ديوان الشاعر/عويد كسار (بحر القصيد)

المشاركة الأصلية كتبت بواسطة خلود الامل

قصائد رائعة اخى عويد
وجميلة

دمتى مبدعا ومتالقا

موفق باذن الله

خلود الأمل

مشكوره ودام عزك اختي

هذا من نقى قلبك وطيب معدنك الأصيل

تشرفت الحروف والديوان والشاعر بمرورك

تحيتي لكِ

الوداع الموت والموت الحمر

ياصباح الورد والروض الخضر=ياطشاش الغيم والبارق يبين
في صباح العيد لاطشت مطر=يااسعد الأيام بعيون الحزين
السعاده جرح والماضي قبر=والصراحه صمتها في كل عين
وتدري اني في مباديك أستقر=وبأمر عينك كل شيٍ لك يلين
وتدري اني في حياتك منتحر=لو جفيتك ماجفيتك لي ظنين
الوداع الموت والموت الحمر=كل عزن بعد عزه له دفين
من مرامي يامرامي معتبر=ماوفيتك بالقصايد لك مدين
ياحيات الحلم يالمحة بدر=القمر زعلان يوم انك تجين
يشهد الله مانسيتك في سطر=ولانسيتك ياحياتي بعد حين
اجتمعنا واجتمعنا بالقدر=وابتدينا وانتهينا بساعتين
ياحيات الحلم والحظ الغبر=من بلاك بحب مكتوف اليدين
زودن على الظرفين والثالث (....)=والظروف القاسيه يمكن تلين

من بداياتي ...

غروب الشمس

جلست اناظر غروب الشمس وتغشاني هموم وويل=وكل ماتختفي لحظه تزايد فيني أحزاني
وانا مبحر بأحزاني تداركني ظلام الليل=ابي آصل الى نورك مادام ان الأمل جاني
بكيت من القهر ساعه ودمعي فوق خدي سيل=الآ يادمعتي يلعن زماني ليه بكاني
عزيزن في مقامي ليه هذا الظلم والتنكيل=زماني والطريق اللي سلكت وهم عدواني
ونادتني وهي تصرخ ترى همومك تهد الحيل=ولو همك طرى فيني ماعدت لأرضكم ثاني
وتبقى قصة أحزانك بها جيلٍ يقول لجيل=ويبقى ليلكم أظلم ويصبح موتكم داني
قسى قلبك علي لحظه. لايغرك كلامٍ قيل=مادم ان الأمل باقي حبيبي كيف تنساني
ابي اوصل بحور الشعر وخايف مركبي ليميل=حبيبي ماني بشاعر ولاكن هاضت أشجاني
وانا احمل معايه سر وشلته وسط قلبي شيل=ومهما قلت انا ماأرضى عليك بزلة لساني
وبدت مأسات الزمن ألعن بها طعن وبها تقتيل=عجزت أنظر وانا مقفي جنوني وين وداني
ولمح لي بالسما برقٍ ومن الفرحه بديت آخيل=صدى الماضي يناديني عسى ان الفرج جاني
بقايا غيمةٍ تمطر طرفها حول نجم سهيل=خلاص ارجوك انا راحل تعيش بدنيتك هاني

بحر القصيد

غــيــبـوبـــه

بعدك حياتي صدق اشبه بغيبوبه=شفني لفظة بغيبتك آخر انفاسي
اصحي معك هي صحوة الموت لي نوبه=ماعشت لك سكرات موتي وانا ناسي
وان غبت ساعه من شقى العمر محسوبه=وان جيتني ماكن مرن بي اتعاسي
ذكرى الحزن يا....دمعه ومكتوبه=دام الفرح بي عكس مايبدي احساسي
صافي زلال الحب كاسه ومشروبه=مع خطة اقلام الغلا دقت اجراسي
عقد الذهب في صدر كاشخ برعبوبه=يوم انتثر لميه لؤلؤ مع ألماسي
ذوقه يطابق نفس ذوقي مع اسلوبه= شفافة(ن) بالحب مير الزمن قاسي
نذرت له طاروق شعري ومسحوبه=ويحق لي فيه افتخر رافعٍ راسي
مؤمن كفرت بملةٍ مابها توبه=والحب كافر والامل معتنق يأسي
بآخر رمق والروح عندك ومسلوبه=شفني لفظة بغيبتك آخر انفاسي

