ديوان الشاعر/عويد كسار (بحر القصيد)

(نـــجـــمـــة الـــعــشـــاق) صورةٍ بالارض تبقى للسما=صورة القمرا على مي الغدير ولوحة الفنان بالرسمه كما=شاعرن في ليل والقمرا تنير ولو تميل شوي مع غصن ٍنما=لاتلوم الزهر لو منك يغير ولو سراب الحب بعيوني زمى=من ظلالك لين شمسك والهجير ماتبعتك واحسبك ليه ظما=وكل طشٍ من سحابك لي غزير وكل موقف بالمدامع لااحتمى=وصَك جيش الهم بعيون الاسير ضمدي لي جرح قلبي لادمى=شاعرك ماجاك في بيتٍ كسير وكل سهمٍ بالمحبه لو رمى=غير سهمك في خفوقي مايصير صورتك بالارض تبقى للسما=نجمة العشاق بالثلث الاخير

(نـــجـــمـــة الـــعــشـــاق) صورةٍ بالارض تبقى للسما=صورة القمرا على مي الغدير ولوحة الفنان بالرسمه كما=شاعرن في ليل والقمرا تنير ولو تميل شوي مع غصن ٍنما=لاتلوم الزهر لو منك يغير ولو سراب الحب بعيوني زمى=من ظلالك لين شمسك والهجير ماتبعتك واحسبك ليه ظما=وكل طشٍ من سحابك لي غزير وكل موقف بالمدامع لااحتمى=وصَك جيش الهم بعيون الاسير ضمدي لي جرح قلبي لادمى=شاعرك ماجاك في بيتٍ كسير وكل سهمٍ بالمحبه لو رمى=غير سهمك في خفوقي مايصير صورتك بالارض تبقى للسما=نجمة العشاق بالثلث الاخير

(يامملكة دنياي) اليوم ابرحل عنك وابعد وأخليك=ابغا تعيش بعزتك ياحلالي كانك تقول رموش عيني تداريك=وانا الشمال بعشقها للشمالي شف دمعتي صديت طاحت وتبكيك=من رحمتي من طيبتي وانفعالي ياما ضويت احساس شمعة تقديك=وياما احترقت اخلاص جوف الليالي لين انصهرت وذاب كل الغلا فيك=والليل مثلك جاحد(ن) عزتالي مبدأ كذا ياخافقي من مباديك = من موطني في غربتي وارتحالي من وين ماوجهت وجهي ملاقيك=أبعد حدود ادراك بيت ارتجالي حاضر معي ماغاب لحظه واسميك=يامملكة دنياي واللي بقالي لو مالبستك تاج راسي ومغليك=وأفداك انا بالروح حالي ومالي ماعشت انا بروحين حبٍ يوطيك=والحب الآخر فوق بأعلا مجالي دامك حلفت ابغاك تسمح لأياديك=بآخر حروفك لا تجاوب سؤالي اعطي بروحي عند غيرك ولااعطيك= الا الغلا لو طاح قدر الشمالي لو ما لبستك تاج راسي بخليك= يمكن تعيش بعزتك ياحلالي

(طينة انسان ثاني)

عطني لو انه من حياتك ثواني
اقول هذا مكسبي في دقيقه

ثلثين عمري والبشر مع زماني
وثلثين كذبه وش بقى للحقيقه

وتبغى الحقيقه مذهبي عنفواني
من راح مااتبع خطوته في طريقه

لو المراكب شرعتها المواني
قاع البحر كم فيه ناس ٍغريقه

مجداف فكري مع ضجيج السواني
متجمع(ن) من كل ضيقه وضيقه

وطعم العسل في زهرة الأقحواني
ماارضى غرور أذواقكم في رحيقه

لو الخليه تنبني في كياني
سداسي الاضلاع نفس الطريقه

نجم(ن) يسار سهيل ماهو يماني
مهما تقارن لمعته مع بريقه

ابغا امدح الطيّب لو انه هجاني
مادام كف الطيب يمنى طليقه

مديت له جسر الغلا بالمحاني
والمحزم اللي يعتزي في صديقه

خلق الشمال بطينة انسان ثاني
من طينة آدم لين تفنى الخليقه

مكسب خسارة صاحبي في ثواني
لو شبت بثلثين عمري حريقه

بحر القصيد

بذات التوقيع ,, قرأت الكثير
لكن
وربما للمرة الثالثة يأخذنا هدوء الليل لسكون ديوانك
و
من سكينــة الروح
نجد انبهارا حد الانغماس في كل حرف تخطـه باقتدار
.
..
الشاعر
عويد كسار المضياني

