صـــورة وقــصــيدة

انـا الصدق اكن لك بالقلب احترام
واشوفك على الناس الصدق غير

فيك الاخلاق وفيك الادب ولك اهتمام
وفيك من التواضع مايسطر بتسطـير

المشكلـه كاني اعرفك انا من اعوام
مدري فيك شي يبي يخليني بك اطـير

ياجعـل فالك والسـعــد دائـم لك قــدام
وانا مافيني شي بس تصبحي على خير

يامـــا حلا مجلس الشيبـان
لامــــن لفــو كـل عصريـه

من حــولهم نلعـب الدنـان
ونلعب على طــاق طاقيـه

وأهل الغنم شرعوا البيبان
وكـلٍ سـرى فـي مساريـه

في هالزمن تغيـر الجيران
مــاعـــاد فيهـــم محنـيّـه

الطبع الأول تغيّر و شـان
وأخلاقهم صارت تجاريـه

معــروفك يقابـل بنكـران
لـو كان مـن أي جنسيـه

قليل منهم يسـوي إحسـان
أو يصنع أعمـال خيــريـه

حتى الولد يمشي فالعصيان
بــالليـــل روحـــات وجيــه

الصبح يطلع وهو سهران
تقـــول مجبـــور جبـريــه

أبو سبع يشـرب الدخـان
وأبـو عشـر فعلتـه سيّـه

يالله دخيلك من النقصـان
يـارب وإن تصـلـح النيـه

يارب سالك عظيم الشـأن
تغـفـر ذنـوب الهــواويــه

تدمح لهم ماخفا وما بـان
ولا تكشف امــور مخفيّـه

وصلاة من نـزّل القـرآن
وأنـزل أحكـام سمـاويـه

على محمد نســل عدنـان
عـد الرمـل في صحاريـه

يـآهآجسي رح : قلها ،
مهما حصل ،،،
ــــــــ ماملها /
حتى لو تقسى عليّ،
انـا [ ..فـدآها / كلـها ، ..

إلى مشيت اعرف دروبك وممشاك

احرص على نفسك وخالف هواها



أمّارةٍبالسوء ما هي بتنهاك

اقبض عليها لين يجلى صداها

اقطع نواياها بدينك وتقواك

هلّل وعند الله سريعٍ شفاها

والعين لا تنظر بها من تعدّاك

المحصنه لو تلتفت لك وراها

اصبر على همّك وغمّك وبلواك

عف وتعفف لا يغرّك حلاها

واترك حرام القوت ما هو بيملاك

كل البطون الجايعه ما ملاها

رشفةحلال اتسد جوعك ومضماك

تسوى مشاريب الحرام وغثاها

النار في جوفك وتصلى حناياك

نار الجحيم تزيد للي وطاها

واحفظ لسانك لا يجرك ويبلاك

اخذ الثمينه لو غلى مشتراها

الهرج ميزانك ويكشف خفاياك

كلمة تعيبك لا تبيّن نباها

صون الكلام وصون نفسك ومبداك

للنفس حشمة لا تفصّم عراها

اصمت مدامك عارفٍ سيرمجراك

لا تنقل النّمة وتبحث خفاها

يزول قدرك عند أقرب دناياك

لو هو ولدعمّك حياتك جفاها

واحلم تراه الحلم يرفع مزاياك

هو سيّد الأخلاق هومبتداها

وصّى به المبعوث ما هو بيخفاك

شفعينا يوم الملاقاة طه

خل الجهل لاتجعل الغيظ ياطاك

ترى الجهل سم القلوب وعماها

وإلى ابتليت ارفع إلى الله شكواك

لا بدّها الأيام تكشف غطاها

اصبر يزين الحظ ويزين مرماك

الله يفرجهاويدفع بلاها

لا تمنع المحروم لا من تنصّاك

الناس لأجل الناس وأحسن عطاها

ابذل لوجه الله والله يجزاك

مثل الغروس اتطيب للي سقاها

لا ضاع معروفك ولا ضاع حسناك

إن كانها لله تلقى جزاها

جارك ولو هو جار تسقيه من ماك

عليه لا ترفع يدينك عصاها

أحسن جوار الجار لو كان يشناك

ترى العرب تحشم كلاب اقصراها

بكره يشد ويكتب الله فرقاك

عساه يذكر جيرتك مانساها

الظلم شين ويجعل النار مثواك

راع الظليمه عيشته ما هناها

فوقك إله العرش عالم نواياك

ينظر قلوب الناس وش محتواها

يسمع بما تجهر وعارف خفاياك

بأمره شروق الشمس ترسل ضياها

هو عالمٍ غيبك وركّب خلاياك

هو خالقٍ فيك العروق ورواها

والضيف له حقٍ إلى حل بحماك

قلّط ضيوف الله وأكرم لحاها

لا تحقر الضيفان واتشح بغذاك

من ما عطاك الله قلّط عشاها

وعليك باللي حزة الضيق يفداك

لا شانت الدنيا ودارت رحاها

لا من زهمته لو على الموت لبّاك

عيني لجل عينك وروحي فداها

ترى الخوي نبراس روحك وملْجاك

لا كلّحت بقعا وزادت غثاها

حذراك من بعض المخاليق حذراك

بعض العرب ما تفرقه من نساها

حـبـك لعـبـي لعـبـة الـبـن بالـكـيـف
...... لأبْطيـت عنّـه ثــم تعـكّـر مـزاجـي
أو لعبـة آل سعـود لا هـزّوا السـيـف
.......هـزيـت راســي لـوعـةٍ واحتـجـاجـي
يا حيـف يـا كـل الغـلا يتبعـه حيـف
.......ماكنّك اللي وسط الأعمـاق داجـي
ولا كني اللي من هواك أتبع الطيـف
........ادمنت في حبك ولاعرف خراجي

( الحُب ) له وقت ، مو كل وقت يا شاطر


............... وماأظن ترضى حبيبي ؟ أجرح [ صيامي ] ..



إن مَر .. طيفك فبالي ؟ أعتبر فاطر !


.............. وشلون لاصرت "واقف" إنت قدامي ؟

..ان شكيت الحال .. محدن لي [سموع ]..
وان سكت .. الناس زادوني ملام ..!!
طال [صبري ] والزمان عيا يطـوع ..
و[الرجـا ] باللـي عيونـه ماتنـام ..

*




*

لا شفتي الدمعه على خد رجال
ولا حـاطـن على وجـهه يديـنه

اعرفي دمع عينه من القهر سال
ومايـنتظـر احـداً غير ربه يـعيـنه

وانتي ياجعل حـظـك اليوم مامـال
ويوفقك ربي في كل درب تمشينه

هذي الدنيا تقلب كل يوم على حال
ومايخذ العبد الا كل مكتوب بجبينه

اطير لك حمام البال وافقد كل ليله سرب
يمسي الورق في حضنه الدافي ويدفا به
شعوري لو نثرته للهبايب كل جرح هب
وعنيت الهوا واهل الهوا والحب متشابه
حنين وشوق واحلام كثيره والحقيقه عذب
حلاته في عذابه من دخل دنياه يشقا به
عظيم الحب وانت اعظم واناعظم من جرح في الحب
حياتي عطرها نفس الشعور الي من اسبابه