مـاتـوا بـهـا الأجـداد وأن عـاشـوا أحـفـاد .. ؟!

( زحــمــة أمـــوات حـــيــيـن ) .. ؟!

مأبي حضور وللغلا مأبي عناد = مأبي وعُـود ولا سوالف مجانين
قلت الهجاء ماهو هجاء لعبة أعداد = شد المدى وأرخه على العسر واللين
عام وسنه والكون هجري وميلاد = الوقت فوضى وزحمة أموات حيين
الخارطه والأرض .. خانات وأمجاد = والبعـد يقرب بالحجج والبراهين
ماتوا بها الأجداد وأن عاشوا أحفاد = بين الرجا واليأس والغبن والبين
لـيـت الأماني حـقـقـت كل ميعـاد = مثل النفس والنبض بين الشرايين
( مال الغلا غير الغلا قــْربه وزاد = ومال المرايا غير الأشكال تدوين )
ماكل (كل) يساوي أهـداف وأبعاد = وماكل (كم) يراود النفس والعين
والله لو أغرّق وأعطش أصفار وأعداد = وأصير أعمى البوصله والمحبين
لا حلم . لا قسمه . ولا حزن وحـداد = الحلم واحد ؟ والاماني ملايين
هـجـن الحـياه وخـيلها .. أضـعـاف وشـداد = الموت راعي والعمر قاب قوسين
على المشبّه والمسمى للاجـداد = لا صيت . لا شهره . ولا ناس غالين
واللي لهم في خاطري كسر وأقياد = غابوا شهر ولا بعـد غابوا سنين
معي لهم بين المواسم والاعياد = يولد غلاهم ويتكــّـاثـر مظامين
هـذا قليل .. وللوفا جيت منقاد = ياكثر عـشاقي وقــّـل القريـبـيـن !!