هلوساات حسيّه

تصدق ليلة البارح تخيلتك معي موجود
فرحــت فيــك وزانـــَـت ايــــامــي
وعطيتك دفتر اشعاري وحطيت الجمروالعود
وبخرت المكان اللي جمعني بصفوة احلامي

عزاه ياقلبن همومه كما طويق
حملن ثقيل وفاقدن لي رفاقه
لا قلت أبسلى زادني وقتي بضيق
والفرح ماشفته وشوفه شفاقه

خلك وسيع البال والطيب مبداك
واصفح ، واكرم ، واحتزم بالمبادي
ولا تنصدم لا شفت صاحبك خلاك
في هالزمن حتى الجفا صار عادي

التحلي بالصبر والمثابر والعزوم
يوصل النفس لمناها وغايـة ودها
والتجارب مدرسه والتعلم كل يوم
والدروس تشيب الروس يوم نعدها

ياشوق خبرني عن اللي أنا أغليه
عن واحدن روحي بحبه شغوفه
اغليه من بدا المخاليق وافديه
احس للفرحة طعم يوم اشوفه

يطيح واقف راعي الطيب لو طاح
طيبه رصيده فالشدايد يشيله يموت راع الطيب والطيب ماراح
يبقى مع الأجيال لو راح جيله

ما يبعدكْ الزعل لا طال ، مني
انت رغم اللي حصل تبقى قريب
كنت راضي بالغياب و غبت عني
و ذكرياتك ما رضت مثلك تغيب

قالوا تبيه وقلت مشتاق حدي
غايب عن عيوني له ايام ماجا

ناديت له بالصوت ياعين جدي
مدري وصله الصوت ولا تعدا

مسيك بالخير ولا قول مسيني
يا حلوها في لسانك لا نطقتها

يا تاج راسي يا عزي و تكويني
يا اول حدود السعاده لا بتاليها

تسهر وترقد وشوقك طافي اسراجه
وانا اتململ وطار الشوق مسهـرني
يامن بكاه القصيد العذب وانتاجه
الله على كل طعنه منك يأجرني