطرفي

يالقوم يابعض المخاليق يالقوم
اللي على قل السنع رافع البوز

بالكذب شيخ وبالمهايط من قروم
من روس قوم لهم بالوغى روز

وهو من الثنتين خالي ومعدوم
والمبتلي في كبرت النفس منحوز

طيرالفلس في حضرته مدرك الحوم
مابه معزه بس من قلت العوز

وحنا بني وايل أبعادن عن الوم
والحمدلله عزوتي كلها عنوز

حنا هل الامجاد والفعل معلوم
وفعال وايل كلها كنوز بكنوز

عبدالرزاق المطرفي

ابيات جديده وليدة هالحظه والنقد مطلوب
:::::::::::::::::::::::::::::::::::::::
البارحه. أخيل برقٍ ورعاد
وبروقها في جوها مستمره

المزن يردم والرعد له تجلاد
والسيل شفناله مع القاع جره

والقاع من عقب العطش جاه وراد
شربت ورويت جاه سيلٍ وسره

سلام يالشاعرلك القاف ينقاد
شاعر وله باعٍ طويلٍ وكره

لشعر شعاره ولنقد نقاد
وللهرج هرج وبالسواليف عبره

ولاكل من يقنص مع الناس صياد
الصيده له ناس ولصيد خبره

ترا المخوه راسخه بين الاجواد
الاجودي حفاظ سرك وسره

ولا الردي ماهوعلى الطيب معتاد
من دون خيره ليت يكفيك شره

ماهو عن اهل الطيب يالقرم نشاد
همه بقرشه كيف يمكن يصره

يامال فرقا العين يابعض الاعباد
مابه من الثنتين نفع ومضره

عبدالرزاق المطرفي

حييت يامنظم الالماس
وحروفكم حيل جازلي

سلام يالشاعر الحساس
أحمد كما الحر متعلي

ياخوك لاتناظر الانجاس
أعلومهم قشر ماتسلي

لا يخدعك زاهي الالباس
ولد الردي خله ايولي

لاصار مايكسب النوماس
عزالله ماهو رفيقلي

ولانت يااحمد ترا نبراس
من روس قومٍ لها ظلي


أرجو المعذره عن التقصير
وردي على عجاله

اخوك / عبدالرزاق المطرفي

ياحلو براق الحيا يابوهذال
برض الحماد وحول ذيك الفروعي

شرقي من الزمله على ذيك الاطلال
وخوت نشاماء مادخلهم جزوعي

تلوعني أفكار راسي لها ظلال
الاوج لوج اللي يحس الوجوعي

ولياذكرت ايام وقتٍ لنا شال
قامت على خدي تناثر أدموعي

ذكرى خوين فاقدينه ولا زال
الموت غيبهم ولابه رجوعي

معهم خذينا بواسع الدو مقيال
في ديرةً تشفي جميع الصدوعي

واليوم ذكرى باقيه يابوهذال
ودنياك مبطي به نزول وطلوعي

يارب ترحمهم على كل الاحوال
ياواحدٍ يرجع لك الامر طوعي


خاطرة توجد وذكرى
عبدالرزاق المطرفي

الله ياشيخاً طواه الزمن طي
طوي الوسر من فوق عوج الشادي
ياليت طول الوقت يبقا لنا حي
نطلب من الله يستجيب المنادي
نقول يارب البشر مهل اشوي
لو نفقدة يطلع عمود الجرادي
يالي شيخة بعض الازوال يالي
من عقب ابو سطام كلشي عادي
شيخ الشيوخ اللي له العلم مبطي
من باب بغداداً لباب الرمادي
ياكم سجينن حكمه الشنق معفي
من فعل ابو سطام صقر الهدادي
حط الكثير وقال لاياتي شوي
بصينيتاً تتعب كثيرالايادي
لظيف والطرقي وماكان ياتي
وضعوف عاشت في كنفهم وكادي
ومن لامني لعل يمناه للكي
بحب الشيوخ بعصر وقت الطرادي
وبعص العرب يبخل علا نقطة المي
وهذا مظيفه للمسير ينادي
ابي اختصر عن كثرة الهرج والغي
ماقل دل ومثبتينه اجدادي
وصلات ربي عد عوداً نبت حي
علا شفيع الخلق خير العبادي

الشاعر/ مطر سائر الجريذي المضياني
:::::::::::::::::::::::::::::::::::::::::::::::::: :
مجاراه متواضعه لشاعر / مطر ساير
المضياني ابوفهد
::::::::::::::::::::::::::::::::::::::::::::::؛؛؛؛ :

