ديوان الشاعر/ عبدالرزاق بطاح المطرفي

قريت خطٍ فيه جزلات الامثال
شعار وايل كاسبين الجزالي

المبدعين مطوعة كل منعال
روس الرجال مطوعين العيالي

والنعم بالويلان حماية التال
يوم السنين المرمسات الهزالي

وان جيت للفدعان لباست الشال
عدوهم يرجع من العقل خالي

ولا اسبعه يومٍ بها الخيل تجتال
عرفاء اسبيعي محتمين التوالي

غاراتهم ياصاحبي يوم تنهال
مثل البرد من مرزمات الخيالي

والنعم بالويلان ياطيب الفال
من شرقها لياغربها والشمالي

وصلاة ربي عد ماهل همال
وعداد طشات المطر بالمفالي

عبدالرزاق المطرفي
:::::::::::::::::::

مجاراه متواضعه لشعرانا المبدعين
لعجابي بالابيات وحبيت ان اجاريهم
ولعلها تحوز على رضاهم ورضاكم جميع

لادك بك هوجاس الافكار واندك
وقامت هواجيسك بصدرك تدكا
ولاحدٍ على جور اليالي امساعدك
من جورها تاخذ مع الوقت عركا
اسجد لربٍ خالقك ثم صورك
هو الذي ينجيك عن كل شكا
ياالله ياللي مالنا غنوةً عنك
نزبنك يالمعبود عن كل ضنكا

عبدالرزاق المطرفي

شعرنا محشوم عن كل انحطاط
وقافنا لاجاك اسوات المحيط
ونسبك القيفان لاجابه اغلاط
كاسبين الجزل ما جبنا القيط
لابغينا الجزل نبدع بأنضباط
مانجيب الهزل والشعر الصقيط
ولاعلينا من الحريري وجنبلاط
الناقدين الشاجبين اهل الحطيط

عبدالرزاق المطرفي

أخذت لي مع جرهد الفكر مشوار
وتلعبي الذكرى على جرهد البيد

لاضاق صدري رحت يم ذيك الاقفار
في ديرةً يوجد بها شرد الصيد

ياهاجسي ليه مع البر تذكار. أمشي وحيد ولا مرافق مقاريد

نبي أنتفضى قبل الايام تندار
والعمر يجري وليالي سراميد

يامحلا المقناص طيحات الامطار
والطير يضرب والحباري ملابيد

فروخ الحرار أن شافت الخرب لاطار
عوق الخريش أن طار عساه مايفيد

نبي مع الوديان سندى ومحدار
وخوت أرجالٍ بالمواقف صناديد

وليا نقصنا شي جيناك حدار
وثم أنحدرنا يم حزم الجلاميد

عبدالرزاق المطرفي

البارحه من ضيقت الصدر متلوف
ولاعاد لعيوني على النوم طاقه
اسج بفكاري امثنى ومردوف
كني كسير ايصيح من عظم ساقه
تطيح ماكنك مع الربع معروف
طيحت خلا ماكن حولك رفاقه
احيان بعض الطيب ماهو امخلوف
في بعض ناسٍ ماتصون العلاقه
الياعصف في بعض الايام عاصوف
يطلع لك اللي مايخون الصداقه
ياصاحبي جعل الردي بالف ذالوف
اهل الردى يالوايلي والبساقه

عبدالرزاق المطرفي

لا والله انك من كبار الهـــــوامير
ومــاهي تجاره خل عنك التجاره
ادب وعلم وذوق شاعر جمـــاهير
تمتـــع مسامعهم بــــزين العباره
يامسطرين الطيب والمجد تسطير
ياصـانعين المعجــــزات بجـــداره
علمتــــــو الغافل ع اقل تقديــــــر
كيف توفي الجيران في حق جاره
عاشو هل العشوى طوال الاشابير
والـــمدح بالوافين مــــاهو خساره
نفخـــــر بكـم ياربعنا يا المشاهير
من روّس وايل واقـدحي يا شراره

الشيخ والشاعر/ محمدرمضان العواجي
::::::::::::::::::::://////:::::::::::::///////
قريت خطن فيه جزل التعابير
من شاعراً يجيد فن العباره
محمد رمضان ضاف الاشابير
ولد العواجي دايمٍ بالصداره
نسل الشيوخ اللي تقود الطوابير
عواجيةً عند الملاقا اسعاره
لاقام تزبر بالجموع المشاهير
فيكم على جمع المعادي جساره
انتم هل الفزعات حمات المظاهير
ربعك هل الجدعى اسوات النماره
سطرتو الامجاد بالفعل تسطير
ياهل الكرم والطيب واهل النعاره
وصلاة ربي عد ماطار من طير
على الرسول اللي جميله أذكاره

