** ليل التعاليل **

قلـبي غـدا محامي عن الزلات
وعينـي أهـدابها حراس علـيك
متى تجيني يا مطول الغـيبات
مليت وأنا أرسل أشواقي إليك
يـا غـايب عن عيوني سلامات
لـ قلبـك لـ روحـك وكل مـا فـيك
أذكّرك يـا زيـن بكل الـذي فـات
بحبيب لك دايـم الدوم ينـاديك
بخافق نبضـه بدونك ذبل ومات...
بفنجان قهوة بـ غيابك يحـتريك

اقـترب ،،، سأوشوشك قبل أن أغفو
أنا بانتظار طيفك وروحي لرؤياه تهفو

عيناهُ فراشاتٌ ملونة
ترقصُ ما بينَ النّور والنّار

عيناهُ أمواجٌ تَطويني
تسحبُني تُغريني بالإِبحار
...
عيناهُ حروفي ومِحبرتي
وفيضُ مدادٍ يسكبُ الأَشْعار

عيناهُ ألمي وأمَلي
وحلمٌ يراوِد صبري ، فأنهار

ألجم لسانك يا ابن آدم وضع له حد
وإحذر أن ترمـي يوما بـ السوء أحد
لا تطلق ثعـبانك يلدغ وينفث سمه
وقيده بـ حبـال الخـوف من فرد صمد
ما نفع صلاة لا تغسل سواد القلب
ولا تمـحو منه خطايـا الكره والحسد ...
لك عورة كما للناس عورات فـ احذر
إن تطرق أبـوابهم حتـما سيأتيك رد
على الباغي تدور الدوائر يا ابن آدم
فإياك والغيبة واقفل فمك بورق الورد
إن عـذب الكلام بينـك و بين غــيرك
جسر من الـمودة يبقـى دوما ممتد

وتنتهي تعليلتنا الليله وكنت اتمنى ان ياتي لها زوار
نتبادل معهم بعض الاشعار لكن ها قد قرب يطلع النهار
ولابد من المغادره على امل اللقاء بكم غدا ان شاء الله
والف شكر لمن تابعنا من خلف الكواليس
طابت جميع اوقاتكم وتصبحون على خير>>
ياولد غسل الدلال وطف النار وافرش فراشك ارتاح
فبعد قليل تشرق الشمس وتغدوا الناس لاعمالها

السلااام عليكم ورحمة الله وبركااته

هذه قصه ظريفه يرويهاا لنا صااحبهااا

ولوهي طويله شوياات بس كلهاا ممتعه

وان شاءالله تعجبكم فاتترككم مع الساالفه

" يقوووول :
أنا شخص عادي مثلي مثل أغلب الشباب أكل ونوم ودوجه بالشوارع
الشي الزين فيني إني أحب الناس وأولهم ولد عمي ورفيق دربي بنيدر المنتكس
كل يوم أعشيه وأفطره
طبعا" غداء مافيه نوم للمغرب من بعد المغرب تبدأ حياتنا مثل القطاوه

في يوم من الإيام ناظرت بالمرايه بغرفتي
قلت:ياربي أنا متى بصير سنع
وأعيش حياتي مثل الناس
شوف كيف السهر قلب عيوني
صارت صفراء من كثر ماتعودت على أنوار الشوارع
ياربي خالد أحسن مني وفيصل أحسن مني ووليد أحسن مني
بس من هم ذولي ماأعرفهم

جاتني الوالده وأنا أكلم نفسي
قالت:عبودي وش فيك ياوليدي عساك طيب
قلت:يمه أنا ماني ولدكم صح؟
<==متأثر بالأفلام المصريه
أمي سكتت
قلت:يمه أنا مين وش إسمي منو أبوي وامي منهم أهلي؟
راحت أمي من قدامي
وخمس دقايق وجات

كانت واقفه ومخبيه شيء وراها
قالت:تبي تعرف أبوك
وأمك؟
قلت:إيه
قالت:تعال ياأبو عبودي
ويدخل أبوي اللي أعرفه
وبيده العقال وأمي تطلع لي إسطوانة الغاز من وراها
وإهبدوا فيني لين إعترفت فيهم:
جلست ممدد بالغرفه وكل قطعه من جسمي تقول للثانيه منو أنتي؟

