 |
|
 |
|
|
| التميز خلال 24 ساعة | |||
| العضو المميز | الموضوع المميز | المشرف المميز | المشرفة المميزه |
| قريبا | مهات همي ناحف الحال
بقلم : ضاامية الود |
قريبا | قريبا |
الإهداءات |
|
 « آخـــر الـــمـــشـــاركــــات » |
|
|||||||
| ჲ჻ أورآق صآمتة ჻ჲ مُـتكأ لإجنِحة ِالروُح بِحُرّية صَاخِبَة { هُـدُوءْ } |
| كاتب الموضوع | سندس | مشاركات | 825 | المشاهدات | 80728 |
|  |
|
 |
|
|
أدوات الموضوع | انواع عرض الموضوع |
01-07-2020, 01:37 AM
|
#761 | |
  
|
عن جد حروووف وكانها تحكي وتتحدث
نريد ان نكون متابعين بصمت لكي لا نقطع ترابط هذه الصور صحيح فيه بعض المصطلحات شوية صعبه ���� سندس الله يسعدك وسنبقى ننتظر بقيه الحديث والحكاية |
|
|
|
02-07-2020, 01:01 PM
|
#762 | ||
 
|
اقتباس:
أشرق متصفحي المتواضع بجمال اطلالتك واسعدني وجودك ... مع امنياتي ان تنال حروفي اعجابك واعجاب الجميع والمصطلحات الشعبيه مقدور عليها ههههههه مع كل الود وباقات الورد سندوسه |
||
|
|
02-07-2020, 01:24 PM
|
#763 | |
|
ولما صرخ فيني ... ماتقولي ابني ..
حسيت بخنجر بوسط قلبي ... وبيني وبين حالي زعلت كتير وصرت قول ببالي .. يمكن في شي كبير مخليه يحكي هيك .. لازم اتصرف بعقل .. اهدى الله يرضى عليك شبك شو فيه ؟ وماشفتلك الا هالولد فقع بكي وطب راسه على دركسيون السياره ويتشهشه متل الصغار ... مااجى مني ومتل عادتي مديت ايدي وصرت امسحها على شعرو اهدى الله يرضى عليك واحكيلي شو صاير والله وقعتلي قلبي .. والولد مافيه غير يتشهشه وقلبي عم يبكي معو .. انا ربيته من وقت كان باللفه ... واحترت شو بدي اعمل .. سكتت مستنيتوا يهدى .. وبيني وبين حالي قول ياريت كان جوزي معي كان فهم عليه اكتر ... وبعد شوي هدي ورفع راسه وعطيتوا مناديل يمسح دموعه ومنخارو .. وجواتي عم يقول يلا نطوق هالجوهره .. ونطق اخيرا ابو الهول ... بعتذر لاني صرخت فيكي والله مابعرف شو فيني بس حابب شوفك وحاكيكي من جواتي فرحت بس ليش الشنشطه مايجي لعنا بشوفني وبشوف عمه يلي بحبه وكمل .. ساعديني ... قلبي وقع ومخي صار يودي ويجيب ..شو عامل مصيبه هالولد الله يستر .. انا بعرف قديش بتحبيني انتي وعمي وبتحبي الكل .. عمرك مازعلتي حدا وبتعاملينا متل ولادك .. انا عم اسمعوا وايدي على قلبي خايفه يكون مهبب شي شغله ودايما بتسمعينا .. وبتنصحينا .. وحتى لو ضايقناكي مابتحسسينا .. المشكله اني اني اني .... وسكت وانا قلتلوا .. انت شووو .. مابعرف والله مابعرف .. فهميني ليش هيك عم يصير معي ... لك ابني عيني فهمني لساعدك .. تافف وسكت .. احكي شبك ؟؟؟ صار يحكي وراسو بالارض .. الي فتره كيف ماعملت وشو ماسويت .. نايم صاحي صورتك بوجهي .. وعم فكر فيكي كتير وماعم اقدر نام بدي شوفك كل الوقت ومابدي حدا غيرك ... انا انصعقت شو عم يحكي هالمجنون .. ارتبط لساني ... شو رد عليه .. كيف اتصرف ؟ ياويلي شو هالمصيبه .. لك هذا ابني ... وللحديث بقيه |
|
|
|
|
03-07-2020, 05:27 PM
|
#764 | |
|
مابعرف كيف اتصرف .. اخدت نفس عميق ..
