بعض الغرور أحياناً يرفع المعنوية 🥰

الطيب جمره بوسط النار
يقضبها راعي الطيبي








بطلب من الشيخ ( زيد درعان الشرشاب )كتبت هذه القصيدة إهداء إلى ( قاسم محمد الدويلة العنزي في السعوديه).
=====================================
للدويلة؟ هاج شعري وأصطلى بدلة قصيد.
صاحب الكف النديه طيبه بالناس ركزه.

عندك الفزعة تزيد؟ وعند غيرك ماتزيد.
وكل فزعه لافزعته .... ماتفكر له جزه.

سيرتك يالحر عطره؟ رقمها عندي فريد.
يمناك تسبق لسانك لاحصل ساعة وزه.

الشهامة غير شخصك يالنداوي ماتريد.
طيب فعلك في سنامك للمواقف تحرزه.

أنت رمز وأنت عز ... وأنت سيد ماتسيد.
عزوة الهاقي الدويلة؟ يوم صوت وأعتزه.

وأنت وادي للمكارم والبشر منك تصيد.
والصقر؟ دايم يجيب علوم جزله لا غزه.

لانصوك ربوع ربعك تبتسم دايم سعيد.
كيف وأنت في ربوعك لك مكانه معززه.

لو عطو للطيب رتبه؟ تنعطى رتبة عميد.
ماتردك يالدويلة بالمواقف ........ مفرزه.

فضلك اللي صار شامل للقريب وللبعيد.
ماهو للبدري أحتكاري ؟ فضلك لكل عنزه.

علم اللي ماكسب له بالعمر موقف وحيد.
هذا قاسم؟ ...... جود كفه كل يوم يبرزه.

اللي مثلك مو كبيرة؟ لاقلت عنك عقيد.
يكفي أنك في حياتك كل شگ(ن) تخرزه.
============================
# الشاعر مالك البدري العنزي؟
جمر الغضا
22-07-2022, 09:32 pm
رد على الشاعر المبدع مالك البدري الذي يمدح ابن العم قاسم محمد الدويله بطلب صاحب العلم الغانم
الشيخ / زيد بن درعان الشرشاب




قال ابن نبهان والمعنى فريد
يعجز المعجز ونعجز من يعجزه

للقوافي شايشاً راسي عنيد
وانجز اللي ماكل شاعر ينجزه

جتني القيفان والمعنى حميد
من شاعراً دايم والأول مركزه

في مدح اللي بالمراجل رصيد
ابن الدويله اللي افعاله تبرزه

مزبن المضيوم في وقتاً شديد
وبيرقن للطيب عالي نركزه

وحي ابن شرشاب والعلم التليد
فخر البدور وفخر لكل عنزه

المراجل فيك ماتنقص تزيد
والكرم والطيب هو فيكم نزه

فعلكم في مامضى اكبر شهيد
يومها بالسيف والرمح معززه

على الرمك ماتهابون الوعيد
وكم راس من سيوفكم ماكنه لزه

والختام نسخر القاف العتيد
والدرر عن الهزلات حنا نفرزه

وننتقي من درها ما يستفيد
ونطوع المعجز ثم ( ن ) ننجزه



الشاعر : خلف ليلي بن نبهان البدري العنزي
جمر الغضا
22-07-2022, 09:43 pm
الى الاخ العزيز قاسم محمد الدويله


اشفق على الطيبين في كل ليله
وانا ادري انهم في غيابي يشفقون

واحن للمطنوخ نسل الدويله
ولد الرجال اللي لها الطيب مضمون

قاسم ابو محمد عريب القبيله
الاشجعي سيفه على الضد مسنون

يوم الردايا بالمواقف ذليله
اهل كحلا وقت اللوازم يسدون

قاسم ترى حمل الخوي يرتكيله
يصير لعيون الخوي عون ومتون

وانا اشهد اني من كتبت الجزيله
قولي يكون بمدح الاجواد ممنون

وترى الصديق لا ماندور بديله
يبقى على طول الدهر قرت عيون


الشيخ / محمد صقر المعجل
جمر الغضا
22-07-2022, 10:34 pm
الى الاخ قاسم محمد الدويله



البارق اللي دوم عيني تخيله
غيثه يجي مع مزنه المدلهمي

والرزقه اللي تعتبر مستحيله
تسهل ليا من ساقها الله يمي

يعني ولو ما كان باليد حيله
ما راده الله لي يكون ويتمي

الرزق للمخلوق والله كفيله
لا مشغلن بالي ولاهو بهمي

هذا يقيني وكل ما انتميله
ما يلحقه لوم وشتايم وذمي

والصاحب اللي ما ادور بديله
اكرب حزامي فيه والبس معمي

ما والله انسى فعل راع الجميله
دام الوفى يمشي مع عروق دمي

كفواً معي وافياً بمكيال كيله
وخيره مع الوافين دايم يعمي

صميدع ومعروف عند القبيله
والاجودي من خيرة عيال عمي

حتى قبل لا أصدح بصوتي واجيله
يقلط على طيب الفعول ويسمي

قاسم محمد نازل ابن الدويله
اخوي لو ماهو من ابوي وامي




الشاعر / انور مقبول البدري
جمر الغضا
22-07-2022, 10:50 pm
ما مضى من عمرنا ياللي تبقى
غير بالمضمون والا المحتوى


طب واختر ماتبي خز وتنقى
دام راسي حي ويشم الهوا


انت ياقاسم شجاع ولا تتقى
ومن قروم كفوفهم عد الروا


انت امير منين ماروح ولقى
مرتفع شانه وعالي مستوا

عن لهيب النار كفي ما يتوقى
وانت واربوعي على الموجه سوا




صح لسانك ابو عبدالله ونعم ونعم ونعم
وكفوووووو تنطح كفوووووووو

وصح لسان الشعراء والشيوخ الجميع على راسي يابعد راسي
ولا خلا ولا عدم طيب راس وساس
وحنا من بعدكم ونمشي على اثركم وابيكم سالمين غانمين وانتم المكسب وانا كلي لكم
والله يقدرنا على كل طايله ولا يقصر يمنى كل طيب عن العلم الغانم .
احساس انثى
23-07-2022, 12:31 am
يعطيك العافيه شاعرنا
وصح لسانك وجميع الشعراء الكرام
وبانتظار جديدك القادم بشوق
تحياتي لك
الحكيمة
خيّال نجد
24-07-2022, 01:52 pm
صحت السنتهم جميعا وألف نعم بالجميع
الله يعطيك العافية على الطرح الجميل
وًٍدًٍيًٍ......لًًًٍٍٍكًًًٍ....
كساب الطيب
24-07-2022, 02:07 pm
صح نقلك شاعرنا وصح السنة الشعراء
الاطرق بن بدر الهذال
27-07-2022, 05:06 pm
صح نقلك شاعرنا جمر الغضا

تحياتي
جمر الغضا
28-07-2022, 10:11 am
صح بدنكم جميع
والله يعافيكم ويسلمكم
ويحفظكم من كل مكروووووه
وما عليكم زووووود