ّ...كـــشــــكـولــ مـشـاعـرى للـعــشــاق وبس...

سلم على اللي فاقده ولا فـقدني !
وقله : كثر ماقلت لـ عيونه اشتقت

محلله { عن كل وعدٍ وعـدني }
ومسامحه { عن كل ليله تضايقت }

ضاق صدري والفرح وين ابلقاه ..!
ضاع الهنا والنوم عيا يجيني

غاب الامل عن مدى صبري وتاه
واستبد الهم مير أخفي ونيني

غطيت في نومي ثواني وشفتك
واسقيتني حلو العسل من شفاتك ..

حضنت بعضي واحسب أني حضنتك
الحلم جابك وانت باحلا صفاتك...

ما ذقت في عمري حلا لين ذقتك
وما أظن فيه أحلا وألذ من حلاتك...

يازين لو تسمح تجيني على الخاص
باخذك في رحلة غرامي وامشيك

في وسط قلب ما عشق عدة اشخاص
ما يعشق الا شوف زولك وطاريك

اشتقت لك وانا على البعد مجبور..
ودي اغمض وافتح العين والقاك..

ارسلت لك شوقي عصافير وطيور..
وش حيلة اللي يرتجي لمس يمناك..

أضحك مع ربعي ولاني بمسرور..
سارح بفكري واشتكي ضيم فرقاك

ان ذبحتك بالغلا ذبحك حلال
وان تركتك كل نفس وهمها

سقت لك كل الجوارح بالعدال
وأنت ابوها عقب ما جتك سمها

وصورتك لا جابها وحي الخيال
عيني اخطتها وقلبي خمها

هي عزة النفس عندي أول وتالي
والنفس يا صاحبي بالك تحقرها

هذي نصيحه وهذا هرجي التالي
كانك تبي القدر عند الناس قدرها

مدري وش اخلي من الزين وأقول
باللي ذبحتني واشعلت بي وهجها

كل الحلا جاها من العرض والطول
قمة دلعها تكتمل في غنجها

وين أنتي يا نجمة السهره
يا نجم نوره سهر عيني

لك في عيون الغلا نظره
نورك عن الناس يغنيني

من أمس قلبي خفقته ما هي بخير
من يوم غابت عن سمايا بروقك

يومين وهمومي بقلبي طوابير
وأنت الوله عيا يبلل عروقك

كانه بخل حول علي الفواتير
وكانه ثقل .. يلين الله خفوقك