.. أجنحة النورس ..

أتمنى أن تنال هذه القصيدة المتواضعه على رضاكم

أعياني الآسي 00 وانا بلسمي سمر = ودواي داي وعلّتي من سبايبه

ضاع العمر وش عاد باقي من العمر = تعدّت أعوامه ولا هي بآيبه

حدّتني المهرة 00 على ضيّق الممر = ومشت بي الدرب الفسيح ورحايبه

لو 00 في يديها حطّوا الشمس والقمر = ماتنتهي عنّي ولا هي بتايبه

تامر 00 وتنهاني واجيها بدون امر = واخضع لها والنفس وجلا وهايبه

في حسنها فاقت على البيض والسمر = ويوصف برقّتها النسيم وهبايبه

أصفى من الما كل ماسال وانهمر = وانساب كالبلّور من غير شايبه

اذا بدت تهمس 00 تقل تحتسي خمر = ذاب الشهد فيها 00 وهي فيه ذايبه

تسرق من الورد الحمر 00 لونه الحمر = وتعكس شعاع الشمس 00 والشمس غايبه !

في شعرها ليل ( ن ) غمرها ولا غمر = والشمس يعتقها الغروب بذوايبه

قولوا لها لو رتّلت سورة الزمر = ماهي بماجورة ولا هي بثايبه

أغلب مشاعرها 00 من الثلج والجمر = واحساسها البارد كوتني لهايبه ! !

ماهزّها شعر ( ن ) كتبته يابو عمر = لو قالت أبياتك على الجرح صايبه

دحــــــــــام بن بدر ال هذال