اكتب بيت شعـــر يعبر عن حالتــك النفسيـــه

ياسهل من ينطق احبك= ياهونها على السان البشر

الصمت أشوفه قام يستدرج ...البوح
لو إن في بعض الكلام [المضرة]
اللي يبي يرحل ترى الباب مفتوح
ماني [بشاري] خاطر إنسان ....مرة
ماعاد تفرق من يجي من هو يروح
بس المهم من راح يقفي ..."بشره" ....

تدري وش اللي يقتل الحب بسكات
لاصرت في بوحك تحس بمذله
وتدري وش اللي يكسرالظهر حزات
لامن عطيت احساس ماهو محله


واو وش ذا ياشبيه

رووعه.!

واللهي.!



قولي وش اللي في جفايه جنيتي
غير انك اكثر شخص بكى عيوني .!

جيتك معي إحساس وانتي جفيتي
جيتك بروح العشق وقلبن، حنوني

يمطر سماي الوجد لوكان جيتي
وصدري منابت هاللقاء وانت عوني "

العزاب"

المهم انه راح شره = لايجيبه الله من جاب شره

ياكثر ماجيت في بالي وانـا ناطـر
يمكن تحس بغلاك اللي سكن صدري
تدري وش اللي يحز و يكسر الخاطر
انك تمر بخيالـي وانـت ماتـدري !

عشقته لين ذاب الجسم ليت العشـق مـا يـزداد
.... .... اخاف العشق لو يزداد يصرعني ....على دربـه

احبه ليت حبّي له توفّى .........ساعة الميـلاد
..... ....لو ان الحب مات..(ارتحت في بعده وفي قربـه)!

احبه حب(ن) اعمى ما تسير ....خطاه لو ينقـاد
... ... احبه لكن اللقيا محال وهـذي.......... النكبـه!

احبه والعوايق دوننا والحظ ............والحسـاد
... ... ثلاث احزاب تاقف دوننا .......واوضاعنا صعبه!

أسمع قصيدي وإحترص زين وإفطنلي

ترى نجوم الكون بالكون مطويَه

ودك ليامن صرت ضايق ومعتلي

ويطري عليك إمن الهواجيس مرثيَه

تبعد عن الهم والضيقات وإتصلي

وتطلب كريمن عليه الحال مرجيَه

ومن بعد هذا تجيب الحبر وإتمَلي

صفحاتك البيض لامن جبت قافيَه

تصبح مع الضيقات راضي..ومتسلي

وإتصير من بينهن لاذي ولاذيَه

البارح الليل مصغنله ومصغنلي

جتني طواريه وأبحر في طواريَه

أخذ معه من خافي الصدر واخلي

بعض المواضيه مدفونه ومكميَه

قمت أشتكي من صاحبن صد متغلي

هو باغي الفرقى وهو ساقها ليَه

كم كنت أداريه وأحييه واهلي

وكم بحتله بأشواق وأشواق مخفيَه

أبطى وسيفه للجفى صاحبي سلي

ماكنه اللي من أول صافي النيَه

أببتعد وأنثر أحزاني علي كلي

وأظفها بالصدر وإتصير محميَه

أشوى علَي إمن الهواجيس وأأمنلي

لو إن قلبي بالجفى ماجفى زيَه

يا تل قلبي من جفى صاحبي تلي

تل الخِطَى في درب والعين معميَه

حسبي عليه الله لا راح متغلي

وحسبي عليه القلب لا حل طاريَه

. . تقُول النآسْ { متگبّرهـ !

و أنآ بآلعگسْ | عگسْ النآسْ ‘‘

مآ أحبْ الگبْر و درُوبہْ . . و لگنّي ثقيلْه شوَي !

بعضهُم يظلمْ إحسآسيّ ,‘

. . . و يقُول إنّي ’-{ عديمْة إحسآسْ !و هُم والله مآ يدرُون |

. . عن آللّي بدآخليّ من شيْ !

شخص إلا منه مضى لي معه .. يوم
أندم على ايام مضت قبل ما | القاه |
احتاج له لا صار في صدري .. هموم
ولو ينكسر ساقي تسندني ( يمناهـ )
جعل المعزة بيننا دايم الدوم
هذا الرفيق اللي من الصعب تنسآآآهـ

ياصار ماحظك يسابـق خطاويـك
لاخير في حظـن تحضـه وخـلاك
وان كان ماهوفي مسـارك يباريـك
ماينفعـك لوتبـذل الجوديمـنـاك
يجهل عطاك اقرب قريب(ن)امخاويك
وينسى مواقفك الخـوي ويتناسـاك
ويسمع لهراج القفى وان حكى فيك
ويكرم بخيل(ن)مايتساوى بماطـاك
وياكثرهاعبادةالـوجـه تغـويـك
مامـن صديق(ن)بيـن ذولاوذولاك
يكفـي ولانـي عقـب هذابداريـك
صبري دفنته يـوم بانـت نوايـاك
وانااااا زبون الكايـدات المشاويـك
ماني وانا محمدمن العفـن شكـاك