هات القلم ياصاحبي وحضره لي
ياخوي ابكتب عن حياة البوادي

يوم انها مابين شد(ن) ومدي
اشيوخنا القرم طوال الايادي

ان جيت للهذال ياحي ياحي
شيوخٍ لوايل يوم ركب الشدادي

شجعان خلقه وبالكرم حاتم الطي
رح انشد التاريخ تلقا الوكادي

مضالهم في نجد صدرٍ وردي
على قليبن يدهلونه اعنادي

غصبن عن الزعلان وغصبن عن العي
اعيال وايل متعبين الجيادي

وكلن خبر ساجر له افعال تشفي
فعايلٍ تشيب منها الولادي

وان جيت للمجلاد بالفعل تزهي
لاحددو الهرش وقت الطرادي

وان جيت لليديان خزامت الفي
اخوان بقشه يوم ضرب الهنادي

وشعلان وان ركبو على الخيل ياخي
مثل الحرار اللي تدور الهدادي

وحاكم مصوت بالعشا براس نابي
روس الرجال وبالمواقف سنادي

ولا العواجي متعب الخيل مقفي
يدور زينات البن بالحمادي

والعذر يالويلان ان كنت ناسي
بعض الشيوخ اللي بها الطيب سادي

والعذر يالويلان وان كنت مخطي
انتم هل الفزعات عند الهجادي

عبدالرزاق المطرفي

قريت خطك ياعريب السلايل
عيسى ابن مشهور وربعه اعتيبه

اهل المواقف مايباله دلايل
عتبان لا بان الحريب لحريبه

انتم هل الردات والشك زايل
ولايلحق يالعتبان شكٍ وريبه

ولياعتليتو في اظهور الاصايل
عدوكم تكبر عليه المصيبه

وانتم هل النخوات واهل الفضايل
وفعالكم بالطيب كلٍ دريبه

ياما لطمتو بالقا . كل عايل
اعتيبه الهيلا اسيوفٍ عطيبه

يوم السنين المسملات الاوايل
في ساعةً فيها المنايا قريبه

منكم ابن ربيعان يوم الهوايل
ابوعتيبه بالسنين العصيبه

ومنكم ابن حميد جزل الفعايل
عون الضعيف مروضين الصعيبه

عتيبه. الهيلا ونعم الحمايل
اهل المكارم والفعال العجيبه

قلته وربعي محتمين الدبايل
اعيال وايل بالسيوف العطيبه

يومنها مابين صايل وجايل
افعالنا بين القبايل عجيبه

صبيان وايل محتمين الدبايل
والجار بين ابيوتنا نعتنيبه

عبدالرزاق المطرفي

جانا بشير الخير والبرق لاحي
وهب الشمال وشلع الغيم ونزاح

حنا نحسبه سيل وثره ضحاحي
مايروي العطشان والقيض ذباح

وضاقت علينا من جميع النواحي
ولاعاد للرجّال مسرئ ومرووواح

ياضاق بالي جيت عند الرماحي
ياجيت يمه خاطري حيل يرتاح

فنجال بن وطيب العود فاحي
في مجلسه تلقئ رسالين ورماح


بيته مشرع بالمسا والصباحي
ولاحط للبيبان قفلن ومفتاح

يجود لا شحت يمين الشحاحي
عسا ايامه كلها اعياد. وفراح

صوت الصحراء شريف الخالدي
::::::::::::::::::::::::::::::::::::::::::::::::
صحت لسانك يابعيد المشاحي
ونعمين لا قالو رسالين ورماح

شريف قال ابيات بيضٍ انصاحي
شاعر جزل ووعز بالابيات بيضاح

الوضع ياطير السعد والفلاحي
ماعاد تفرق بين شيخٍ وسراح

كثرت. شيوخ مجمعين الرباحي
تجارت العمله ولاعندها نصاح

ماهمني يالقرم كثر الصياحي
وسكر الموجه عن الناس ورتاح

وقلبي اللي فيه كثر الجراحي
وقلب العناء ما ينفعه كل جراح

واحيان أمشي كن ماني بصاحي
من هاجسٍ يطغى على الروح ياصاح

نبي لنا يالقرم خدٍ بياحي
في ديرةً لاجيتها البال ينساح

نسمة هواها لصدور انشراحي
وكله ثلاث اشهور والقيض ينزاح

وسهيل حزت طلعته بالصباحي
على صلاة الفجر مع فج الاصباح


مجاراه متواضعه جداً لخي الشاعر المبدع دائيماً شريف الخالدي

عبدالرزاق المطرفي

ياصاحبي هات القلم وضبط القاف
وهات العلوم الطيبه والطرايف

والشعر تلقاله مع الناس عراف
اللي تعرف النادره. والجعايف

ومن بعدها نكتب من الكاف للكاف
ولياكتبنا مانجيب الضعايف

الله على اللي لا مشا ماله اوصاف
يهرف كما ذيبٍ مع الدو خايف

جمسٍ حمر لونه مثل دم الارعاف
يشبه لشيهانٍ مع الصبح شايف

من عندنا يسري على طلع الاطياف
وعليه جهز من جميع الكلايف

فلل اتنوكه من محطات نياف
والله يفكه من جميع الكسايف

يلفي لبوخالد على الطيب مزهاف
حرٍ مقره عاليات النوايف

وفي مجلسه تلقا الاواليد تحتاف
وتلقا بغاديدٍ بها البن كايف

سلم عليه وسلم الخط بنصاف
بكلامٍ احلا من حليب الرهايف

وصلاة ربي عد ما النور ينشاف
على رسول الله زين الوصايف

عبدالرزاق المطرفي

خلقنا بهالدنيا معانات وظروف
مثل البحر مابين مده وجزره
لن العمريسري مع والوقت ويطوف
لابد ماسود الليالي اتعثره
ولياعصف في أخر العمر. عاصوف
والشوف قل وكل شين أيعسره
لا تأمن الدنيا بها اشكال وصنوف
ولا عاضبت ياطيب الساس. قشره


عبدالرزاق المطرفي

اليل بعيون المريض يطولي
ماله جدى ياغير جر الولاويل

حالة مريضٍ. شاف شين يهولي
ماهو اسوات اللي يدور التعاليل

ياخوي بعض الناس شكله زعولي
تعطيك تقسيمات وجهه تفاصيل

وبعض البشر يالقرم شكله عجولي
لو ان اموره يالسنافي تساهيل

يودع من الموضوع شين شمولي
ولوضع عادي مايبي زود تهويل

لاشك بعض الناس طبعه فضولي
يحب يعرف عن كل التفاصيل

هذاك ماهو للجزايل يطولي
غير النقيلي ماذكر به محاصيل

عبدالرزاق المطرفي