لاضاقت البيداء في عيني فسيحه

الف صح لسانك ونبضك ودامت حروفك الجميله
استمتعت بمعزوفتك الرائعه

المشاركة الأصلية كتبت بواسطة راضي حبيني السلمي

اعضاء مضايف شبكة قبيلة عنزه الكرام

السلام عليكم ورحمة الله وبركاته
اسعد الله مساكم بكل خير
الحقيقه غيابي كان بضروف عمل ولم استطيع التواجد
ومهما غبت يبقى مضايف عنزه الموقع الرئيسي لتواجدي
وبكل معاني الوفاء اترحم على من توفى وادعي بالشفاء العاجل
لكل من تعرض لمرض
اسال الله العلي القدير ان يرحم كل اموات المسلمين
ويشفي مرضاهم انه على كل شي قدير

الاعضاء الاعزاء اطلالة شاعر العز
سوف تكون بابيات متواضعه اتمنى تحوز على رضاكم

يشع من صدري شعاع المصابيح=لاضاقت البيداء في عيني فسيحه
لاشفت في سود الليالي تلاميح=اسج عنها مع هجوس القريحه
اقوم باصعاب المهمات و طيح=ولاغير ارقامي وطش الشريحه
اتعب على كسب الرجال الطحاطيح=واشوم عن اهل الوجيه القبيحه
ما يفلحون ولا وراهم مفاليح=الا فضيحه من وراها فضيحه
يكايدون اهل الفعول المصاليح=لاتستريح ولا العرب مستريحه
عقولهم متفاوته كالمراجيح=والروس من كثر الردى كالصفيحه
على المشاكل والزرى يسبق الريح=مع كل باب وباب يزعجك ريحه
لاتلتفت له زح زحوه الزحازيح=يجمّع المترديه والنطيحه
اصبر ترى للصبر عدة مفاتيح=نصيحة(ن) ياكبرها من نصيحه

الله الله الف صح لسانك ياراضي نص رائع جداً لايجيده الا شاعر بحجم الشاعر راضي

لاشفت في سود اليالي تلاميح - اسج عنها مع هجوس القريحة

انا اشهد تراها علاج يابو احمد اكرر صح لسانك وبيض الله وجهك وتقبل مروري ولك تحياتي وتقديري

صح لسانك عدد ماتحمل هذه الرائعه من حروف وجمال وجزاله
فـ لله درك على حرفك الراقي وأتحافك المميز
وأحترامك لذائقة القاريء بهذا الأبداع الذي يجبرنا على المتابعه
ورود الكون اقدمها لك

صح لسانك وسلم البنان
ابداع وتميز ماشاء الله

صح لسانك ودام تميزك وروعة حروفك
متصفح رائع وأكثر من رائع
بأنتظار المزيد من بوحك المميز والفريد

الشاعر القدير/ رااااضي السلمي
صح لساااانك قصيدة مميزة الله يعطيك الف عااافية
لك تحياااتي

صح الله لسآآنك ابداع وجزاله دائماً ...‘‘
راقت لي كل الأبيات بجمالها وتسلسلها وقوة المعنى

ود لاينتهي

الاخ العزيز/ ذيب المضايف الموقر

لك شكري وتقديري على مرورك الرائع

الاخ الغالي/ سليمان العماري الموقر

الله يعطيك العافيه على كلامك الجميل ومرورك الراقي

الاخ الغالي/ خيال نجد الموقر

سعدت بمرورك وتواجدك مصدر فخر واعتزاز لي