شديت على نفسي وجيت بأوقف وطحت ورحت أزحف لين وصلت الصاله

ولقيت ابوي وأمي جالسين يشربون القهوه ويضحكون
رحت ازحف لين وصلت عندهم

قلت:يبه أبي أتزوج وإلا إنحرفت

قال ابوي: ليه للحين ماأنحرفت
إنحرفت عيونك

وأسمع امي تضحك

يبه إسمع الكلام وزوجني وإلا ترى بلطخ سمعتك
<== أحلى ياست الحسن والدلال

ماردوا علي

قعدوا يتكلمون وطنشوني
قعدت أفكر كيف أقنعهم ويزوجوني
قلت: بتزوجوني والا هاجرت وتزوجت أوروبيه شقراء وتخيلوا أحفادكم شيون وشقر
قال:أنت بنت عمك إخت بنيدر المهبوله ماترضى فيك وشلون الخواجه
عاد بعد أنواع التحطيم
طرا علي بنيدر ابو العقد والمشاكل
لازم أروح له ونفكر بحل

قالت إمي:بدري..عازمينك على العشاء
قلت: هنا وعافيه معزوم أنا الليله عند الوليد
<== بيسوي كشخه قدامهم
إستأذنتهم وسلمت على روسهم
وقلت: أنا خلاص يمكن ماأسلم عليكم مره ثانيه وإستروا ماواجهتوا
قالت إمي خذ أغراضك كلها معك مانبي شيء يذكرنا فيك
وهي تضحك
جيت بطلع وأنا مار من جنب أمي مدت عصا المكنسه
وطحت

قالت: ماعليش أمزح

قلت: أشوا بغيت أزعل
<== مسوي صداقه مع أمه

قمت من عندهم وقبل اطلع من البيت قلت في بالي ياوالله الفشيله إذا رجعت شوي وش أقول لهم
ماني قد كلمتي

إتصلت في بنيدر
ألوو بنيدر
قال:نعم
قلت:
فاضي الحين
قال:ليه شايفني تنكه
قلت:التنكه أبرك من وجهك
مر علي ابيك في مسألة حياه أوموت

<=== النذل تأخر يبيني أموت
وأنا جالس على عتبة باب بيتنا
مرت ذيك البنت مع السواق
إلتفتت فيني والسياره تمشي
كانت نظراتها تدل على إعجاب
<===(حكم عليها على طول)

وقفت السياره بعد تعدت شوي ورجع السائق ريوس
لين وصلوا عندي
فكت البنت الزجاج حقها

قالت: خذ
قمت ورحت لها
مدت يدها علي ومديت يدي وأخذت اللي معها

كنت أناظر فيها ماانتبهت للي عطتني
مشت وأنا قلبي يكاد ينفطر من هواها
ناظرت في يدي لقيت عشره ريال
تحطمت لين صرت أحطم واحد بالحاره


مادريت إلا ذيك الددسن اللي جايه والغبار وراها وأشجار جيراننا متكسره وراه
وهو يسحب جلنط قدام بيتنا
قلت أحسن خله يزعجهم
ركبت وقلت:بنيدر تكفى إلحق ذيك السياره ضروري
قال:ليه وش سووا لك
قلت:شباب متهاوش معهم
عاد بنيدر يحب هالأشياء ويموت في شيء إسمه هوشه
وبنيدر بما أنه من الكائنات المفترسه وخطر قومي على المجتمع
فضلت إني أركب في سيارته فرامل في جهة الراكب علشان الحالات الطارئه
المهم لحق ذيبان السياره المذكوره سابقا
قلت:بنيدر خلنا نلعب لعبة الجواسيس
خلنا نراقب السياره لين توقف
وحنا نمشي ورى سياره
قلت:بنيدر تشوف فيني شيء متغير
قال: إيه وجهك ملفّع ومكمّخ ويعبر عن ماتعرض له
قلت: لا ماتشوف شيء ثاني
قال: لا
قلت : ولاشيء ولاشيء؟
قال: ولاشيء
قلت: طيب شوف وقفت السياره
وقف وراها
وقفنا الددسن وراها
ونزلت ذيك البنت اللي عطتني العشره ريال
وأنا ذابحني الغيظ منها وحالف إني لأرد إعتباري
لايروح بالكم بعيد رد إعتباري مو بالعنف والطفاقه لازم ادرسها صح وأسحبها على جبهتها
قلت:بنيدر شرأيك بهالبنت
قال:والله إنها قطعه وصاروخ
قلت:عسى الصاروخ يشق رأسك
أنا حبيت هالبنت وش أسوي
قال: رقمها
قلت: وش أسوي احط على جبهتها رقم
قال:لا يادلخ
قلت:طيب علمني تراني مااعرف هالأشياء(إيه هيّن)
قال:رح لها وقول لوسمحتي خذي رقمي

