لقاءنا الآن مع شاعر التميز/ تركي عبدالله العنزي

بارك الله فيك شاعرنا القدير/ تركي عبدالله

وصح لسانك ولسان والدك حفظه الله

قصيدة من قصائدك تشعر انها الاقرب الى نفسك؟
مارأيك بالشعر النسائي ؟ وهل اثبتت المرأة وجودها فيه حالها حال الرجل؟
هل انت مع او ضد نشر المرأة قصائدها بالاسم الحقيقي؟

المشاركة الأصلية كتبت بواسطة بنت الكحيلا

بارك الله فيك شاعرنا القدير/ تركي عبدالله

وصح لسانك ولسان والدك حفظه الله

قصيدة من قصائدك تشعر انها الاقرب الى نفسك؟
مارأيك بالشعر النسائي ؟ وهل اثبتت المرأة وجودها فيه حالها حال الرجل؟
هل انت مع او ضد نشر المرأة قصائدها بالاسم الحقيقي؟

الله يبارك فيك يارب

وصح بدنتس


قصائدي كلها قريبه لنفسي ولكن يمكن اللي اشعر بها اكثر عند ترديدها هي قصيدة دمعة ايتام
واقول فيها

الشرهه اللي عانقتني لها أيام=واستوطنت روض الصدر واحتوتني
وشلون أعبرها وأنا فاقد احلام=والفرحه اللي مرتجيها جفتني
لصارت أيامي مثل موج الاوهام=وسفينة أحلامي سرت وتركتني
واللي بقا من عقبها دمعة ايتام=لحدرت من رمش عيني كوتني
زادي حزن وايام في عيني حطام=لو سافرت بي للفرح ما عطتني
كتبت واتعبت الدفاتر والاقلام=وغنيت ابيها تستمع ماسمعتني
ماكني إلا بين بايع وسوام=والفايده من تجرتي خسرتني
يذوب عرق وبعض الاحيان صمام=ولو ذبت كلي عودت وحرقتني
يمكن أبالغ بالحكي بس مانلام=تعبت اداري عالمن مافهمتني
واشره على عين بها الشوق مانام=شرهة وفا مني ولي واحرجتني
ياشرهةٍ عدت على الفكر باوهام=حاولت اعيي ماتجي وابتلتني
تولجت حتى من اطرافها قام=نومي وعيا لايجي واسهرتني
أحيان أحس إني مع الناس قدام=واقف مع العالم وهي مانستني
وأحيان احس إني من الوقت منضام=ماكني إلا دمعتين وبكتني
ياشرهتي واللي خلق كل الاقوام=لو العتب يقنع بشر ماقنعتني
حاولت أجنب دربهم مشي الاقدام=أقفي وشفها زلتين إلحقتني
يعني كذا مخطي وفي حكم العدام=والناس لو بوفي لها ماوفتني
ياشرهتي روحي على درب الاحلام=روحي مع اللي سافرت وتركتني
سفينة احلامي مع ارياح الايام=راحت وهمي بالحنايا جزتني
واللي بقا من عقبها دمعة ايتام=لحدرت من رمش عيني كوتني

الشعر النسائي رائع جداا وقوي وبعض الشاعرات تمتلك قوة شعريه يتمناها الكثير
وبالفعل اثبتت وجودها وأنا مؤيد وبقوه لنشرها بإسمها الحقيقي لان الشعر ليس عيبا
ولا حراما حتى يختي خلف معرف
الشعر لم يعيب الشاعره الدقيس او نوره الحوشان وغيرهن ممن نردد ابيات لهن
وتمنينا لو كانت هذه الابيات لنا

الله يعطيك العافية على هالاجابة الشافية

من هم الشعراء الذين تحرص على متابعتهم في مضائف عنزة؟
شعر النظم والمحاورة لا يجمع بينهم الاشاعر متمكن تبارك الله
وانت تجمع مابين الاثنين ما شاء الله
فأين تجد نفسك اكثر في النظم اول المحاورة؟
كيف اكتشفت انك قادر على فن المحاورة؟
اول محاورة لك ومع من ؟ وين مكانها؟

متاااااااااااااااابـ ع ـهـ ...~
تقديري للمتألقين ...~

هلا بالشاعر القدير\ تركي عبدالله العنزي
ويعطيك العافيه على تلبيتك الدعوه
ومن المتابعين لك ولقاصيدك الجزله
وشكرآ لك ولا يفوتني الشكر للاخت والشاعر
القديره \ بنت الكحيلا \ على هذا اللقاء الجميل
ولاكن عندي سؤال للاخ والشاعر\ تركي عبدالله
وأرجو منك الاجابه بكل صراحه لو طلب منك أن
تختار خمسة شعراء من شعراء مضايف عنزه
لترشيحهم لجائزتآما فامن تختار
والسؤال الثاني ماهي افضل قصيده
عند تركي سوا من قصايدك او من قصايدالشعراء
القداما او الشعراء الحاليين وشكرآ جزيلآ لك
وعلى رحابت صدرك\ تحياتي

