اقتباس:
المشاركة الأصلية كتبت بواسطة عبدالرزاق بطاح المطرفي
الله الله عليك يابحرالقصيد
مدري كيف اوصفك يابحر شاعرجزل
---------------------------------
أنت المحيط اللي تخوف شواطيك
وأنت البحر اللي يشيل الثقيله
وأنت الذي بالشعر جزله معانيك
شاعر علم وقول مافيك حيله
تحياتي لك ياأبو كسار
|
وانت اللذي ماانظام رجلاً مخاويك=ولاضاع منهو يقتدي بك دليله
من رجم لاهه قمت اخيلك واراعيك=بعين ابدويٍ كل برقٍ يخيله
وريح الشمال اللي تسوقك لمغليك=غيمٍ من المنشا تراكم ثقيله
بأول طلوع الوسم وكّدت اراضيك=قاع الحماد ومنزلك بالطويله
وكر الحرار اللي عليها قوافيك=تشهد بأنك ماتصيد الهزيله
ياراعي العشوا وفزعة بنيخيك=ان كل بيتٍ منك يسوى قبيله
ولافيه بيتٍ ينكتب لك وياتيك=الا رجع لي يفتخر بالجزيله
وانت بغنا عن مدحي اللي يجي فيك=والطيب يذكر والمواقف كفيله
بحر القصيد~
الإهداءات
« آخـــر الـــمـــشـــاركــــات »
| 
|
العرض العادي