قلت: انا اخاف بنيدر انت عطها الرقم
قال: أنت محسوب على الرجال وإلا أنت من أشباه الرجال
قلت : يؤ بنيدر بدينا بالغلط
قال:طيب كم رقمك؟
الشين حياتي كلها مقابل وجهه ومايذكر رقمي ماأقول إلا ياحيف على الصحبه
قال:عجل قدام تروح

شديته مع رقبته وقلت خذ الرقم والجوال بعد
ذي تستاهل حياتي مو رقم

راح بنيدر يمشي من بعيد وأنا كنت امشي بالجهه الثانيه والبنت تمشي بيننا وصار بنيدر يقرب منها ويكلمها بصوت واطي وهي تمشي ومعطيته طنش
ومد يده يبي يعطيها الرقم ووقفت البنت
وأنا أجي امشي بسرعه
وألمخ بنيدر بذاك الكف اللي خلاه يلف على نفسه ويفتح إثمه ويقعد دقيقه مفه ي

قلت: أنت ماتستحي ياكلب مالك أهل مالك خوات تف عليكم شباب آخر زمن شين ويرقم
وإلتفت على البنت
وقلت:لاتخافين إختي هالأشكال لازم نوقفهم عند حدهم
مادريت إلا ذاك البوقس من بنيدر على وجهي
وعينك ماتشوف إلا النور
وش فيه الناس واقفين على رأسي ويصارخون
اللي يقول إطلب الإسعاف واللي يقول خلوا له مجال يتنفس واللي يرشني بمويه
غمضت عيوني وفتحتها أشوف أسلاك فوق رأسي وإثنين يتكلمون
أول ماطرأ علي منكر ونكير
وغمضت مره ثانيه وفتحت عيني وأشوف كشافات قدام وجهي
وين أنا ومن أنتم
ماأحد يرد علي كلهم مشغولين فيني
اللي يمسك وجهي واللي يدخل إصبعه بأثمي يفحص أسناني واللي يفتح عيوني
ودخلوني في غرفه ضيقه

قلت في نفسي وشلون يحطوني بثلاجة الموتى وأنا حي
يمكن أنا ميت وهذي روحي اللي تشوف وش يسوون فيني
شوي وأنا بالغرفه أنوار وأشعه

طلعت من الغرفه الضيقه ودخلوني غرفه عاديه
حولي أجهزه ومعدات

أنا وين ومن أنا ؟
أسأله كانت تدور برأسي
سألت واحد نايم بجنبي
قلت:لوسمحت تعرفني
قال:ماحصل لي الشرف
قلت:وأنا بعد بس أنا وين
قال:بالمستشفى
قلت:سلامات وش فيني
قال:سمعت الدكاتره يقولون تعرضت لضربه في الرأس وصار فيك فقدان للذاكره

تمددت وناظرت بالسقف وأنا أفكر وش أسمي ومن أكون ومنهم أهلي

مادريت إلا الممرضه داخله علي ببوكيه ورد

قلت:وش ذا ومنو جايبه؟

قالت:هازا ورد جيبوه بنت حق إنت

كنت جوعان وكأن لي يومين ماأكلت
أخذت لي ورده وأكلت منها شوي ماأعجبني طعمها

ناظرت بالبوكيه لقيت كرت صغير
أخذته
وقريت اللي فيه
(ألف الحمدلله على سلامتك وتقوم بالسلامه...العنود)

جلست أفكر من هي العنود
لاتكون إمي
حلو إسم إمي شكل عائلتي كشخه

كنت أحس بصداع فظيع
رجعت رأسي على الوساده
وغمضت عيوني أحاول أتذكر شيء ماأذكر

غفيت وماحسيت إلا يد ناعمه تمسك يدي وصوت بنت تدعي لي
فتحت عيوني
وشالت يدها
قلت:أنتي أكيد أمي
إبتسمت إبتسامه بريئه وقالت إعتبرني أمك
ياالله وش كثر حنونه هالأم

