ديوان الشاعر/عويد كسار (بحر القصيد)

من وسع صدرك يالشمالي تضايق

ان كان قربي ياخوي عندكم ضيق=ماعشت اضيّق خاطرك وانت رايق
ليتك فتشت قلوب بعض المخاليق=عقرب ثواني ساعتك والدقايق
تصبر على سم(ن) ملا علقم الريق=وتفتح طريقه ثم تقفل طرايق
ياهمي اللي يصطفق بالمعاليق=يثني على ساق القدر كل عايق
مايجتمع ذيبين فوق الشواهيق=الا براس الرجم عند الحقايق
وعين الوحش ماحط فيه المسابيق=ولابيتوه اثنين خاين وبايق
قالو ترى قلوب الخلايق صناديق=وقلبٍ بلا مفتاح يبغى ايتهايق
وانا اللذي مفتوح قلبي من الضيق=ومن وسع صدرك يالشمالي تضايق

بحر القصيد

كل الشكر لأخي العزيز / عبد الكريم ابو زهره

والشكر موصول

لأخي امير شعراء المضايف/ عبدالعزيز الوادي

على اهدائي هذا التصميم

لقصيدة ( سحابة الفرقى)

( قـسـمـة زمـــن ) مادمت نبض القلب والروح والعين=وانت الهوى للروح تطلع وترقى روحي اذا يهناك عني تروحين=محدن على روحه رضا يقول فرقى تزعل علي وارضيك وازعل وترضين=وارواحنا بالحب عطشا وغرقى آرد سرب الحب واشرب ولاشين=وأخيل برق(ن) بالسماء فوق برقى وجدي عليها مع حمام البساتين=غصن(ن) فقد مع غيبت الشمس ورقى لك صورةٍ بالعين بروزتها زين=ياوافيه لو رحت غربٍ وشرقى قسمة زمن ماعاد تقبل على اثنين=مثل البحر لون السماء حيل زرقى

( شجرة الصفصاف ) احبك كثر ماحبك ولاالقى للغلا تعريف=احبك كثر ماحبك دخيلك والقلوب رهاف احبك كل ماتسأل واجاوب عن غرامك كيف=احبك يازهر عمري دخيلك والسنين عجاف احبك كثر ماحبك حبيبي دون حلف وزيف=دخيل البحر واللؤلؤ دخيل الموج والأصداف اذا صوت النغم لحن قصيده بالوتر توليف=انا ولفت مع صوتك قصيده واللحن شفاف احبك كل ماضاعت حقيقة لون قوس الطيف=لقيت اللون بخدودك يجمع حزمة الأطياف احبك للندى زهره وعطرك للندى تلطيف=دخيل الشمس لو تشرق تضيع بمهجة الأوصاف دخيل البرق بعيونك دخيل الموت لمعة سيف=وانا قلب العديم اللي يموت من الغلا ماخاف احبك كل ماتجبر جمال الكون بالتوقيف=على موج العيون اللي وقف من يمسك المجداف دخيل الرمش لامنه طبق بعيونها تجديف=على يخت الزمن مرسى عيونك لأبعد الهداف واذا ظل النخل واحه بعيده عن سراب الصيف=واذا ليل السهر قمرا ونارن تجلب الضياف انا جيتك مع الساري خفوقي واعتبرني ضيف=فناجيل الغرام اللي تقهوى عندك الانصاف احبك كل ماسكن صداع الراس وانت الكيف=على جمرن من ضلوعي تبهر دلة الأطراف وانا عشق العفيف اللي يزود من الفخر تشريف=دخيل الحب واخلاصك دخيل السلم والأعراف احبك كثر ماحبك ولاالقى للغلا تعريف=اذا قلبي لك التربه زرعتك شجرة الصفصاف

المشاركة الأصلية كتبت بواسطة عويد كسار المضياني

فاضلي
بحــر القصيد
عندما يضيق بنــا الأفــق
نحلق بديوانك
نقطف من شهب قصائدك اضاءت فضاء روح
هنئا للذائقــة ولنا وجودك بيننا

جنائن جوري لقلبك سيدي
ودي

المشاركة الأصلية كتبت بواسطة ريما

فاضلي

المشاركة الأصلية كتبت بواسطة ريما

بحــر القصيد

عندما يضيق بنــا الأفــق
نحلق بديوانك
نقطف من شهب قصائدك اضاءت فضاء روح
هنئا للذائقــة ولنا وجودك بيننا

