سج ـل ح ـضوركـ بـ بيـت (( ارتجالـــي ))

ياكثرهم نـاسٍ يجـون ويغيبـون
وانته تجي وتغيب واغيب لاغبـت

أما تعال ويبتهـج قلـب وعيـون
وإلا ترى ماطاب جرحي ولا طبت

كان صدك من هموم ومن عنا / عطني همومك وانا احملها معاك

وكان صدك لاقي ن غيري انا / رح في مان الله لاتناظر وراك

ودي اقطف لك من ورود الهنا / ودي ارهن لك حياتي من غلاك

ما تحس بقيمه اللي تعشقه الا بفراقه / بس خسارة يومها ماينفعك كثر الحسايف

من يحبك لازم تصونه وتشعر بشتياقه / والمحبة ماهي اطلابه ولا فيها كلايف

صحت أحاسيسكم ودمتم بهذا النقاء

بعض العرب مثل المطر ترتاح له كل النفوس /// اللي يشوفه يعرف انه غيث لو انه بشر
مايختلف لو تختلف في عالمه كل الطقوس /// يزيد تركيز الوفا في خافقه مهما انتشر

متربعن بين الشرايين تربيع / سوو لي اشعه وبالقلب شافوه

قالوا نشيله قلت والله ماطيع / خلوه لو قلبي تعب منه خلوه

الصاحب اللي قطع القلب تقطيع / لا غاب عني يصبح الفكر معتوه

اللي يبيله مدح بس يدفع فلوس / كم شاعرن بالمدح ضيع ضميره

يا لعن ابوه المال كم يرفع انفوس / لوك صغير صرت حاجه كبيره

متعوس من يركض ورا المال متعوس / القرش تتبعه العقول الصغيره

يسامحهــ الغلا لو ماقبلتـــــ العــــذر والتبرير..,
وتدينهـ عيني اللى لاذكـرتهـ نثرت ماها..,

مساء الخير؟ماظنهـ على مثلي مساء الخير..,
وانا قلبي طواريقهـ على فرقاه غناها..,

ولكنه.. كذا لانه.. مساء(ن) خانهــ التعبير..,
ضحك نابه على عينهـ بعد مالوقت بكاها..,

ان كان لجل عين تكرم مدينه / انته لجل عينك ترا يكرم الكون

را س ن شمخ ماعاش من هو يهينه/ ولا خفت من جور الزمن وانت لي عون

والموج ماحرك ثبات السفينه / وباامر الولي هاج وغرق فيه فرعون

واللي مع الله ما تضيمه سنينه / وبليس يبقى لأخر العمر ملعون

من لا يقدر بالغرام اشتياقي / خله يروح وارض ربي وسيعه

وش با قي ن بعد الجفا ويش باقي / دام المحبه تنتهي بالقطيعه

لاتذكره ياقلب بعد الفراقي / من بـــاع حبك لازم انـــك تبيـــعه

باكر يحس بلوعتي وحتراقي / يندم ودورات الليالي سريعه

كل الهواجيس هاضت ليلة الجمعه / والضيق قام يتمكن لعن ابو حيه

مرات ابا اضحك ومره تنزل الدمعه / مدري وش اللي حصلي وش طرى ليه