♂♂l|][Ξ¯▪ـ‗_شـــوآرد الفكـــر_‗ـ▪¯Ξ][|l♂♂

السلام عليكم ورحمة الله وبركاته شوارد الفكر هو متصفح يختص لطرح أبيات لا ترتقى لمسمى قصيده أي من اخمسة ابيات وأقل فكره رائيتها با احد المنتديات وراقت لي واراهن على اننا سنقراء مايطرب ويروي الذائقه واحيانا تطيب لنا ابيات قليله اكثر من القصائد هنا لن يكون ردود والمشاركات ابيات فقط لقلوبكم أجمل التحايا (من سيفتتح هذا المتصفح)

الرائع زايد الدغماني لله درك على هذا الابداع المستمر=
من عيوني دموع الشوق عيت تـروح=كل رمـش ٍ لعينـك يالغـلا ملمسـا
كل ضلع ٍ بصـدري ياغلاتـي ينـوح=بـه ثمانيـن نايـح للغـلا يحمسـا
وبه ثمانين دله مـن غلاكـي تفـوح=للخطاطيـر تدعـي وليلهـا مدمسـا
أكتم انفاس صدري ونبض قلبي فضوح=صاح صيحة مودع وأحسبـه يهمسـا
صاح يا دآآآر حاتم يا دواة الجـروح=أسعد الله جبالـك كـل صبـح ومسـا

الله يسعدك يامنصور على الابيات والافتتاحيه الرائعه صح السانك

الحب سوى في حشى خافقي طوق=وكلام واجد بس صعبه أقوله
ماعاد باقى با الصدر غير معلوق=يفتّر قلبي طول الايام حوله

وعليكم السلام ورحمة الله وبركاته .
الغالي/ زايد الدغماني
فتحت لنا قناه من قنوات الشعر .. متصفح سنتواجد به بمشيئة الله .
بورك الإختيار بفكركم النيّر .

وصح لسانك .. ولسان الغالي منصور الجلعود .

اللي على بالي ماني بناسيه=واللي بقلبي لوخفيته أقوله
أحساس ياخذني معه دون تنبيه=وبـ احساس أنسى كل من كان حوله
هذاك غير ولاعلى الغير تشبيه=ولكل أسم(ن) في مقامه أصوله

ياصاحبي مد البحر جاوز الشط=الموج عالي والمواني تهاوت
والبوصله ماعاد تشر على خط=كل اتجاهات الوسيعه تساوت
والعالم اصبح للأسف حيل م ن ح ط=دام الذيابه والحصاني تخاوت

اخي الغالي ابوفارس
صاحب المبادرات الطيبه والراقيه والسعي الحثيث لتطوير المضايف
بارك الله فيك وكل الشكر لك على جهودك..

تحياتي وتقديري

سلم وأعرافي /./ سلم وأعرافي =حب الغضي ملموم بسلم وأعرافي
بالوعد تافي /./ بالوعد تافي = حياك ربي وإنت بالوعد تافي

سلمت يابو فارس على هالفكره الزينه


طبت وطاب فالك

الله يسعد ايامكم ماقصرتو على الحظور المتميز

ياما قضينا با السهر والتعاليل=أحلا الليالي ياحبيبي قضينا
وياما حكينا في هوانا التفاصيل =ومهما حكينا كننا ماحكينا
ايام سّهرنا بها الجدي واسهيل=ايام ماكان الهوى مهتوينا
ياغاليه لاتفتحين الفناجيل=حنا ابتدينا با الغلا وانتهينا

لاهنت يابو فارس على فتح المتصفح الرائع

يــارب وفــق كــل مـن يرتجــونـــــك =
=انت الكــــريم وكــل خـلقـك برجـواك
عــبدك يــنام وما ينامــن عـــيونــــك =
=عليم سبحـــانك ولا شـي يخـفــــاك
يـــارب انا طـالـبك لـطفـك وعــــونـك =
=تلطف بحال اللي سجد يطلب رضـاك
يـــارب ماابغى فـزعة الخلــق دونـك =
=انت العـزيز اللــي كـريم بعـطـايـــاك

للحـزن دمعه والفرح فيه دمعه=
=الله يبعد عنك دمعات الأحزان

عساك دايم في سعاده وجمعه=
=مع الأهل واللي لهم بالغلا شان

يارب تحفظ شوف عينه وسمعه=
=وتضفي عليه لباس صحه بالأبدان

دمتم ودام تواصلكم العطر=
نارك بصدري شبت ضلوع صدري=لاتقول بدري يابعد حـال حالـي
أدري وتدري والمخاليـق تـدري=بصدرك وصدري هاجس الهم طالي
ياهاجسي والهم فوقـي وحـدري=وخلفي وأمامي ومن يمين وشمالـي
وش لون اقول بدر المحبين بـدري=وأنا شمالي وهـم صـدري شمالـي