هلوساات حسيّه

عـطني مسـائك واخـذ الوقت كله��

مـافيه غيـرك يـجعل الوجه ضاحك

ياللـي سكنت القلب واصبحت خله��

✋اسـعد مسائي اسعد الله مسائك”

حي الله اللي يتابعنى غلا وأحترام
وحي الله اللي بعد معهم يتابع كذا

وأقول من خاطري ي مرحبا بالكرام
ترحيبةٍ كلبوها ريح عود وشذا”

وجه الورق مايشتكي طول الايام
ولا يتعبه نزف / الحبر / والكتابه

يبقى على طول الليالي والاعوام
يستقبل جنون القلم في / رحابه

ماجور ياقلبي من الهم ماجور
عسى السعّد ياقلب بالمقبلاتي

ربك كريم يبدل الحزن بسرور
بامره يغيّر كل مجرى حياتي

عفـواً ياخلق الله خلوني شوي
بيني و بين ضلوعي العـوج ونه

وعفواً ياقلبي لآجبرتك على شي
الجبر في بعـض المواقيف سنّه

اللي يبي قربك وشاري وصالك
إحفظ وصاله وإشتر القرب بالقرب

واللي يفلّت من حباله .. حبالك
خلك عليه أبعد من الشرق لـ الغرب"

ما كل من يضحك سعيدٍ بدنياه
وما كل من يبكي دموعه حزينه

أحدٍ بكى والكل يدري عن بكاه
وأحدٍ مع الضحكه تحس بونينه"

لو يصير لكل نفس بهالزمن مااختارت
ما لقيت الناس تشكي لك جفا دنياها

لا تضايق لو تمنيت أمنية ما صارت
الله .. يؤجل .. أمانينا .. ولا ينساها"

نصيحة خذ من هالزمن كل يوم درس
و لا تقول من طعنات الزمن ماتعلمت

اللي يحبك يغرس الحب فيك غرس
واللي يبي يلعب يكذب كل ماتكلمت"

ان طارت طيور السماء بـ أرزاقها
أرزاقنا من عند ربي .. ما تطير

النفس يكفل .. رزقها .. خلاّقها
و اللي كتبه الله على خلقه يصير