♂♂l|][Ξ¯▪ـ‗_شـــوآرد الفكـــر_‗ـ▪¯Ξ][|l♂♂

سلامة روحك الغضه وسلامة دمعك الهمال= سلامة بوحك الوافي سلامة طرفك النعاس
كتبتي ردك الوافي وردي جاك من جوال= اهوجس لك واهوجس بك وانامالي سوى هوجاس
احبك شعر وافخربك وأغني لك على موال= واذا شفتي تري قلبي يدق بنغمة الاجراس
يكفيني يشاركني بشر يكتب بطرف الشال= يشيل هموم من قلبي وازيل همومه الفراس

حشر الغضيان

صبـــــاحي اليوم رايق كيف ما اعــده
من اجمل صباحات مرة من لها ايامي
.
.
ودي يطول الصــــباح ونمشـــي لجده
والا نسافر خيال ونرجــــع اشـــمامي
.
.
والا ابرجـــع على فراشــــي ولا امده
واطيح فـــوقه وانام واحــــلم احلامي
.
.
.
وان مــــا تحقـــق مـــــرادي لازم ارده
وارجع على سالف اطيافي مع اوهامي

أبيات جميله وآكثـر
طاب لي المرور بين عطر إبداعك المميز
لـروحك السعـادهـ..~~

لو كل ماجال بالخاطــر يقال =كان الدفاتر اشتكت مع ورقها
ولو كل ماينقال بقلوبنا يشال=كان النفوس اليوم زايد رمقها

.

عمرالزمن

صح السنتكم جميع

دامك سألت ولا وجدت الاجابه=ما ذكرتك بمسأله حلها فاي
يعني مثل ما قيل ماهي غرابه=الصمت في بعض المواقف ولا حكاي

كامل العنزي

إن غبت عني غابت الإبتسامة =وليا ذكرتك صاح في داخلي شوق
هذي الحقيقه ماعليه ملامه =عاشق وقلبه بين أياديك مسروق

الفارسـ الأولـ

لا تحسب إني من فراقك تألمت = لا والله إلا الروح راحت وانا حي
ولاتحسب إني عن هواكم تندمت = أغليك بس الجرح وسط الحشا ني
ولا تحسب إني في هواكم تنعمت = من يوم شفت اللي نثر دمعتي مي
لكنّــــها الدنيا ومنها تعلمت = المر أهون من عسل نحلته غي

مثل الرصاص ليا تكلم بالاعماق = له كلمةٍ لا قالها يختصرها

.
.

الدرع درعي والرماح رماحي = والمهره اللي بساحتي محميه
بالسيف والا بالقصيد القاحي = عند الشدايد ترقص الجنيه
اللي تشوفه بيننا ما لاحي = ما للزعل بقلوبنا ماريه
واللي تدزه شفته بمسراحي = مابيننا مغطّى ولا مخفيه
خلي ملكته من فردت جناحي = وبضاعتك ياصاحبي ملويه
إبعد وخل البلبل الصداحي = وش لك بشخصٍ مايبي لك جيه
أبنصحك صحصح معي ياصاحي = شد الركايب لاتدور فيه

(( الفارس الأول ))

بالله حنا وش نكون من الاعراب
ياللي وقفتو بيننا وبين ابونا

الله يقطع رزقكم قبل الأرقاب
تبون من كل العطاء تحرمونا

معقول حنا ماحسبتو لنا حساب
ولا قدرتو بالجمل تعربونا

عيالك يابوي اليوم صارو كالأجناب
اسباب منهم بالحياة اتعبونا

خيرك نشوفه يايبه عم الاسراب
وحنا هنا عندك ترى ماذكرونا