عناقيد من ضوء ديوانك
طاب مساؤك

المشاركة الأصلية كتبت بواسطة ريما

بذات التوقيع ,, قرأت الكثير
لكن
وربما للمرة الثالثة يأخذنا هدوء الليل لسكون ديوانك
و
من سكينــة الروح
نجد انبهارا حد الانغماس في كل حرف تخطـه باقتدار
.
..
الشاعر
عويد كسار المضياني

عناقيد من ضوء ديوانك
طاب مساؤك

ريما
طابت ايامك وحياك بكل وقت وبكل مره

تزداد الحروف شرف بمرورك شهادة اعتزاز

يفتخر بها الشاعر وحروفه شكراً لكِ اختي الكريمه

تحيتي لكِ

(جـنـــون) بين الجنون وبين عقلي حكايات=أعظم مآسي للزمن تحتويني في رحلتي بين المخاليق بسكات=عجزت أصادف بينهم نفس طيني صدى جنوني صرخته يوم هو مات=بكيت مدري خوف والا حنيني ودام الأمل في ظل غدرك متاهات=والحب ذكرى حطمت لي سنيني وجارت علي بعد الصداقه عداوات=ماعاد تذرف دمعة اخلاص عيني بين الوفا واخلاص عمري مسافات=انا تغير منهجي وافضحيني ماللغدر في حد عيني نهايات=يابنت انا المجنون وينك وويني انا اناني هاويٍ حبت الذات=وانا جنوني خوف الجن فيني انا عدوك والليالي طويلات=ياقدمها اخلاص بينك وبيني بحر القصيد

(لو ماخلق مثلك ) الله خلق والله فرق خلقة الناس=وكل أربعين بخلق ربك تشابه الا انت واحد بس يامعرب الساس=مالك شبه ياكود برق السحابه لؤلؤ ذهب مخلوق قلبك من ألماس=او نجم ليل(ن)ضاويٍ يقتدابه سعد القلم لاخط حرفك بقرطاس=مابين صدر وعجز بيت الكتابه ماظاق صدر البيت من كتم الأنفاس=ولاظاق عجز البيت يوم انتخابه يقطع سبع وديان في ليل الأدماس=ذيبٍ عوى من فوق رجم الغرابه حط كفتك والكون كفه ومقياس=ياأعدل سؤالٍ حط ثقل الأجابه دق الزمن ليل الثواني والأجراس=وعقرب ثواني ساعتي وش غدابه صحيح عرق القطع موجع ودساس=ولوماخلق مثلك عزيت القرابه

( دقيقة صمت) حالٍ مثل هالحال يرثى لها حال=ياللأسف وشلون ماعدت شاعر حظي لهب جمره وفـ القطب الشمال=برد أرتعش عفريت جن المشاعر ياصاحبي فك السلاسل والأقفال=يالله تحرر من قيود الخواطر واقرا معي عم وطه والأنفال=واسجد مع الآيات مؤمن وشاكر طفل(ن) لبست العيد ضحكه للأجيال=واخذت اوزع للطفوله تذاكر وقف دقيقة صمت لرواح الأطفال=لاتندفن بأحلام يك المقابر وألعب معي بالسيف طعنه وخيال=يامعلم الأطفال طعن الخناجر والا ارمني في كورة الثلج وأهتال=لاجفت أقلام العطا بالدفاتر ياصاحبي والشعر له فزعة رجال=وأغص دمعه وانكتم بالحناجر كيف أزعلك والعشق فيني ولازال=يعني معك مؤمن على ايدين كافر بحر القصيد

(ماعرف مااذكر ولاادري ميتٍ والروح حيّه) واقفٍ انطر رجوعك علك بقلبي تعود=قلبي اللي من خذيته با الغلا عاد ليّه أعترف لك مابقى لي بعد هاللحظه صمود=ألله أكبر ياحياتي كانت الصدمه قويّه كنت اشوفه كل مابي وكل مابالوجود=كنت اشوفه كل صبح وكل شمس وكل فيّه وكنت اشوفه كل لوحه وسطها قلب وورود=وكنت اشوفه كل غيم وكل برقٍ لاح ضيّه وكنت اشوفه كل نغمه تنعزف بأوتار عود=وكنت اشوفه كل كلمه رددوها سامريّه وكنت اشوفه كل نظره سلهمت بعيون سود=وكنت اشوفه كل شعري بالليال السرمديّه خلها العين أتـّحسر تذرف الدمع وتجود=ماحسبت حساب منهو بيننا كان الضحيّه من ردات الحظ راحت وارتجي منها وعود=أفترقنا بيوم عيد بصبح جمعه وابرديّه ودامه الماضي رحل بي للندم مافيه فود=ودامها الذكرى تعدت داريٍ مافيه جيّه صابر(ن) حتى توقف عقرب الساعه جمود=ماعرف ماأذكر ولا ادري ميتٍ والروح حيّه