اكتب بيت شعـــر يعبر عن حالتــك النفسيـــه

بعض الغلا يامعاتبي يحرج البوح
بـ احساس مرهف وابتسامة هداوه

و احس كنك روح في داخل الروح
مثل الخشوع اللي بـ وسـّط التلاوه ..!

من قصائدي القديمه


وشنوح قلبي والف الهم وشنـوح
وانا الفرح نفسـي تبيـه وتحبّـه

قلب العنا بين الغناديـر مذبـوح
ماطاعنـي :يبغـى مكـانٍ يربّـه

ريم الفلا اغليته اكثر من الـروح
وحبيت حتى لـون حـرفٍ كتبّـه

يابنت قلبي من عنا الوقت مجروح
وشلـون يابنـت الأجاويـد طبّـه

مالي بهالدنيا تـرى أي مصلـوح
لكن وجودك للأمـل صـار سبّـه

انا بدونك كنـت جسـمٍ بـلا روح
واضيـع لاهبـت علـى أي هبّـه

يابنت قلبي جاك مليانـن جـروح
غـلاك تلّـه والقـدر بيـد ربّـه

تكفين خوذيني من الظيم والنـوح
قلبـي تعـب والهـم زاد ولعبّـه

روفي حياتي واسمعي صادق البوح
زاد الغلا واصبح غـرام ومحبّـه

حبك ترى في خافقي عادل الـروح
وأخاف اموت ان ماذكرتـه بغبّـه

اللي جهلني اسمحه لو جرحني
واعاتب اللي داريا عن طبوعي

واللي كرهني عارفه لو مدحني
اغض طرفي عنه واقفل سموعي

واللي صفـــااالي فدوته لو ذبحنــي
من شاان نورالعين ترخص دموعي

بقلمـــي

السعاده عمرها ياخفوقي ما تدوم
.......................كـل يــوم تمرنـي باليديـن ملـوحـه

مير خلك ياخفوقي على الدنيا عزوم
..................لو همومي تزعجك سارحه ومروحه

يسعد صبااحك يالغلاا وين مااكنت = ويسعد قبالك يالغلاا كل الاوقاات
والله في بالي ان قمت ون نمت = هيمن خياالك على الفكـــر بالـــذاات
فيك الشموخ ومن حنانك تعلمت = ياللي سلبت الروح والعقل بسكات،
يبقى غلااك بداخل القلب مادمت = مازلت حي وخافقي مابعد مـــاات

حدر القمـر صـوّت لخلّـه ونـاداه
ثــلاث مــرات وبالرابـعـه ون
حدر القمر ياما همـس لـه وناجـاه
وعيونهـم يامـا بـنـوره تـلاقـن
والبارحة عدا علـى الذيـب بعـواه
وقفـت ظنونـه بالليـال يتـعـادن
مـر(ن) حوالينـه ومـر(ن) تعـداه
ومر(ن) تضاحك له ومر(ن) تباكـن

هاذي سواة اللي عـن النـوم قـزاه
طيف حبيب اللي على خاطرة عـن
إن شافـت عيونـه جمـال تمـنّـاه
ون وصوّت لقمري لصوت الهوى حن
الجارحه تجـرح وتسـري وتنسـاه
وجروح مجـروح الليالـي تساقـن
والخافيـه طعنـة زمانـه تمثـنـاه
والبيّنـه عنهـا عيـونـه يبـوحـن

يا روحي أحيا بك و حنّا غريبيـن
ما نيب أشوفك و انت يا روح ذاتي
في داخلي و أشكي معك لوعة البين
بعيد عني وانـت نبضـة حياتـي
يا لحظتي لو الزمن بيننـا سنيـن
و يا منوتي لو ما حصـل مناتـي
صوتي تقطّع فـي فـلاة المحبيـن
و شوفي تبدّد مـع سـراب الفـلاةِ
لا واهنيّ من هم على الما مقيميـن
و أنا يبَس صوت الرّجا في لهاتـي
أهيم في صحـرا عديمـة عنـاوي
متاهة(ن) خلو الشجـر والحصـاةِ
الليل يوحش و الضحى يجرح العين
و الحزن يكتب من عذابي غناتـي
أمنّي عيوني مـن الحيـن للحيـن
عسى الفرج مع طلعة الصبح ياتي
ياطاغي الفتنه من الـراس للقيـن
ياليتي أستر لوعتـي فـي عباتـي

من رحلت! وريحة الذكرى تهب
ما ينـسيني من الدنــيا متــاع

لا يغرّك قولتي صدري رحب؟
كابرت نفسي على طيحة شجاع

روح : والذكرى محـطات الـتعب
والسكوت أحيان: للحكي القناع

يبكي الصوت و النظرات تشكي

و المعاني ولو صاحت حبيسه