عيادة المضايف لمكافحة التدخين

من خلال تصفحي للمضايف بين فينةٍ وأخرى
عرفت أن هناك من يدخن بشراهه

عاد المضايف يكثر بها الشعار ..
والشاعر إن تعسّر معه شطر بيت وماجا معه على مايبي
كنّ الزقارة .. وقام ينافخ

وان تيسرت ولادة قصيدته .. ورآها أمامه جاهزه لكي يتحفنا بها وينشرها
كنّ الزقارة مستانس

ههههههههههههه يعني زعلان شافطها
مستانس شافطها

يا والله البلشه ..

أحدهم مدخن لأكثر من ثلاثين سنة ترك الدخان فجأة وبعزيمة صادقه
طبعاً كل المدخنين ودهم يتركونه بس يقول شوي قدام السنة الجايه
أو رمضان الجاي لين يطيح على أهله ويزخونه للمستشفى

صاحبنا جالس مع عياله جلسة عائلية ومستانسين اشتهى يمذع الزقارة
رغم أنه يدخن عند عياله عادي .. لكن سبحان الله هالمرّه طلع مايوده يخرب عليهم الجلسه
جالس على عتبة الباب الخارجي ويمذع ويمذع ويرضع من هالماخوذه
فجأه سأل نفسه: تارك عيالي وجالس على هالعتبه كني مطرود بسبتك
طبعاً يتكلم معاها وعوينتها تبلز حميرا
حطها الرجال تحت رجله وفركها
والنية هي النية ماعاد رجع لها

يسولف لي يقول: والله حول الشهر أتضايق إن صف جنبي واحد
بالصلاة معه ريحة دخان .. رمّـة
معقولة ريحتي كانت كذا
قلت له: أنت تجاوزت الريحة الكريهة فصرت مخيس
مانقدر نحاتسيك .. نذل منك
قال: الله يعين حريمنا اللي صابراتٍ علينا كل هالسنين

هذا ماصار مع أخوي المدخن
وهذا حكمه على نفسه

فما هو حكمك أنت عزيزي المدخن

أحبك يالمِدْخنَة