ديوان الشاعر/عويد كسار (بحر القصيد)

(( هجرة الطير )) لاهـنت ياسلـطان دحّـت طـوابير الـشيـله اللي عـاليٍ مـستـواهـا ابـغـا لحن وايـل على فـزعة الزيـر حتى تـرد حـزومـها مـن صداهـا لو هي غـزل غارن عليها الغناديـر من بـدع ابن كـسار يسعد مساهـا لـك لـقـمةٍ مقـسـومةٍ بـالمـقـاديــر مـاراحت لغـيـرك لـو الكل جـاهـا ويـاغير رزقـك مـاتحوشه لـو اتطيـر تطرد مع وحوش الفلا في فظـاهـا لا لاح بـرّاق الـحيـا بـالـتـبـاشيـر من بعد شهر ايلـول وأبرد هـواهـا نـوفي وعـدنـا للـرجـال المـنـاعـيـر والـكـل منهـم كـلمـته مـا ثنـاهـا وارداهـم اللي مـايـحسب المـخـاسيـر لا حـس في حـاجـة خـويـّه قـظـاهـا واللي رزق عبده على هـجرة الطـيـر وكـلٍ(ن) شريـك بـنيّته لا لـقـاهـا بـالنـادر اللي ماتـقرنس مـع الجـيـر ولا نـزل مـثـله عـلى رجـم لاهــا قـبل المغـيب وبـيّتـوه الـصقـاقـيـر رزقٍ(ن) مـن الله نـازلٍ من سماهـا بحر القصيد~

المشاركة الأصلية كتبت بواسطة بحر القصيد~

الغالي بحر القصيد

صح لسانك على هذه الأبيات الجزله والجميله

والغير مستغربه من شاعر يتربع على عرش الإبداع والجزاله

دمت ودام ابداعك وتميزك

وشكرآ لك بحجم السماء

آرق التحــايا

تقديري

اخوي الغالي/ سلطان حمود




صح بدنك والله لايهينك ولا يحرمنا منك


الجزل شرواك يشوف الناس بعيون الجزاله



مرورك شرف ياابوزياد وردك وسام لاعدمتك



انقى تحيه

رابع سنه مرت علينا وتدرين وانتي معي عدّت تقل ربع ساعه بين الالف والعين شعر ودواوين وانا على ماقول عندي قناعه والـلـه لـو يـدرون عـنّا المحـبـيـن في ذمتي ماتصير لحظة قطاعه أبحر على مركب غرام الوفيين كان القلم مجداف قلبي شراعه ابـغـا على بـر المشـاعر تـقـولـيـن هذا البحر مجنون واعرف اطباعه بحر القصيد~ ___________________________ ياالله عساني بخوتي لك تجمّلت وان رحت منك بخير ماانسى الجماله وانت لعدوّك ماخبرتك تثاقّلت والا الخوي خابرك ترفى خماله واليوم انا والله مااكذب الياقلت اذكر خويك لو حذفت الرساله بحر القصيد~ ___________________ شفت الهموم شلون صارت قصايد وشلون صفق لي من الهم جمهور الناس قالوا مرضي الناس كايد وانا اللذي ماارضيت روحي من الجور بحر القصيد~ في احد المقابلات معي وجهوا لي مجموعه من الاسئله وكان من ضمنها اين بحر القصيد من الحب ؟؟ ابغاك تسأل من هو اللي احبّه اللي خذا روحي ولا ادري على وين بس الاكيد اني دخلت المحبه ,, وطلعت منها من حساب المجانين وش يعني لك الصدق ؟؟ الصدق نبض احساس من واقع الروح لكن بدون الصدق مافي محبّه ولا صداقه غير في دمعة البوح لامن بكيت انسان غالي تحبّه ****************** ياليت خلق الآدمي كان شفّاف من شان تعرف وش قلوب الخلايق بحر القصيد~ **********************

اهداء لأخوي الغالي / ابوغريب العبدلي

من وين ياعود الشجر لأصلك تعود=وورد المنايا غير شرب القهاوي
لاتقول فعل الطيب ميّت ومفقود=خذ من صحيح العلم ماهي هقاوي
مادام مثلك حي عايش وموجود=مامات فعل الطيب ياابن النداوي
راسك سحابه وامطرت ميّت العود=وكتفك عليه سهيل واهج وضاوي
زبن الدخيل اللي شكا ايامه السود=اللي سرى مع طول دربه خلاوي
يوم الزمن غارات وسنينك شهود=والوقت مايرحم ولا الناس تاوي
يالوايلي لاهنت يامنبع الجود=ياذيب ياللي فوق رجم العزاوي
سلام لك واعداد ماهبت النود=على الشمال وطرقهم بالحداوي
وتلع الرقاب اللي يشايع لها العود=قبل الحضاره يوم دور الجلاوي
وسم النجادي ماتغيّر على الذود=من ورث سبع جدود ياابن النداوي

بحر القصيد~

والله انك في حياتي كل شي وكل شيٍ في وجودك لي حياه ياتاج راس الحب مالك شبه زي لو اربعين من الشبه يخلق الله بحر القصيد~ ----------------- ان فكها الله منك طعناتهم عيد ابك انت غيره بس تفتك بروحي وتطعن عشر مرات وتردّها تعيد واقول لك بس انت تسمع وتوحي ماابغاك ترحم بس اطعني وزيد دامك تسلاّ حين تنزف جروحي بحر القصيد~ ---------------------------