اكتب بيت شعـــر يعبر عن حالتــك النفسيـــه

مدري وش اللي بالمقادير لافي
لكن طلبتك شي مابي بديله

ان طالت الغيبه وانا صرت جافي !!
خلني بدنياك ( ذكرى جميله ) !!

من لهفتي لك كل ما رحت ونّيت
ونّة تهز الميّتين " وغلاتك " ! .
. صرت اقضي ايامي من البيت للبيت
مابي خيالي يلتهي عن حياتك .
. حتى إلامن غاب طيفك وأغفيت
ألقى بْ لذيذ النوم أجمل صفاتك .
. صدقني لو بيدي انا كان ألغيت
كل المدن واصبحت ( أربع جهاتك ) .

مهوب تزعل كل مآضقت وتروح
وتهدم ب لحظآت آلغضب مآبنينـآ
نذرٍ علي مآعآد في خآطري بوح
آلآ عـسـى ربــي علـيـك أيهديـنـآ
بــآب آلـعـوآذل لآتخلـيـه مفـتـوح
ودرب آلمـفـآرق لآتـحـدّه علـيـنـآ

غرام غيرك "حرام" وحبك "محلل "
يا أحلى من السكر اللـي بآخـر الشاهـي
,
لـك ..فـزّ قلـبـي بـطـوع وكـبّـر و هـلــل
يآ من بزينه و لينه مآلـه .. مضااهـي

لبي قسمته ياهوى البال بالنص
نصفه بجوفي وأنت بيديك نصه
لا غبت عني يبتدي الحال ينقص
وأسهر وتبدالي مع الأحزان قصه
ياليتني في لجنة التعليم مختص
والله لحط لمنهج الحب حصه

لو تلتفت ياناوي الصد وتشــــــــوف....تلقى بدال فراقنا حــــــــــل ثـاني
يشدني حبك ويبعدني الخـــــــــــوف....ضيعت في رجوى حنانك زماني
حاولت أصور ماخفى عنك بحروف....لقيت حبك فوق كل المعــــــــاني
أنا على قربك شفوقٍ وملهـــــــــوف....أقبل وتبعد خطوتك عن مكـــاني
اللي بقلبي لك من الود مــعـــــروف....حسيبك اللي في هواك ابتلانــــي
ياقلب ماظنك على ذاك موقــــــوف.....بليت بالي باعني ماشرانــــــــي

يامنتمي لي وينك ووين اراضيك
كم لي وأنا فاقدك ماعاد أشوفك

تعدت أيامك .. وطالت لياليك
حيرتني .. ما بين أمانك وخوفك

ابطيت ماجابت دوربك خطاويك
متى تجي.. وتشوف فيّ معروفك

ياليت ربي ما خلق حب وفراق
والا خلق حبٍ على غير فرقـا

بيتن يخلي ضايق الصدر يشتاق
لمعانق ايام الصبـا لـو تبقّـا

ياليت حظي ما تعثر ولا بـاق
ولا شفت وقتٍ فيه قمت اتوقّـا

من عانقوا دربي قليلين الاوفاق
وانا على ماقيل حالـي تشقّـا

" السديري "

وان سهرت الليل اهوجس بك
واعيد هل لاجلك مدمعي

وانت هاجس خاطري
وانت فرحة ناظري

يا قريب ويا بعيد
فيك امس وحاضري

هذا المساء قلبي من الحب مخلوق
اشوف بـك: روح وحـيـاة وحبايـب

احسّ لي جنحان وأرقى بهـا فوق
وأدّثر نجـوم السـماء والسحـايب