✿ بين الصمت والبوح ✿ اهداء

فديت هالاحسااس ياروح الوفااء
ياكبير القلب واحسااسك رقيق

تطفي الانوار نورك ماطفااء
يالطيف الروح يانعم الرفيق

لو يطول الهرج بوصفك ماكفااء
جفت الاقلام والصفحه تضيق

اطلب المعبود عالم ماخفااء
لااظلمت دنياك يفتح لك طريق

بقلمــي

~~~~

في كل لحظه صورتك ترتسملي
ون نمت لين الصبح عايش غرامي

عـزّااه حالي فـرّق البعد شملي
صلف الزمان الشين حطم احلامي

وش حيلتي كان الغضي ماقسملي
ابى انفضح للناس باخر كلامي

بقلمي

ياصاحبي ياليت قلبك تبيعه = واعطيك قلبا بالهواااجيس مشحــوون
جور الليالي والظروف الشنيعه = تجعل قوي الباس في عقل مجنون
الناس تنطر كـــــل يوم وتبيعه = في عودة الغيـــــاب للدااار يلفوون
وترجع على الدنيا حيــاة الطبيعه = توحي صداهــا بالقواافي يغنون
يازين هــااك اليوم عقب القطيعه = مثل نهار العيد عندي بهـالكون

بقلمــي

والله كرهت اشوف خطك بالاوراق
يومي عرفت اسلوب طبعك اناني

مااصار عندك ذوق ياعفن الاخلاق
وش ماقفك لو صرت انت بمكاني

الله حرمك العرف مع شين الاوفاق
حظك ردي واخطيت كل المعانـي

اشره على بعض العرب اهل الاذواق
والا الردي في ذلفته ماااشقـــاني

بقلمــي

صح لسانك عاشق الورد

مدوونه رائعه وتحمل بين طياتها اصدق المشاعر واجملها

باالتوفيق ان شاء الله

ولاهنتي اميرة على فتح المدونه الجميلة

تقبل مروري المتواضع

بنت الكحيلاا

صح بدنك شرفتي المدونه بزيارتك العطره

وانا فخور بشهادتك واعتبرها وسام شرف افتخر فيــه

لك مني جزيل الشكر على كل حرف خطته اناملك الكريمه

تحيه طيبه ودعوه صادقه

ياصاحبي ياكامل العقل والذوق
ماودّ لك يالترف غير المبرّه

ان كان مالي مشاريه وحقوق
على الذي مابديت للناس سرّه

انا اعترف لو كنت صادق وماثوق
ماني ثقه ... في ناظر الغير مرّه

والله عليم بخافي السّر من فوق
مازدت عن ماقلت مثقال ذرّه

والناس ترمي بالخطأ كل مخلوق
من باب درب الحسد حتى تضرّه

"عاشق الورد"

انا مزاجي شابكا في مزاجك
امنين ماا وجهت متأثرا فيك

ينسااح بالي يوم يضحك احجاجك
ويضيق باالي يووم تكشر ليااليك

انتي دواي وعارف اني علاجك
وانتي طبيب الجرح ياروح مغليك

بقلمي

كنك زعلت وخاطرك فيه تشويش
غصبا عليه يالغلا لاازم ارضيك

ياصار تدري عقبكم ماقدر اعيش
منـين مـااوجهــت متعلقــــا فيك

هذا خفووقي سووله امر تفتيش
يظهر لك البرهان انه مصاافيك

بقلمي

مزاجي اقشر والزواابع تلووفــه
يصفي شوي وينتكس ثم ينحاس

عجزت اميز علته من ظرووفه
تلعب به الاوهام مع كل نسناس

ربيع قـلبــه صاحبـه لو يشوفــه
تبرئ الجروح وطب عن كل هوجاس

بقلمــــي

اللي غيابه والحضور متسااوي
في عالم النسيان لو كان موجود

مع زحمة الخلان كنّه خلاوي
يغيب كل الوقت ماعنه منشود

هبيت ياوقت الردى والبلااوي
مات الوفاء والبيض متغيره سود

من واقع البرهان ماهي هقاوي
دليل مايحدث ضمانات وشهود

دنياك يالمخلوق فيها مهااوي
ياجاك راس المال لاتطلب الزود


بقلمي



.



قلب العنا من تيهته يعشق الحرف
لاشاف حي ولا سمع بأذنه الصوت

شوق المحبه داعبه وانجرف جرف
دربه خطير ودش به غبة الموت

ماهو غشيم ولابعد ناقصه عرف
مار الغلا في داخل القلب منحوت

بقلمي