بحر القصيد

من وسع صدرك يالشمالي تضايق

ان كان قربي ياخوي عندكم ضيق=ماعشت اضيّق خاطرك وانت رايق
ليتك فتشت قلوب بعض المخاليق=عقرب ثواني ساعتك والدقايق
تصبر على سم(ن) ملا علقم الريق=وتفتح طريقه ثم تقفل طرايق
ياهمي اللي يصطفق بالمعاليق=يثني على ساق القدر كل عايق
مايجتمع ذيبين فوق الشواهيق=الا براس الرجم عند الحقايق
وعين الوحش ماحط فيه المسابيق=ولابيتوه اثنين خاين وبايق
قالو ترى قلوب الخلايق صناديق=وقلبٍ بلا مفتاح يبغى ايتهايق
وانا اللذي مفتوح قلبي من الضيق=ومن وسع صدرك يالشمالي تضايق

بحر القصيد

على الورق حبر القلم خطها كاش
واشوف شيٍ ناظرك مايشوفه




جرحٍ بوسط القلب ماضمده شاش
ولا شخص الدكتور حالة ظروفه




كم واحدن قدام عيني ولا عاش
لو كان عشر قلوب تنبض بجوفه



بحر القصيد~

( قـسـمـة زمـــن ) مادمت نبض القلب والروح والعين=وانت الهوى للروح تطلع وترقى روحي اذا يهناك عني تروحين=محدن على روحه رضا يقول فرقى تزعل علي وارضيك وازعل وترضين=وارواحنا بالحب عطشا وغرقى آرد سرب الحب واشرب ولاشين=وأخيل برق(ن) بالسماء فوق برقى وجدي عليها مع حمام البساتين=غصن(ن) فقد مع غيبت الشمس ورقى لك صورةٍ بالعين بروزتها زين=ياوافيه لو رحت غربٍ وشرقى قسمة زمن ماعاد تقبل على اثنين=مثل البحر لون السماء حيل زرقى

( شجرة الصفصاف ) احبك كثر ماحبك ولاالقى للغلا تعريف=احبك كثر ماحبك دخيلك والقلوب رهاف احبك كل ماتسأل واجاوب عن غرامك كيف=احبك يازهر عمري دخيلك والسنين عجاف احبك كثر ماحبك حبيبي دون حلف وزيف=دخيل البحر واللؤلؤ دخيل الموج والأصداف اذا صوت النغم لحن قصيده بالوتر توليف=انا ولفت مع صوتك قصيده واللحن شفاف احبك كل ماضاعت حقيقة لون قوس الطيف=لقيت اللون بخدودك يجمع حزمة الأطياف احبك للندى زهره وعطرك للندى تلطيف=دخيل الشمس لو تشرق تضيع بمهجة الأوصاف دخيل البرق بعيونك دخيل الموت لمعة سيف=وانا قلب العديم اللي يموت من الغلا ماخاف احبك كل ماتجبر جمال الكون بالتوقيف=على موج العيون اللي وقف من يمسك المجداف دخيل الرمش لامنه طبق بعيونها تجديف=على يخت الزمن مرسى عيونك لأبعد الهداف واذا ظل النخل واحه بعيده عن سراب الصيف=واذا ليل السهر قمرا ونارن تجلب الضياف انا جيتك مع الساري خفوقي واعتبرني ضيف=فناجيل الغرام اللي تقهوى عندك الانصاف احبك كل ماسكن صداع الراس وانت الكيف=على جمرن من ضلوعي تبهر دلة الأطراف وانا عشق العفيف اللي يزود من الفخر تشريف=دخيل الحب واخلاصك دخيل السلم والأعراف احبك كثر ماحبك ولاالقى للغلا تعريف=اذا قلبي لك التربه زرعتك شجرة الصفصاف

المشاركة الأصلية كتبت بواسطة عويد كسار المضياني

فاضلي
بحــر القصيد
عندما يضيق بنــا الأفــق
نحلق بديوانك
نقطف من شهب قصائدك اضاءت فضاء روح
هنئا للذائقــة ولنا وجودك بيننا

جنائن جوري لقلبك سيدي
ودي

المشاركة الأصلية كتبت بواسطة ريما

فاضلي

المشاركة الأصلية كتبت بواسطة ريما

بحــر القصيد

عندما يضيق بنــا الأفــق
نحلق بديوانك
نقطف من شهب قصائدك اضاءت فضاء روح
هنئا للذائقــة ولنا وجودك بيننا

جنائن جوري لقلبك سيدي
ودي

ريـــمــا

مشكوره اختي

لو ضاقت الصفحات ماضاق صدر الشمال

متابعتك شرف للحروف والشاعر

وشهادة فخر واعتزاز لي منكِ اختي الكريمه

تحيتي لكِ