وقلتلوا .. انتي الني يلي ماحملته .. انت تاهت مشاعرك وتلخبطت ولاني طيبه معك وبسمعك وبهتم فيك حسيت هيك بعرف امك شوي قاسي منشان هيك بتتمنى تكون متلي وانتي ماعدت تعرف تميز يلي عم تحسوا .. الولد مارفع راسه كانو خجل من حالوا .. صحيح كنت عم حاكيه بهدوء بس يعلم الله شو كان جواتي من غضب وزعل منه وعليه .. بس مافي غير هيك اخدو بالسياسه .. طلع فيني وبصوت ضعيف بتسمحيلي اشرب سيجاره .. هزيت راسي موافقه .. اول مره بدخن قدامي .. مع اني بعرف انو بشرب سجاير ... وسكتت .. ضاع مني الحكي .. بدي بس ارجع لبيتي .. وهو صافن بهالسيجاره وهادي .. بدك الحق مابعرف ليش خفت ومابدي الح عليه يرجعني .. خلص سيجارته ...وقال .. انا اسف .. سامحيني .. وسكت انا مارديت ماعاد طلع معي الحكي ... دور السياره ومشي ... وساكتين طول الطريق .. وانا بيني وبين نفسي ماخليت سورة قرآن حافظتها الا قريتها .. ووصلنا لبيتي ... وقف السياره .. التفت ناحيتي بدو يحكي .. كنت فتحت باب السياره ونزلت .. دخلت باب العمارة .. وسمعت عجلات السياره عم يشحطوا كانو طلع بسرعه .. كنت عم ارجف ماعادت حملتني رجليي .. قعدت على اول الدرج ... وانهرت بكي .. ياربي شو هالامتحان ... شو اعمل يارب ؟ بخبر جوزي .. والا بسكت .. كيف بدي قابلوا اذا زارنا ...؟ والف سؤال براسي .... وبعد ماهديت .. مسحت دموعي وطلعت لبيتي .. وفتحت الباب .. وكان جوزي ناطرني ... للحديث بقيه |
|
|
|
|
05-07-2020, 02:00 AM
|
#765 | |
|
دخلت البيت وحاسة قلبي عم يطرق طرق ..
مسا الخير .. رد ،. مسا الورد .. دخلت غرفتي اغير تيابي .. وبيني وبينك بدي اهرب من عيون جوزي يلي ناطرة احكيلوا ليش بدو ياني ابن اخوه .. حسيته واقف بباب الاوضه .. قلبي رح يوقف ... ياربي شو بدي قلوا .. جيت ناحيتوا وقلتلوا شو رايك بكاسة شاي ومنحكي .. ابتسم وقال يلا .. دخلت الحمام غسلت وجهي وطلعت لحالي بالمراي .. وعقلي عم يودي ويجيب ... شو بدي قول ؟ طلعت .. ودخلت المطبخ .. ظبطتلك كاستين شاي على كيف كيفك وقعدت مقابل جوزي .. حطيت الكاسه قدامه ... وعيونه عم تقلي يلا احكي .. شوف ياابن الناس ... الحكي يلي رح خبرك فيه مابدي جنس مخلوق يعرف عنو شي ... عدل من قعدته وانحنى ناحيتي .. شوفيه يامرا وقعتي قلبي .. اسمع ياابن الناس ... وللحديث بقيه |
|
|
|
|
07-07-2020, 07:12 AM
|
#766 | |
|
عدنا ...
اسمع ياابن الناس ... وعقل بالي متل الماكينه شغال .. بتعرف بنت فلان جارنا .. بيته تالت بيت يمين اهلك ... صفن جوزي وتطلع فيني ... ايه شبو ؟ عندو صبيه جل الخلاق .. وابن اخوك ميت عليها .. بس ... بس شو يامرا وقعتي قلبي شو صار ... قفش ابوها ابن اخوك عم يرميلها رساله ... والبنت طلعت مخطوبه لابن عمها ... ورحت حكيت مع امها ووعدتها ابننا مايقرب صوب البنت بنوب ... ولفلفنا الموضوع والحمد لله ... اسمع يارجال اخوك ومرت اخوك مابيعرفوا شي وانتي كمان الله يطولي بعمرك هون حفرنا وهون طمرنا وماحدا دري فينا .. والولد امني وانتي بتعرف مافيني خبي عليك شي ... الله يرضى عليك يارجال اوعك يحس ابن اخوك انك بتعرف .. اطمني .. الحمد لله مرقت على خير .. الله وكيلك منين جبت هالقصه مابعرف ... بس شو بدي قول ولد مو عارف شو عم يحكي بكره بيعقل وبفهم .. كنت هيك عم بقول لحالي .. بس الله وكيلك ماعرفت نام .. كيف كذبت على جوزي .. وكيف بدي اتصرف مع ابن اخوه اذا اجى لعنا ؟ .. وجيت لعندك لتساعديني بعرفك ست عاقله وفهمانه .. وانتم حبايبي شو بتنصحوها بهالقصه ...؟ |
|
|
|
|
08-07-2020, 07:30 AM
|
#767 | |
|
عدنا ...