قالت:أنا العنود

قلت:مشكوره على الورد بس ماحبيت طعمه أنا جوعاان

طلعت جوالها من شنطتها وكلمت وحده
قالت:بسرعه سوي مكرونه بالبشاميل وشوربة خضار

وإلتفتت علي وقالت:باين اليوم أحسن إن شاءالله

قلت:ليه أنا من متى هنا

قالت:من إسبوع

قلت:أنا وش صار لي ومنو أنتي؟

قالت:أنت ضحية واحد قليل أدب

قلت:قولي كل اللي حصل

قالت:فيه واحد كان يعاكسني وأنت بعد الله أنقذتني

قلت:كملي
قالت:أنت بشهامتك ورجولتك قدرت توقف ذاك الحقير عند حده

<==مادافع عن نفسه بيدافع عنك دوري غيرها بس

كان ذاك التافه يبي يرقمني وأنت عطيته كف وللأسف كانت ردة فعله عنيفه
وضربك
وإغمي عليك وجابوك للمستشفى
قلت:ماجاء أحد يسأل عني
قالت: لا
جاء الدكتور وطلعت العنود وكشف علي وقرر خروجي

طيب يادكتور وين أروح أنا مالي أحد مقطوع من نخله
<==تعرفون اللي فاقد الذاكره مايعرف الشجره من النخله

رد الدكتور إن حالة فقدان الذاكره ماراح تطول أكثر من إسبوع وإن ضروري أراجعهم يوميا وخروجي للعالم الخارجي راح يساعدني في إسترجاع ذاكرتي

دخلت العنود فرحانه
قالت:الحمد لله على سلامتك قال لي الدكتور إنهم كتبوا لك خروج
شافت دمعتي سالت وإسألتني ليه ؟
...............
لاتسألين العين عن دمع عيني
لاتسأليني دمعتي وش سببها
من هو أنا وين السعاده وويني
دمعة حزن ربي لعيني كتبها
.................

العنود أنا وين أروح ماأعرف أحد وش أسوي

قالت: ماعليك أنا كلمت أهلي عن اللي صار ويبون يشكرونك

وإخواني جايين بالطريق

وأنا مضطره اطلع ماأبيهم يعرفون إني زرتك

قلت:العنود أنا مدري كيف أشكرك على وقوفك جنبي

قالت:أنا اللي أحس إني السبب في اللي صار لك ومدري كيف أعتذر لك
قلت:انا ....وش أسوي
قالت:ماعليك إخواني ماراح يقصرون معك
وأنا مضطره أمشي الحين تبي شيء

عاد أنا من الجوع مانسيت الأكلات اللي قالت للشغاله تسويها
قلت:مافيه معكرونه بالبشامير
قعدت تضحك قالت:فيه معكرونه بالبشامير ويالله تطلع بالسلامه

طلعت وأظلمت الغرفه وتعطلت الأجهزه وكأن قلبي إنشلع من مكانه

................
لاتتركيني بين وصلك وفرقاك
الروح ماتحيا على هجر وفراق
اللي خلق حسنك وبالزين سواك
ماحط في قلبك من أشواقي أشواق
................


جلست أجهز نفسي والبس ملابسي العاديه ونزلت ملابس المستشفى

ودخلوا علي شباب إثنين . . . . . . . . يتبع

>>>> انتظروا الجزء بتعلله قاادمه ان شاءالله

مساكم الله بالخير رواد ليل التعاليل ،،
ياولد ياشامخ قم ياوليدي شب النار وبهر الدله شوي ويجوك السمار،
،،
عاشق الورد تعجز الكلمات امام هذا العطا ، واضحك الله سنك ورفع قدرك

تصدق الحكايه توحفه ههههههههههههه
>>>
يالله حي الجميع وابو غضيان له فقده الله يرده سالم ،،

إذا أردت اكتِــشاف [أخــــلاق] شَــخص ..
فانظر إليه حيــن يغضب !

و إذا أردت اكتــشاف [رُقــي] شــخص ..
فانظر إليه كيف يتــعامل مع من أســــاء إليه !

و إذا أردت اكتشاف [عقــل] شخص ..
فانظــر إلــــيه كيــف يُحــاور من يخالفــــه الرأي

في غرفة الولاده كان يرافقها وعندما رأها تتألم
وضع يده داخل اسنانها وقال: اذا شعرتي بألم عضي يدي
وكانت مع كل الم تشعر به تعض ع يده ..
وبعد خروجها من غرفة الولاده همست له لماذا فعلت هذا؟
اجاب :ﻻني احبك وﻻ احب ان تتألمي بمفردك ..ؤضعت يدي ﻻنني ع يقين انه ع قدر الم عضتك سيكون هذا ماتشعري به من الم
ﻻنني احبك فعلت ذلك ♡
::::ماعلينا منهم اكيد ماعندهم سالفه صب القهوه ياشامخ عمتك متعومسه بدري
هههههههههههتت

إبتسم للحياه .. تاتيك البسمه من الف اتجاه ..