هــذياني

ودي بالقرب لكن وضعنا يصعب
خايف أقرب وعقبه تبتعد عني
مثل ماقال يبيلك قلب مايتعب
خلنا هيك وكافي إنك تتابعني

عند البدو لحقة المقفي تنقص وقار
يعني اذا غبت عن عيني ماني بتبعك
خلاصة القول وبدقة وباختصاااار
أن جيت يا هلا وان رحت الله معك

ﺃﺻﺒﺮ ﻳﺎﻗﻠﺒﻲ ﻭﺃﻧﺘﻈﺮ ﺧﻞ ﺍﻟﺤﺰﻥ ﻣﻜﺘﻮﻡ
ﻛﻞ ﺍﻟﻤﻌﺎﻧﻲ ﺗﻐﻴﺮﺕ ﻭﺃﺗﻀﺤﺖ ﺍﻟﺼﻮﺭﻩ
ﺻﺎﺭ ﺍﻟﺼﺪﻕ ﻓﻲ ﻫﺎﻟﺰﻣﻦ ﻣﺜﻞ ﺍﻟﻮﻓﺎ ﻣﻌﺪﻭﻡ
ﻭﻧﻔﻮﺳﻨﺎ ﺗﺠﺮﺣﺖ ﻭﺍﻟﻔﺮﺣﺔ ﻣﻜﺴﻮﺭﺓ

رفعتك فوق بالعالي وارجى خاطري وارجيك
متى اشوفك متى اضمك متى ضو الغلا شبه
خسارة كيف خانتنى ضنونى فيك يامغليك
ولا ادري كيف بصبر يوم على لوعات هالغربه

سهرتك ليل ياظالم عشقتك كيف انا ارضيك
اثاري الغدر في طبعك وعلى قلبي ترى تصبه
تعبت انسى تعبت انسى تعبت انسى غرامى فيك
ولكن عزتى ترقى على قلبي ومن حبه

أكتب الأرقام وأنا ناوي حروف
ماهو بيديني أنا فعلاً أحب
أسرعو ياناس جيبو لي ؟؟؟؟؟؟
إبتدت فيني مراسيم الغضب
بعده قلبي عن الناس إمخطوف
إشعٍلو ناري وحطو لي حطب

امن جرحت القلب يكفيه ماجاه
لاتستلذ بطعن قلبي وتكويه
ان كنت ترجى من طعن قلبي الآآآآآآآه
بدري عليك اسمعك ماكان يخفيه

ﻛﻨﺖ ﺍﺳﻮﻟﻒ ﻭﻗﻠﺖ ﺍﺍﺳﻤﻚ ﺑـ ﺍﻟﻐﻠﻂ
ﺍﺣﺴﺐ ﺍﻧﻲ ﻳﺎﻟﻐﻼ‌ ( ﺟﺎﻟﺲ ﻣﻌﻚ )!
ﻭﺍﻟﻠﻲ ﺳﻤﻌﻨﻲ ﺿﺤﻚ ﺛﻢ ﻗﺎﻝ ﺑـ ﻋﺒﻂ
ﺍﺳﻠﻢ ﺍﺳﻠﻢ ﺩﺍﺍﻡ .. ﻣﺤﺪﻥ ﻳﺴﻤﻌﻚ !

يا صاحبي وشلون عنا تخليت
وانت غلاك بداخل القلب ساكن
مدري علامك يا رفيقي تماديت
أشوف نورك غادن لون داكن

قلت لك لا تحبني بتتعب ... معاي
شوف غيري... يمكن انك تسعده
انت منت عارف ارضي من سماي
و اللي مثلي بغلطه ممكن تفقده