كبرنا وصارت الدنيا تصف احزاننا بالدور..فضفضه

كلمـــات عشناها و كبرت معنا من طفولتنا ..مجرد فضفضه

.. الاسم..
في بداية الحيآة أول مايتعرض له البزر السعنن ..هو أختيار الأسم..
عزيزي المواطن اذا كان اسم أبوك اوجدك خليوي ولا دعسان
وش ذنب طفل توة طالع على الحياة يتسمى هالاسم!!
قمة الاضطهاد وضيقة الصدر لما الواحد صغير واسمه اسم شايب؟؟
اومثلا يطلع على الدنيا واسمه متعب ولا حزنان ..سلامات؟؟
لو يجيه ضيقه او شي قال بس هذا من اسمي..
اصلا من السنه الواحد يختار الاسم المناسب والي له معنى حلو لولده
وفي شغله ثانيه بعد داآآآرجه ..
لما ينزل مطر ويجيهم ولد سموه مطر..أثنين تهاوشو جتهم بنت سموها زعله..!!
الحين اتقوا الله وش ذنب الطفل يتسمى بالظروف الي تمر عليكم..
في أسامي عجيبه غريبه تحس كل حرف فيها ماخذ حقه وبقوه
أستغرب وينهم عن أسامي الانبياءو الصحابه..
محمد..معاذ..مصعب..عمر ..
الله ومن زين أسامي هالوقت الي كلها حرفين..
مي..في..لنا.. جنى ..
وفي واحد اليوم منزل موضوع عن اسم معناه شيطان اعوذ بالله
وفي أسامي منزهه ماتجوز مثل ملاك.. لانها من صفات الملائكه
أخوك الصغير..
ياحرآم يعني الولد الكبير دآيم مضطهد علشان الصغير ومشكله
لو كانت اعمارهم متقاربه يعني كلهم صغار
ويروح فيها الكبير لو قال أي شي قالو له انت الكبير وهو الصغير
ماينلامون اذا قاموا ينغزون اخوانهم الصغار..
المفروض الاهل يسآوون بالمعامله ولا يهملون احد على حساب الثاني
تجنبآ للغيره الي تؤدي الى.. الكبت وثم عقد في غنا عنها
أخــــوك الكبير..
ياشين الاهل الي يحسسون الاخ الكبير انه ابو سري..(على وزن عريف سري)
يعني ماتسوي شي الا واخوك الكبير معك لاتروح ولاتجي
حلو نزرع الثقه فيهم من الصغر ونبنيها بينهم بدون مايكون في
آمر ومأمور ..مثلا نقول نخاف عليك تروح لحالك خلي اخوك معك
خلي اخوك يساعدك ..
شوفوا فلان..شوفي فلانه..
الحين حنا نبيهم يغارون ولا يتعدلون حرآم والله حرآم
أكبر غلط هالحركه هذي مُدمره ومايجي من ورآها الا الحقد
علشــان الناس تقول..
سو كذاا علشان الناس تقول عنك بطل ..تكلم بأدب علشان يقول الناس أنك مؤدب ..
كذا نغرس فيهم الرياء من صغر
يصير الطفل يسوي شي علشان الناس تمدحه وكذا غلط
لازم نقول : مثلا نظف غرفتك علشان الله يحبك لان الله يحب النظافه
نربط افعالهم بمحبة الله من صغر علشان تكبر فيهم..
العيب..
يعني أي غلط على طول وبعين حآآآآره مع دبجه على الطاير وعيب..!!
طيب بدل التخلف هذا..
ليش ما نفهم الطفل نعلمه وين الغلط وليش غلط وكيف الصح علشان يفهم..
المسأله تربيه وجيل معافا مو عاهات..
ربي يحطك بالنــار..
أسلوب وعضي غريب!! ليش لما الطفل يكذب على طوووول نقوله
ربي بيحطك بالنار ..ليه مانقوله ترآك مابتروح للجنه؟؟
ليش مانرغب بدل هارهبه والرعب .. ولا يجي واحد ويقول
لصغير تخيل تموت وانت تكذب ولا وانت تسمع اغاني
ليه يحسسون الاطفال ان الموت ماورآه الا العذاب..!!
طيب انا مسلم واصلي ..وربي رحيم..ليه كذا نظرتنا عن الموت حتى يوم كبرنا..
الله يقول اناعند حسن ظن عبدي بي
ليه ماحد قالنا واحنا صغار لما نموت نروح لربي ..هالشي يحسسنا بالامان اكثر..
ليه محد قالنا ان المسلم لما يموت يروح لحياة ثانيه
والمسلم مايشوف الا الخير ..ليه القسوة هذي ياربي
الكــــرآتين..
مااقول غير حسبي الله ونعم الوكيل أجل سالي وهايدي كيف كنا نطالعها!! لا والكارثه اهلنا معنا ..
ليه يفرجونا على كراتين تحزن..؟؟
أكيد كلكم تعرفون كرتون النعامه الي عجزت الذيب
لايمسكها ..عرفتوها الي تنطلق مثل الصاروخ وتقول بيب بيب
عارفين ان هذا الكرتون ممنوع عند اليابان لانهم اكتشفوا انه
جاب لعيالهم الاكتئاب ..أجل وش نقول عن توم وجيري الي دابله تسبدي ونفسي الى الحين ان توم يدق خشمها دق ..
توتر كبر معي
أطفالنا صارو مثل توم وجيري والله جد الصغير يضرب الكبير ..
الرجل..
يوم كنا صغار..كانوا اهلنا يحسسونا ان الرجل كائن حي ممنوع الاقترآب منه ..
صرنا نستاحش منهم نحس انهم شي غريب عننا..
يعني اذا غلط الرجل نسكت علشانه رجل مُهاب شي مقدس
والحين لما كبرنا ..لو ينفخ علي رجال ولا يغلط اخاف مااقدر اقوله شي
انا ضد الوقاحه لكن بأدب ترآك ياخوي غلطت علي لطف وعتب بسيط ..مو سيطره واستسلام
وأخيرآ أذا كبرتوا..
من كثر ما تنقال لنا صرنا نتمنى اننا نكبر بسرعه..
والحين يوم كبرنا..كل العالم اشوفهم رآزين بتواقيعهم
(كبرنا وليتنا ماكبرنا)
(كبرنا وصارت الدنيا تصف احزاننا بالدور)
(ياليت الزمن يرجع ورى واليالي تدور)
والي تقول (ليتني طفله واكبر همومي لعبتي)
جتنا صــــدمه..توقعنا اننا اذا كبرنا بنصير وناسه..وتتحقق كل احلامنا من كثر مايقولون اذا كبرتوا..
المشكله اننا نشوف وجيه الكبار دايم معبسه وتسد الرزق
وهذانا كبرنا وكبرت عقدنا معنا ..بس الله يستر ولانعقده بعيالنا
اتمنى اني وفقت بالطرح ودمتم سالمين..