عبدالرزاق المطرفي

سبحان خلاق القمر له شعاعي
في قدرتك يامهلكن جيش فرعون
ياالله ياللي لك من الخلق داعي
لافات ثلث اليل خلقك ابيدعون
سبحان ربٍ كل الاوقات واعي
يسمع دبيب النمل وناسٍ يلبون
وانت الذي بيديك حسن المتاعي
وياغافر الزلات لناسٍ يحجون
من بعدها مديت بالقاف باعي
واشري من الجزلات وغيري يبيعون
ياهيه ياللي تبتغون السناعي
الحب بلوى والخلايق ايعرفون
الحب مبطي للخلايق ضياعي
كم واحد من سبت الحب مطعون
وياليت يوجدفيه قلبن صناعي
وطش انا قلبن من الحب مفتون
والحب يذكربه كثير الوجاعي
وهذا الصحيح وكل ناسك ايخبرون
واليوم مال الحب يالقرم داعي
وياكثر ماسمع به والناس ايغنون

عبدالرزاق المطرفي

اهلاً هلابك عد ماترمش العين
وعداد نجمٍ في سمانا ايشافي

الشك زايل ياطليق الاحجاجين
وعساك دايم بالفرح والعوافي

ولابن اقصور وياجعل عمرك اسنين
يالطيب اللي طول الايام وافي

وحنا نعز الطيبين الحشيمين
اللي مثل شرواك بالطيب ضافي

نسل الشيوخ اللي تدك الميادين
وعدوهم يمشي على الشوك حافي

عواجيةً في ساعة الحرب صلفين
فوق المهار مطيرات السوافي

هذا كلام الصدق ماهو تخامين
هرجٍ اموكد ماعليه أختلافي

يابن رمضان الطيب فيكم من اسنين
يوم السنين الشهب عون الضعافي

وصلاة. ربي عد نبت البساتين
وعداد من يمشي على الارض حافي

على رسولاً وضح الحق والدين
صلو عليه اعداد ما السيل طافي
:::::::::::::::::::::::::::::::::::::::::::::
رد متواضع يابونواف وارجو المعذره
من التقصير :: وتقبل تحياتي
اخوك/ عبدالرزاق المطرفي

هاض الهجوس وحركه ريح الازهار
وقطفت من جزل المعاني عبيره

وأنا على بدع التماثيل بيطار
اللي على بعض الاوادم عسيره

وغصنا أبحور الشعر من كل الاقطار
نغوص غبات البحور الغزيره

نبدع لياقلنا جزيلات الاشعار
وجاريت شعارٍ أكبارٍ شهيره

ومن بعدها حييت ياواف الاشبار
ردن على اللي خصنا بتعبيره

وش ذكرك يالقرم في ماض الاحرار
أهل المكارم مبعدين المسيره

أهل البيوت اللي بها الكيف يندار
والجار عن ظيم الليالي تجيره

راحت سوالفهم تواريخ وذكار
ولاكنهم داجو بشبه الجزيره

ولاكنهم ركبو على قب الامهار
ولاكنهم وردو على كل ديره

ولاكنهم مرو على ذيك الاديار
أهل الفعايل والسيوف الشطيره

قفت بهم دنياك يالقرم حدار
راحت بهم سود الليالي الخطيره

وديوانهم تلقابه الكيف والكار
هذي افعال اهل الوجيه السفيره

وصلاة ربي عد ماطايرٍ طار
على رسولاً سيرته خير سيره

عبدالرزاق المطرفي

هذاجديدي مرسله يم حراويك
وترا جوابي مرسله يم شرواك
حيثك خويٍ وافين في معانيك
ومن طيب ذاتك عارفينٍ . نواياك
ياصاحبي حبيت بالقاف اجاريك
وياالله عسى ربي من الشر ياقاك
ياصاحبي ياللي أبعادن مشاحيك
يالنادر اللي طيباتٍ سجاياك


ياصاحبي هذا زمان الشرابيك
ماكنه الا والزمان ايتحداك
هبيت يالذا الدور مكثر بلاويك
ياللي على الاجواد مكثر خطاياك
ياصاحبي والناس تركض مدابيك
والوقت يحدانا ويحدى هذولاك
قالو زمان العلولمه شي نفديك
وأنا أقول العلولمه شي فتاك


لاضاق صدري من اعلوم الصعاليك
ومجلاسهم مايليق لمثلي وشرواك
أبعت عن هرج العفون المداميك
اللي معانيهم على غير معناك
يارجم ياللي يبرح الشوف راقيك
منهو بناك وصف حصوك ولاجاك
أسمك شهير وبيناتن مبانيك
ومعروف بين الناس وكم واحدن جاك


مشهور عند الناس والكل يطريك
ومن ضاق صدره للمراقيب عداك
يشتاق لك منهو من البعد ناصايك
من زود شوقه لك الا يتعلاك
عمردن عقبان الاوكار تاتيك
ومن دكبه هوجاس الا فكار يرقاك
ياالله ياحلال عقد الشرابيك
تفرج المن صابه من الوقت دكاك



ياصاحبي ياجعل ربي يعافيك
عطني جوابك جعلنا ماعدمناك
خابرك شاعر جزل ولاحدٍ ايجاريك
تعسف جزيلات القوافي أبيمناك
يالوايلي ياجعل ربي أيهنيك
وجعل السعد دايم يرافق امحياك
وختامها سلام ياصل معاليك
من الشمال أنسوقها سوق لرضاك

عبدالرزاق المطرفي