{{ ويــن الــرفــيــق }}

{{ ويــــن الــرفــيــق }}

من آخر ماكتبت أرجو أن تحوز على رضى الجميع
_________

وين الرفيق اللي ليا من ضاقت الحيله تجيـــــْه=وعليه بعد الله ليا حدك زمانك تعتمدْ
اللي ليا منك تنصّيته حصل لك ماتبيـــْه=طلْق الحجاج اللي سِمَة وجهه تبشّر بالسعدْ
من طيب راسه ينطح الصعبات والكايد قويــــْه=ويشيل حمل ٍ ماقواه اللي عظامه ترتعدْ
زحزيح ماتصعب على غيره تبي تسهل عليـــْه=من يعرفه شاد بمواقيفه وبأفعاله شهدْ
اللي ليا منه تفوّه في كلام ٍٍ يحتمـْيه=النادر اللي طول عمره بالجزايل ينفِرِدْ
لاصار لك مطلوب عنده دون شك ٍ ترتهيــــْه=ولا جاه من يشكي ضماه إلا ّعلى الجمّه وردْ
نادر ظفر فطن وذكي ياقلّ مــالـه من شبيــْه=كل ٍ يقول الشايب اللي عقّبه عقّب ولدْ
لو ما ستطاع مساعده يبدي لك الشور الوجيــــْه=وبالراي والحكمه إتحل المعضلات من العقدْ
هذا الرفيق المعتبر ماهو كلام ٍ ندّعيــْه=يشتد به ظهرك ليا جيته ويبقالك سندْ
لعل يفداه الضعيْف اللي قصيرات ٍ يديــــْه=خبل الرجال اللي ليا سولف كلامه يُنتَقَدْ
الختش نقال الكلام الهافي النذل الكريــــْه=اللي وجوده يعتبر صوره وتكميلة عددْ
الناكر اللي لو تجمل فيه معروفك نسيــــــْه=لو قلتها قصدك بها التذكير طوالي جحدْ
غيابه كما حضوره ولا وحده من الثنتين فيـــــْه=بطال لايجمع حطب ناره ولا يقدح زندْ
لو تسلب حقوقه سكت واصبر على الهون ورضيـــــْه=متراخي العضدين لايقضي لزوم ولا يسدْ
لا فايد ٍ نفسه ولا فاد أقرباه ووالديــْه=إلا ليا شاف الصحن فسر كمومه واجتهدْ
طبعه ردي ما يجذبه طيْب الكلام ولا يعيــــْه=يعني على قول المثل برحه ولا بالحمض أحدْ
وهذا ومثله لو ولد عمك وأبيك إخو ٍ لابيــْه=خلْ الردي و بن الردي خالف طريقه وإبتعدْ


<<< حــمــد الــضــوّي >>>

زحـزيـح ماتصـعـب عـلـى غـيـره تـبـي تـسـهـل عـلـيْـه

مـــــن يـعــرفــه شـــــاد بـمـواقـيـفـه وبـأفـعــالــه شـــهـــدْ

اخي الشاعر القدير/حمد الضوي

صح لسانك مليار وتكرار

نص يحتوي على جمال الروح وجمال المفردات

التي وظفت في تمجيد من يستحق التمجيد

فالصاحب من يصحبك في الشدة قبل الرخاء

لك الود والاخاء

لاعدمنا اطلالتك البهية

,

الله الله عليك ياحمد الضوي
والله تسلم يمينك مليون ترليون
صح الله لسانك أبداع جزاله يعني قصيده
جميله بكل معنى يعطيك الف عافيه
الله درك ياحمد الضوي أمتعتنا باهالمبدعه
تقبل أجمل وأرق تحيه مني لك طال عمرك

الشاعر القدير/ حمد الضوي الموقر

السلام عليكم ورحمة الله وبركاته

بيض الله وجهك قصيده تنومس جزل يا بعدي

لقد اخترت عنوان شامخ

وبعثت لنا رساله تهم كل انسان في هذه الحياه

وهي اختيار الرفيق( الصديق) نعم المثل يقول الصديق وقت الضيق

ماشاء الله تبارك الله ابداع وجزاله وقوه اجتمعت في عقد شعري فريد

اعتبرها من روائع القصائد

واتمنى من رئيس مجلس الاداره / تخصيص موقع يهتم بروائع القصائد

وين الرفيق اللي ليا من ضاقت الحيله تجيه=وعليه بعد الله ليا حدك زمانك تعتـمـد
--------------------------------------------------------------------------------------------
وهـذا ومثله لو ولد عمك وابـيـك اخو لابـيـه=خل الردي وابن الردي خالف تطريقه وابتعد

دمت في حفظ الرحمن

حمد الضوي

بيض الله وجهك على النص الفاخر

صح لسانك لين ترضى ولا هنت

ماشاء الله تبارك الرحمن على الجزاله

دمت بحفظ الرحمن

الشاعر المميز حمد الضوي

كتبت نص فاخر لايكتبه إلا الشعار الكبار
مثل حمد الضوي

لله درك

يابو خالد

الله يبيض وجهك وصح لسانك
سلم حرفك وسلم بوحك

صح الله لسآآنك ابداع وجزاله دائماً ...‘‘
راقت لي كل الأبيات بجمالها وتسلسلها وقوة المعنى

ود لاينتهي

صح لسانك وسلم البنان
ابداع وتميز ماشاء الله

سلمت يمينك وصح لسانك ملايين
قصيده جمعت الجزاله والأبداع معاً

ودي