سالتني بما أنصحها .. فكرت مليا .. ماذا أجيب ؟ ان خبرت زوجها بقصه ابن اخوه .. ستختلف معاملته له وستنعدم ثقته بكل من حوله من ابناء اخوته واخوتها .. وسيشكك بكل تصرف من تصرفاتهم .. وستكون سببا في الخلافات بينها وبين زوجها وبين الجميع .. اسمعي ياعزيزتي ... احيانا نضطر ان نداري الحقيقه تجنبا للمشاكل وبنفس الوقت حاولي ان تعاملي ابن اخيه بحذر وانتباه .. فهو شاب طائش لايدرك تصرفاته .. ولا اظن انه سيأتيكم الا في المناسبات فان احس بذنبه وسوء تصرفه سيخجل من مقابلتك .. ودعي الايام تقرر ماسيأتي .. وحاولي ان تنسي ماحصل .. وان عاد لموقفه وكلامه فاطرديه من بيتك واعتبريه غير موجود ربما يصحو لنفسه ... فالكل يشهد لك طيبتك وحسن خلقك .. ومعاملتك .. تنهدت بحزن .. ان شاء الله .. ان شاء الله ثم تجاذبنا اطراف الحديث عن امور لامعنى لها .. وغادرتني ونظرة حزن تسكن عينيها ودموع تكاد تنهمر .. لما حسن المعامله والطيبه احيانا يساء فهمها من ضعاف النفوس ؟ ولما لانرد المحبه واللطف بالاحترام والفهم الواعي ؟.. بقلمي سندوسه |
|
|
|
|
12-07-2020, 03:30 AM
|
#769 | |
|
متل كل يوم بسهر زوجي هو ورفقاته عنا بالبيت
بلعبو الشتة ( ورق اللعب ).. وقبل ليروح على شغله قالي .. لاتنسي ياحرمة تجهزي العشا ...ولوازم السهره ... طلعت التنهيده من وسط قلبي... كل يوم هالقصه ؟ قمت عملت قهوتي لروق .. وقعدت بالجنينه اشربها تحت الياسمينه .. وصوت فيروز هدى اعصابي.. وبعدها نظفت غرفة الضيوف يلي بسهروا فيها .. وعطرتها.. ورتبت البيت وجهزت الغدا وقلت للعشا .. بفرجها ربي .. وعلى الساعه اتنين كانو الاولاد رجعوا من المدرسه .. وجوزي من الشغل .. وتغدينا .. دخل هو ينام علشان عندو سهره صباحيه .. والاولاد يلي بذاكر .. ويلي تمدد بسريره .. بعد ماشالو السفره للمطبخ .. دخلت المطبخ ... بين التنظيف والترتيب ماحسيت بالوقت ييييه تاخرت على تجهيز العشا .. ياربي شو اطلخ .. كل الطبخات عملتها .. فتحت الفريزر وسكرتها ... اكتر من مره .. اني اعرف شو بدي ابدا .. المهم استقريت على اكل يلي حطيته على الغاز .. ويلي حطيته بالفرن ..وطبعا لازم المقبلات .. كنت متل المكوك عم اركض يمين شمال .. المهم جهزت كل شي .. قلت لحالي روحي شوفي غرفه الضيوف .. مع اني كنت فيها الصبح عم نظف بقايا سهرتهم .. وياويلي شو شفت ...؟ وللحديث بقيه |
|
|
|
|
18-07-2020, 03:22 PM
|
#770 | |
|
عدنا ...
وماان فتحت الباب الا وتناثرت الاوراق الموضوع على رف صفير ... من فتح الشباك ( النافذه ) ييييه شو هالغبره ... نسيت خبركم ان بيتي بمزرعه صغيره وكان يومها الدنيا غبار وهوا ركضت للشباك وقفلته ... ولملمت الاوراق .. كيف بدي لحق نظف هالغبار ... الله يسامحك يازوجي اكيد هاي فعلتك .. وصرت اركض هنا وهناك .. مسح الغبره .. وكنس الارض .. ورن الجرس ... وصوت زوجي عم يصدح ضاحك وهو عم يستقبل رفقاته .. الحمد لله ... ربنا سترها معي خلصت باخر لحظه طلعت من الغرفه ... ودخلت المطبخ .. احضر الشاي .. علشان زوجي بحب يشرب الشاي قبل الطعام وبعده .. المهم ... تعشوا .. وتحمدوا الله ... لتبدأ سهرتهم ... وياويلي مما قد يحدث .. فسهراتهم الف حكايه وحكايه ... وللحديث بقيه ... |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