المشاركة الأصلية كتبت بواسطة بنت الكحيلا

الله يعطيك العافية على هالاجابة الشافية

من هم الشعراء الذين تحرص على متابعتهم في مضائف عنزة؟
شعر النظم والمحاورة لا يجمع بينهم الاشاعر متمكن تبارك الله
وانت تجمع مابين الاثنين ما شاء الله
فأين تجد نفسك اكثر في النظم اول المحاورة؟
كيف اكتشفت انك قادر على فن المحاورة؟
اول محاورة لك ومع من ؟ وين مكانها؟

والعفو ويارب تكون اجاباتي مقبوله

والله يابنت الكحيلا كل شعراء المضايف اتابعهم واتشرف اني اتابعهم
ماشاء الله تبارك الله مضايفنا تجمع عدد كبير من الشعراء الرائعين

تسلمين على الاشاده المشجعه ... انا بنضري البسيط ان الشعر واحد
سواء محاوره او نظم الشاعر مايبلش على قولتهم

ولكن شعر المحاوره يحتاج حفظ وسرعة بديهه وخاصة لما تكون مباشره ومقابله مع الشاعر
وانا ضعيف جدا بالحفظ لذلك لا العبها مباشره

اما بالنسبه لي انا لا اميل لشعر المحاوره ولا اتابعه ولا ارغب فيه ولكن احيا انجبر عليها
عندما يطلبني شاعر وصديق لي بمحاوره عن طريق الجوال او المنتدى

المحاوره لا تحتاج لاكتشاف بقدر ماتحتاج لجرأه فقط ولم العب محاوره الا بالمضايف او بالجوال فقط

ولكن ما اذكر مع من اول محاوره

المشاركة الأصلية كتبت بواسطة ويـــــلان

متاااااااااااااااابـ ع ـهـ ...~
تقديري للمتألقين ...~

اتشرف بهذه المتابعه

وياهلا وغلا باختنا ويلان

عضوة مجلتنا الرائعه

المشاركة الأصلية كتبت بواسطة عبدالرزاق بطاح المطرفي

هلا بالشاعر القدير\ تركي عبدالله العنزي
ويعطيك العافيه على تلبيتك الدعوه
ومن المتابعين لك ولقاصيدك الجزله
وشكرآ لك ولا يفوتني الشكر للاخت والشاعر
القديره \ بنت الكحيلا \ على هذا اللقاء الجميل
ولاكن عندي سؤال للاخ والشاعر\ تركي عبدالله
وأرجو منك الاجابه بكل صراحه لو طلب منك أن
تختار خمسة شعراء من شعراء مضايف عنزه
لترشيحهم لجائزتآما فامن تختار
والسؤال الثاني ماهي افضل قصيده
عند تركي سوا من قصايدك او من قصايدالشعراء
القداما او الشعراء الحاليين وشكرآ جزيلآ لك
وعلى رحابت صدرك\ تحياتي

الله يحييك ويبارك فيك اخوي واستاذي الشاعر عبدالرزاق
وهذا والله انه شرف لي متابعتك

وابشر بالاجابات على أسألتك بإذن الله بعد ماتخلص معدتنا
العزيزه من أسألتها
وصدري مفروش ورد لك يابعدي

شاعر محاورة تمنين اللعب معه ولم يسعفك الحظ؟
من هو شاعر المحاورة الذي تتابعه بأهتمام ؟
شاعر محاورة تخشى الوقوف امامه؟ وما السبب؟

المشاركة الأصلية كتبت بواسطة بنت الكحيلا

شاعر محاورة تمنين اللعب معه ولم يسعفك الحظ؟

من هو شاعر المحاورة الذي تتابعه بأهتمام ؟

شاعر محاورة تخشى الوقوف امامه؟ وما السبب؟

انتي ملزمه علي بشعر المحاوره ههههههههههههه

مثل ماقلت لك قبل انا لا اميل للمحاوره ولا اتابعها الا نادرا
ولكن اذا صادفت وانا اقلب بقنوات الشعر وشفت شاهر العنزي
او منيف منقره اوقف واتابع ولكن لا احرص على البحث عنها ابدا

كل الشعراء اخشاهم لاني مابي العب معهم ابد ههههههههههه