هلوساات حسيّه

الليل سّكه من حنين وتناهيد
وأشواق تعزف نايھآ بـ آلمحانيّ

وشريط ذكرى للقى ، والمواعيد
واحسآس شعر ضحكتين وأماني"

ماتقدر اتجيني .. ولا اقدر اجيك
قلبي طواه البعد والشوق طايش

على كثر ماقلت لك جعل مابكيك
شفني بكيتك وانت لازلت عايش

تصدق اني كل ماشفتك ارتاح
ويظهر على وجهي ملامح سعاده

وماكان في صدري من الهم ينزاح
وحلا الحياه يصير سكر زياده

شفت القصيد اللي تردد عليّ دوم
اخــتــرت لك منه شطر في عتابڳ

يــا غـايبٍ عني / تــرى للبطا لـوم
حتى الــقصيد يــعاتبك في غـــيابڳ

اللقاء [ مطلوُب ] والفرقا شقى !
والشقا مرفوُض لاجاء من حبيب

لو سمحت تشوف لي موعد لقى
وحبذا لو كان هـ الموعد .. قريب

أوعدك تلقاني جنبك وأحتويك !!
يوم غيرك , كان حلمه … أوعده

إيه أغـار وما أبي غيري يجيك ؟
حتى [ ظلّك ] لو أطـوله ؟ببعده !

اشكي عليك الحال ياعارف الحال..
ولو مابيدك شي يكفي لك اشكي..

يكفي تروح بكلمتك ضيقة البال..
ويكفي تحس بضيقتي دون محكي..

يوم أمتلا فيني حكي ماتكلمت
خـوفي تـقول الناس ضايق ومكبوت

من كثر غلطاتي .. فهـمت وتعلمت .. ؟
أن السكوت أحيان أقنع من الصوت"

البعد وظروف الزمن هدت الحيل
وغير الصبر مـا فيه للشخص حييله

اللي بقى شعر وخواطر وسهر ليل
بـعض الامـانـي يا عـرب مـستحيله”

ما عاد فيني حيل لمعاتب الناس
مليت أداريهم .. وأسـاير هواهم

اللي يبون القرب ع العين والراس
واللي يبون البعد .. ربي معاهم !