قـصـيـد الـعــواجــي

متواضعه أخرى للتواصل معكم أحبتي

^

^

^

جيتك وياخذني لك شعور وأحساس = دافع غلا ماهو شعـور ازدواجـي
وبنيت لك بالحب قصرٍ على سـاس = وعيشتني بالحلم في بـرج عاجـي
وتوجتني باغلى الجواهر والالمـاس = حتى مزاجك متفـق مـع مزاجـي
وسكبت لك عذب الاحاسيس بالكاس = واسقيتني مـر العـذاب الهماجـي
رحت وتركت الهم يربى بالانفـاس= ودعتني والضحـك وّدع احجاجـي
وعيشتني فى ضيقة الصدرواليـاس = وطفيّت فى وجهى فتيلـة سراجـي
كنت الامان اللي توارى بالادمـاس = واسدل خيوطه هالظـلام المفاجـي
عشتك بحلم الليل وأصبح بالافـلاس = حظوظ ياحظـي كفايـه احراجـي
عمري قضى حرمان وسنينه اتعاس = وسكون ليلـه عبرتـي وختلاجـي
ورجعت وجروحي تشمّت بها الناس =وكسر الخواطر مثل كسر الزجاجي
من كسرة الخاطر أجر وألف لا باس = مافيـه ضيـق إلا وراه انفراجـي
يسلـي احزانـي ليامـر هوجـاس = حزنٍ قريته في قصيد العواجـي

و سلامتكم


عذب التحايا للجميع

القديره
العنود الشيباني

صح السانك مدد والف شكر على روعة الاتحاف والامتاع

تحياتي وتقديري

عنود الشعر والروعه والإبداع
يسعدنا جدا تواجدك هنا
للشعر هيبه وحضور
كانت تتجسد هنا
صح لسانك يالغاليه
أبدعتي والله
محبتي لكِ

والله قصيد تحسب للجزيره العربيه

والاروع انها من قريحة طازجه لاتعرف التزييف والتصنع

شكرا العنود على احترامك لذائقتنا

العنود ونعم وقصيده لها حقه من شاعرت هوازن
وحياكي الله بكل ماتملكين من احساس وشعر
وياهلا وغلا

الشاعره/ عنود الشيباني

صح لسانك نزف راقي وجزاله مابعدها جزاله سحابة ماطره من الابداع

تقبلي مروري المتواضع وبأنتضار القادم من روائعك

يسلي احزانـي ليامـر هوجـاس
حزنٍ قريته فـي قصيـد العواجـي

الله الله الله ياسلام يالعنود

لله درك والله لا يضرك ما شاء الله تبارك الله

هنا نص يستحق الأطراء والتصفيق الحار من أول بيت ألى آخر بيت

العنود الشيباني والله لو لم تكتبي الا هالبيت الأخير

لأكفاك بأن يقال عنك شاعرة عظيمه

سجلي اعجابي وتقديري وكل عام وانتي بخير

الله عليك شاعره الابداع

ابحرت بنا بقصيدتك التي عانقت سماء الابداع

فلم نكتفي ونتطلع لجديد الشاعر ه العنود بحراره



تحياتي لهذا القلم الذهبي

الشاعرة القديرة والغالية / العنود الشيباني
صح لسانك ملايين حتى ترضين نص شامخ كشموخك المعتاد
دمتي مبدعة يالغلا في سماء الشعر
ودي

الاخت/ العود الشيباني


في حظور الشعر يكون اللسان عاجزا عن التعبير

بما يكنه القلب من اعجاب بهذه الحروف وهذا القلم الذهبي

وقوف وتصفيق لهذه الشاعريه


صح كلك اختي العنود