ديوان الشاعر/عويد كسار (بحر القصيد)

المشاركة الأصلية كتبت بواسطة ابن وائل

عد القصيد وعــد مايــارد الــعــد
وعـــد الـجهام وناسها والأشــدّه




والا عدد ماباح في داخـلي سد
واللي عــلى هداج ورد لعدّه




وعد القصيد اللي على طرقها مد
ومن ورث ابوه وطيب خاله وجدّه




تحية الـــويلان يامــعرب الجد
وللــضد ضد وكـل نـدّن لــنــدّه




جزلٍ مثل زيدان يحسب لنا ند
ورجلٍ مثل شرواك لازم نعدّه



يختك على الديوان جدف بلا رد
وردي علــيكم بين جــزره ومـده

ماشاء الله تبارك الله

ديوان زاهر بما يحتوي اروع واعذب ما قرأت من الشعر النبطي

اخوي الشاعر عويد تقبل اعجابي ومتابعتي لكل ما يخطه قلمك المبدع

وبوحك الصادق شاعريه فذه وثقافه راقيه

وفقك الله لما تحب

زايد الدغماني

كل الشكر لك يابو فارس

ان قاله الله واسمحو لي بأجازه
والحظ يسمح القدر مابه اعجاز

والوقت يعطي فرصته وانتهازه
عنيت لك من دار عرعر ولااعتاز

من فوق جيبٍ ماعرف للغرازه
هو منوت اللي مكسبه كل الانجاز

والشمس تشرق في عيون القزازه
ماكنه الا ضابطٍ صف الايعاز

يافــخر منــهو مكســبه واعــتزازه
رجلٍ مثل شرواك مكسب لعناز

(جنون العبقريه) تدري ان العبقريه آخر حدود الجنون=وآخر حدود الصحاوه من جنون العبقريه وآخر حدود المحبه والسوالف بالعيون=وآخر حدود القصايد والليالي سرمديه وفوق حد الفن يعني ارسمي من دون لون=وفوق حد اللون يعني سيلي دمعك عليه وآخر حدود المشاعر يسرحون ويمرحون=مابقى ياكود واحد كمل المجنون ميه وآخر حدود المصايب لازبنتيني تهون=والله انك مازبنتي غير عرق الوايليه الحدب سيفٍ يسولف والجماجم يسكتون=همهمت صوت الجماجم بين ذيك وبين ذيه وآخر حدود العواذل ياقفون ويقعدون=شفت كيف الكون واقف ميتٍ بقلوب حيه وآخر حدود التفاؤل في سمايه والمزون=بارقٍ وأزريت اخيله بالسهول الجرهديه بحر القصيد

ماامتلا بوح القصايد من ملل واسع فراغي=دام انا حتى فراغي لاامتلا فكرة قصيده
اشهد ان الشعر يطغى واشهد ان الحب طاغي=واشهد ان الشعر ارحم طاغيٍ مادمت سيده
سيدي والشعر لجلك بالذهب حرفه يصاغي=والذهب عقدن تلألأ كاشخٍ لاصار بيده
واسألي عاقل جنوني كيف تقظي لك فراغي= كنهااللي من جنوني اقدم ابياتي تعيده

بحر القصيد اللي تلاطم بالأمواج
اللي ذرف دمع الموادع كما الموج

فكر الخيال اللي رقى فوق الأبراج
يشكي سبب فرقاك لسنينه العوج

نبي انتهجا دام الهجا قل معروفه=مادام ان غير الهجا مالنا حيله
بعض المواقف تحدك على الضيق وتشوفه=ومن مافهم بعض الملاميز عزيله
عزي لمنهو شايل الهم في جوفه=يضحك وهو كاذب بضحكه وتبديله
والياذكر ماضيه يصفق على كفوفه=والياالتفت ماشاف منهو بيشكيله
دعوه طويله ماهي على اثنين محفوفه=كلن دري له والمطانيخ تدريله
ولاني من اللي بالشحم بين رفوفه=ولاواحدن داري من اللي آداريله
ادري ويدري ولايلحق النفس بحسوفه=وكلن على ماقيل يفهم بتنتيله
والدرس يفهم من اسلوبه وبحروفه=وكتاب رب البيت يعرف بترتيله
وكلن على حده وله حد بصفوفه=وكلن على صفه بميله وتعديله
لو كان جالس عندهم عد ماشوفه=ياحيف مايدري على ويش مرهيله
وان طالت الرفقه على حد مردوفه=عرق الردى به بينٍ قام يدعي له
وان طعتني هون وعن كل مردوفه=بعض السوالف ماهي مثل شفطة ارقيله

مادامهم ماصدقو لمح السراب=ماتكذب الصحراء على عيون البدو
ولولا وطي خف الجمل فوق الهضاب=ماهيجن الشعار بالطرق وحدو
وان خايلو بعيونهم برق السحاب=لابان نجم سهيل بشر وسعدو
يشيل ثقل حمولهم فوق الركاب=أثقل من حمول الزمن يوم اوردو
عزوة عزيزن لاأعتزى سمح الجناب=والناس حوله واعتزى لاكن غدو
اللي خذا من عزته كل الزهاب=يرحل غريب بحشمته ماهو عدو
يوم العداء تزند على روس الحراب=في ظل بشت الشيخ كم ليل رقدو
وانا بدويٍ مااعجبه لمح السراب= ولاتكذب الصحراء على عيون البدو

ابو كسار

الله يبيض وجهك يا الذيب وهديتك فخر لنا

ونعتز بها وابشر بسعدك بااللي تبي وترى انتظر مسيارك

عليّ في الرياض والساعه المباركه وصح السانك يابحر القصيد

ومشكور على الاهداء الغالي

المشاركة الأصلية كتبت بواسطة زايد الدغماني

ابو كسار

المشاركة الأصلية كتبت بواسطة زايد الدغماني

الله يبيض وجهك يا الذيب وهديتك فخر لنا

ونعتز بها وابشر بسعدك بااللي تبي وترى انتظر مسيارك

عليّ في الرياض والساعه المباركه وصح السانك يابحر القصيد

ومشكور على الاهداء الغالي

صح بدنك حق وواجب ياابوفارس لاهنت



سعدت وتشرفت بمرور شخصك الكريم



انقى تحيه

قصائد رائعة اخى عويد
وجميلة

دمتى مبدعا ومتالقا

موفق باذن الله