♂♂l|][Ξ¯▪ـ‗_شـــوآرد الفكـــر_‗ـ▪¯Ξ][|l♂♂

ياليت خلق الآدمي كان شفاف
من شان تعرف وش قلوب الخلايق

بحر القصيد~

عبر المضايف والصحف والوسايط =ابرسل الابيات لجل الاحاطه
مافيه ترميز وغموض وشرايط=رسالتي تاصل ابيسر وبساطه
ياشين وجه اللي يحب المهايط=وقت اللزوم ايصير مثل الطماطه
لاجاك با المجلس يهل الخرايط=والناس تدري به يعادل بلاطه
تجي اعلومه كنها زر شايط=يطوي ويفرش للخلايق بساطه

حظي وحلمي لو فقدته غريبه
ماهي غريبه لو فقدته ولا شي




كثير راح ولا اعتبرته مصيبه
بس المصيبه لو فقدتك وانا حي




بحر القصيد~

الله اكبر صافي النيّه قتيل=والبريء اصبح يشيل ولا يشال
وراحت العادات والسلم الاصيل=واعتمدنا ماتقول ام العيال
واتبعنا منهج الشيخ الجليل=والجهات الاربعه صارت شمال
واتجاه البوصله عابر سبيل=والنجوم اتغيرت والجدي مال

ابو بسام المضياني

صح لسانك اخوي ابوبسام

دمت بخير وعافيه دام لنا حضورك الشامخ

تِدْفَن الواحات وجذوع النخيل
والتصحّر ظاهرة زحف الرمال

دام عود الرمث ينبت بالمسيل
ماتغيّر في تظاريس الشمال

لو تعيش بدنيتك عابر سبيل
ولو سموم القيض حدك للظلال

لا رقيت الرجم في راس الطويل
شب نارك لو على جرم الخيال

مايجيك من المصايب لك دخيل
يزبنك ياكود شافك للثقال

فوق حملك شلت حمل المستحيل
ترتكي له شامخٍ مثل الجبال





بحر القصيد~

ماقول فعل الليل فيني مثل زي
حزن البشر في قلب واحد رماها

حد الجنون بصحوتي والعن شوي
واعقل جنوني صحوته مالقاها

ومن امس اقول اني تقل فاقدن شي
روحي تضيق ولا عرف وش بلاها

كان البلا فرقاك كل البلا بي
صفحة غلا بالقلب محدن قراها

الا الغدر تدرين هذي ماهي لي
اخون نفسي قبل اخونك وراها

بحر القصيد~

لا تشكــ وتظن في قولي وكلامي
عني ابعد الشك لحظات وثواني
تلقا فيـــني كل ما تحب واماني
يــلي منك الامس بدموعه سقاني
جيت ابيــن لك واشرحلك معاني
انت ظلمت الامس وباقي من زماني
لا تروح وتصد ترى منك اعاني
لجيتكــ اشتاق ويضحك لي زماني

يعافيك ربي يابو فارس

وش عاد لو يشرح الدكتور=والدرس يسهب في شروحه
قلبي مع الجادل الغندور=يوم اتعب النفس وش نوحه
الي بقلبي بناله طور=ماتاصل الناس لسفوحه
طورن من الود له ناطور=قلبي وعيني عن نزوحه
ابو عيونن طرفها حور=جعلي فدا عينه وروحه

كان انت باقي يارفيقي على الدين=انا رفيقك ماحصل بي تغير
كله كلامن وسط موقع مهو شين=غلطت معازيبن خشرهم مسيّر
ولا انت تدري يافهد وتعرف زين=غلاك في وسط الضماير محير
عزيز من ناسٍ عليينا عزيزين=متهون خوتكم على كل خير

اقفى حبيبي يم ذوده بلينه=ونا جلست وعد كبدي على نار
كني يتيمن وهله تاركينه=اقفو عنه خلوه جالس على الدار
ماله جدا ياكود دمعات عينه=وش حيلته والوقت مع جورهم جار