هلوساات حسيّه

للضيق في قلبي مشارييه وحقوق
والمشكلة ضيقي وهمي سكني

تلوح في قلبي من ضيقتي بروق
وتمطر عيوني دمع وأصرخ وأوني

أحيان أظن أني من الضيق مخلوق
أستغفـــر الله من ذنوبــي وظني

وأحيان أحس أني من الضيق مخنوق
بأقصى حنايا الصدر ضيقي طعني

غطيت في نومي ثواني وشفتك
واسقيتني حلو العسل من شفاتك ..
حضنت بعضي واحسب أني حضنتك
الحلم جابك وانت باحلا صفاتك...
ما ذقت في عمري حلا لين ذقتك
وما أظن فيه أحلا وألذ من حلاتك..

بيض الله وجه الايام والمال القليل
بينت لي صادق الناس من كذابها
لو معي من غيب الايام والدنيا دليل
كان أجنب بعض الأشياء قبل ابدابها

لا خاب ظنك في رفيق تعزه
أكتب على صدر الزمن يا خسارة
ما كنت اظن الوقت يقدر يهزه
لاكن حسافه الوقت غير مساره

ما همني شكل البشر والمظاهر
أنا عزيز النفس ولا امشي لمصلوح
اللي هوى قلبي يبشر ويامر
واللي يبي فرقاي ترى الباب مفتوح

الشعر بإحساسه يمثل مضاميني
والناس باحساسها أنا امثلها

بعض القصايد كأنها عايشه فيني
القافيه قبل لا تكتمل اكملها

من رافق الطيب شرب صافي المي
ومن رافق الهافي جفا الما كفوفه
لا تنكر المعروف لو انه شوي
ومن قدم المعروف رد معروفه

ما هو على كيف المخاليق تختار
ما في أحد يعرف نهاية مصيره
حكم القدر واقع ولا تنفع اعذار
لاكن ترى بعض المقادير خيره

لا صار شفك بعيد ومحزمك فاضي
والوقت حمله ثقيل وعلته عله
لا تلتفت في حسايف وقتك الماضي
غامر على العز والتوفيق عند الله

يازين لو تسمح تجيني على الخاص
باخذك في رحلة غرامي وامشيك
في وسط قلب ما عشق عدة اشخاص
ما يعشق الا شوف زولك وطاريك