جنائن جوري لقلبك سيدي
ودي

ريـــمــا

مشكوره اختي

لو ضاقت الصفحات ماضاق صدر الشمال

متابعتك شرف للحروف والشاعر

وشهادة فخر واعتزاز لي منكِ اختي الكريمه

تحيتي لكِ

( عز نفسك وهي لي ) قالو تجدها عز نفسك وهي لي=وانا العفيف بعشقها من نقاها ماكل سحابه بالسماء جودها مي=يخدعك برق صيوفها في سماها صدري شمالي بس لايزعله شي=اموت والله ماتنفس هواها تاقف حيات الكون بالكوكب الحي=من بعدها وش قبلها وش وراها كان البلا فرقاك كل البلا بي=صفحة غلا بالقلب محدن قراها عادي تشوف الشمس تشرق بلا ضي=ومغيب شمس الكون ينزف دماها ماقول فعل الليل فيني مثل زي=حزن البشر في قلب واحد رماها وانا مسكت الجمر في راحت ايدي=واللي يحس بجمرةٍ قد وطاها حد الجنون بصحوتي واعقل شوي=واعقل جنوني صحوته مالقاها ومن امس اقول اني تقل فاقدن شي=روحي تضيق ولاعرف وش بلاها وشلون ابيعك وانت تدري مهي لي=اخون نفسي قبل اخونك وراها

(حلم ليله عابره)

عقد سحرن في عيونك بس فعلن شاكره=لنقسم نصفين قلبي نصف لي ونصف جاه
وفي طلاسم سحر عينك خيط فقد الذاكره=وعقد سحرن في عيونك غير قلبي ماقراه
وكم كتبت من المشاعر والحروف الماهره=ولارجيت من المشاعر غير زهره بالحياه
غصنها اللي كم تمايل بالرياح الساكره=وقلبي اللي ماتزحزح غير لامالت معاه
والله انه ماملكني غير حب الطاهره=والحلا كله معاها والطهاره والنقاه
وادعي الله في صلاتي لايكدر خاطره=يالله انك لاتكدر صافيٍ معنى غلاه
وفسري حلم القصايد بالعيون الساحره=والجنون بعز نومي علم شاعر وش بلاه
شفت عقد من الخيانه سلطته متناحره=بالظهر طعنة صديق ولاذبحني من غباه
والله اني مالتفت له اسفهه متحاقره=والجنون اللي تكبل من عفاريت الطغاه
نصف عاش ونصف مات ونصف محدن فاكره=ونصف وجه من الخيانه ماحفظ مي بسماه
ونصف قلبٍ لوتصنع بالمشاعر حاكره=ونصف خيل ونصف ويل ونصف يصهل من عناه
ونصف خيل من الاصايل جامحه له نافره=ونصف سهم(ن) بالخيانه منكسر باللي رماه
والقصايد ماتفسر حلم ليله عابره=شفت وشلون القصايد فسرت حلم النجاه

بحر القصيد

(نـــجـــمـــة الـــعــشـــاق) صورةٍ بالارض تبقى للسما=صورة القمرا على مي الغدير ولوحة الفنان بالرسمه كما=شاعرن في ليل والقمرا تنير ولو تميل شوي مع غصن ٍنما=لاتلوم الزهر لو منك يغير ولو سراب الحب بعيوني زمى=من ظلالك لين شمسك والهجير ماتبعتك واحسبك ليه ظما=وكل طشٍ من سحابك لي غزير وكل موقف بالمدامع لااحتمى=وصَك جيش الهم بعيون الاسير ضمدي لي جرح قلبي لادمى=شاعرك ماجاك في بيتٍ كسير وكل سهمٍ بالمحبه لو رمى=غير سهمك في خفوقي مايصير صورتك بالارض تبقى للسما=نجمة العشاق بالثلث الاخير

(نـــجـــمـــة الـــعــشـــاق) صورةٍ بالارض تبقى للسما=صورة القمرا على مي الغدير ولوحة الفنان بالرسمه كما=شاعرن في ليل والقمرا تنير ولو تميل شوي مع غصن ٍنما=لاتلوم الزهر لو منك يغير ولو سراب الحب بعيوني زمى=من ظلالك لين شمسك والهجير ماتبعتك واحسبك ليه ظما=وكل طشٍ من سحابك لي غزير وكل موقف بالمدامع لااحتمى=وصَك جيش الهم بعيون الاسير ضمدي لي جرح قلبي لادمى=شاعرك ماجاك في بيتٍ كسير وكل سهمٍ بالمحبه لو رمى=غير سهمك في خفوقي مايصير صورتك بالارض تبقى للسما=نجمة العشاق بالثلث الاخير