اوراقـي انثرها هنااا ، مـدوونتي ، ذكريااتي ، حياااتي

[color="rgb(46, 139, 87)"]ارسل لي صديقي هالبيتين من القصيده السابقه وكنت اعتقد أنها له وحاولت ارد عليها

هذي البيتين اللي ارسلهن

وأنا أسمع مع أهل التجربة في الحياة علوم
بعضها صحيح وبعض الاخبار موهومـه



يقولون وكر الحر ما يعتليه البــــــــــــــــــوم
وأنا شوف عيني وكر حر تحت بومــــه

وهذا ردي عليهم عساها تعجبكم

طبع الوفاء والطيب من ربنا مقسوم
والعبد يسعئ بدروبها والأرزاق مقسومة
زمان(ن) شين يقلب ويعكس المفهوم
والبوم بوم لو هد وصار به زومه[/color]

.

البارحة ربي كتب لي ومريت ..
..دار عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت
التم غيم الدمع من يوم لفيت ..
.. وورقا القصيد لشوفة الغيم ناحت
وضحكت ماأبغي الناس تدري يبالفيت ..
.. لكنها غصبٍ على العين ساحت
حارت دموعي في عيوني وصديت ..
.. وأرمشت مابيها تبين .. وطاحت
وعقبه برق في العين براق .. واسقيت ..
.. خدي ووناتي بصدري تلاحت
وأنا أحسب إني في فراقه تشافيت ..
.. وان عبرتي من مدخل الزاد زاحت
اللي يحسب إني على البعد سجيت ..
.. والا ان عيوني للرقاد استباحت
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
البعد نار وطاعة العذل كبريت ..
.. يقصر على بعده .. ترى الكبد فاحت..

النوم زان و الفراش يتوعد / بشوفت صخيف الروح باضغاث الاحلام

باخذ هدومي و الغطا واتمدد / عسا المنام يطول لايام واعوام

لي

منزلـك مـا بيـن الحنايـا والاهـداب

وموضعـك منـي ياحبيبـي مكـانـي

الحب يبقى لـك ولـو ناظـري غـاب

يا أغلى وأرهف من سكن فـي كيانـي

نحيا على مـر الزمـن ربـع وأحبـاب

والله لا يـحـرم زمـانـك زمـانـي

من كثر ما تهوى وأنا أهواك الاعجـاب

احتار فيـك وصـار شوقـي أغانـي

نسيوا هوانا حرام واستكثروا رد التحيه

سلام مني سلام لأهل الخدود النديه
اين الهوا والغرام غرام من كان ينسى ذيك العشيه

عشره وربع بالتمام تمام عمره وانا اكبر شويه
ولما افترقنا لا خصام خصام ياليت عشنا معا سويا

هذا في يوم من الايام كنت جويع انا وخويي بالدوام وطلبنا من كنتاكي صطل قطع دجاج

وانا احب افخاذ الدجاج الحراق

وجادت قريحتي وجريت ياسر التويجري بس على طريقتي الجوعانيه

يقول ياسر التويجري

أشياء في صدري كثير
أشياء واتعبني الالم
ياطول هالعمر القصير
اللي بداياته ندم

انا جريته وقلت

أفخاذ في صطلي كثير
أفخاذ واتعبني النهم
ياطيب هالصطل الكبير
اللي بداياته لحم

صح بدنكم
صح بدنكم

:d حلفت محدن يقوم

يسلمو

يسلمو


لبى قلوبكم يا بعادين قلوبي

لبيهـ يالغ لي ـــــا

حسب تجارب الاولين :

الأوله اترك مسافه كافيه بينك وبين الآخرين
بعض البشر ودك حدود المعرفة معهم سلام

والثانية اصمت ولاتحرص على كثرالكلام الصمت زين
اللي سكوته ساتره يمكن يعريه الكلام

والثالثة إذا تكلمت احذر تكون أطول المتكلمين
السالفة لاطولت يضعف معاها الاهتمام

والرابعة أمزح ومزحٍ باللسان أخير من مزح اليدين
مزح الرجال العاقله على حدود الاحترام

والخامسة اضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بابتسام

والسادسة إكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام

والسابعة احلم ولا تعجل ولا تغضب ولا تشري بدين
وشاور ولو رأيك معك لا شرت عداك الملام

والثامنة إذا شريت بدين لاتبطي على المتجملين
كلٍ حلاله غاليٍ عنده لو إنه مايسام

والتاسعة لاجاك مديونك معه بعض الوفى وبعضه لحين
فأستد باللي جاك وش دراك لله الدوام

والعاشرة ترى التغافل فيه لذه وانشد المتغافلين
وان جات كلمة توجع أطلقها مع سرب الحمام

والحادية عشر أرضى ليا جاك الرضى لو العذر ماهو سمين
وترى التسامح ميزة السادة رفيعين المقام

والثانية عشر
أصدق مع نفسك وتلقى نفسك من الصادقين
والنفس خيل أبليس لاتعطيه نفسك واللجام

والثالثة عشر ليانصحت انصح خفى لاتفضحه فالحاضرين
ترى الرجال يقودها لين الحكي قود الخطام

والرابعة عشر
إذا تسولف عن طموحاتك مع المتفرغين
كنك تسولف للنصارى فالحلال وفالحرام

والخامسة عشر العمر ماهو فرصةٍ وحدة ولاهو بفرصتين
مع كل مطلع شمس لك فرصة وخطوة للأمام

والأخيرة لازلنا تعلمنا الليالي والسنين
والعلم خير من الجهل والنور جلاي الظلام