** ليل التعاليل **

بداية التعاليل
******
الهجن هجن من العرسـي = تنحـرن جــب ودخيـنـه

عقيدهـن شايبٍ مرسـي = من الكبر خوثرت عينـه

لحقو بنا حكيهم رمسي = نـاوين بنـا النـيـه الشـينه

يا ضربهم بالفشق كبسي = صويبهم لا ترجينه

دم النشامـا تقـل ورسـي = بشعيبٍ لا درج سيله

العلم جابهن الخمسي = والجو لجت مقاطينه

الشاعر/ مضحي بن عبدالله العتيق البجيدي العنزي

كان الشاعر مضحي البجيدي، غازياً من ضمن خواله شمر
،
العرس، وجب ودخينة: أسماء أماكن معروفة في جنوب غرب العراق 0

يا فاطري لا تحنيني = عذبتي القلب ياشينه
كانك تبين الرساليني = مدهالهم جب ودخينه
وكانك على الحي تبكيني = الجيل اللي خابره وينه

يا راكب زينـة الزولـي = مزعوجة من هـل اللبـه
سلّم على راعي الشولـي = إلى متى قلبي يلعّب به
قل له ترى الزرع ماكولـي = جـاه الجـراد وتناكبـه
خـلا بساتينـه محولـي = أ كل عيدانه باثـر حبـه
القيق يطلع على الحولي = ياكـل حصاده ويلعبـه
وتراي أنا صرت مخبولي = وأوداعتـي زاد نهـبـه
مالي على الناس دالولـي = بوق العهـد كايـد طبـه
الشاعر/ مغنام حامد الرماحي

يا ناقتي ذبي الفرجه = خلي خريمس على بابه
العبد عبد ما هو عرجه = مار الملك كيف يرضا به
العبد راسه تقل زرجه = ضراب ضيفه بمشعابه
لابد الأيام منفرجه = والحر يشبع بمخلابه


الشاعر/ حماد الرخيص

قديمك نديمك ... مريت بيت للمحبين مقفول
بهذا السامري نختم تعاليلينا الليله

هذه قصيده للشاعره(سعدى بنت ابن ثعلى) من الروقة من قبيلة عتيبة
قالتها وهي تؤكد مضاعفة حق زوجها عندما طعن بالسن وهو يريد الزواج
القصيده واضحه ومايحتاج نظيف عليها كلام
تقول:

العام تبغي لك من البيض ثنتين =أيضاً وتبغي لك عليهن زياده.
ومثلك الى منه وصل عام سبعين =يروح مخه مثل مخ الجراده.
لا يقضي الحاجه ولا يوفي الدين =حتيش لو عطرت فرش الوساده.
والله ما لوم العود مار الكبرشين =العود جاته خلته من زناده.
ياما ثنا عمره خلاف المقفين =الى نشب خطو الردى في شداده.
واليوم لو نوزيه في محجر العين =امشي على مشهاه واتبع مراده.
ما لحق جزاه اللي مضى قبل عامين =ماني من اللي دايم بالجحاده.
يا جاهلات بحقهم فالكن شين =ميعادكن يوم الحشر والشهاده.
العود لا شيب لزمنا بحقين =ردالجميل وتحمد لله عباده.
لا بد يوم به فراق المحبين =اما غضر عوده دنا له حصاده.

صب لي فنجال قهوه ياوليدي ...
وتعال ابي اسولف عليك هالسالفه

كان عوده بن زله من المصاعب من الصقور مـن عنـزة.. سافر لطلب الرزق وكانت الموصلات قليله وكانت الناس فقر ، هاك الوقــ.~.ـت، وجوع وقحط في ذلك الوقت سافر عوده الصقري من منطقة الخور في ضواحي طريف ....الى القيصومه طلبًًََ للرزق وعندما وصل الى القيصومه في حفر الباطن.... اصيب بمرض مفاجئ اقعده عن الحركه هو ما يعرف احد اجنبي عن الديار ولا يستطيع المسير فوقع في احد الشعاب في ضواحي القيصومه وقد شاءت قدرة الله وعنايته ان يمر بالقرب منه رجل من اهل الخير فمسع انينه واسعفه الى المستوصف وعالجه واخذه معاه الى البيته واستضافه واكرمه وسهر على عانيته طول الـلـ.~.ـيل وقدم له العشاء والقهوه ما قصر معاه ابد ... وبعد ان زالت وعكة عوده واستعاد قواه سئله الرجل: من انت يا فلان قال: انا عوده بن زله الصقري قال: ونعم ورحب فيه ...وسئله عوده. منهو انت يا وجه الخير عملت معاي معروف وجبتني لبيتك واكرمتني وسهرت طول اليل على راحتي وداويتني.... قال: انا راشد الرويحلي من الجعفر من عبدة من شمر ....! فقال: ونعم بك يا الشمري معروفك لايـمـكن انساه واسمحلي اسمعك القصيده يا الشمري
قاله: اسلم
شرقت انا من طريف واهلي بالخور ** الله رماني بالحفر ياظنينـي
الله يسوق العبد والعبد مامور** واللي كـتب لـه يكتبـه بالجبينـي
ازحف على الرجلين عجزت لا اثور** ملك الموت بكل حزه يجيني
الله خلق الموت والدرب ماثـور** واجدودنـا مـن قبلنـا فايتينـي
انشد وانا مرضان ماحولنا اصقور** ترا القرايب عزوتي منتحينـي
مرباعهم مابين عرعر وابا القور** ومقيضهم البريت وها كالقطيني
اظلم على الليل والناس بقصور** وانا غريـبً وطايـح بالبطينـي
ولامن صديقً يزعجن يم دكتور** تكفون يا لاجواد يـا المسلمينـي
اليما لفاني كاسب الطيب منعور** الشمري بالليـل جابـه ونيينـي
يا الجعفري جعلك عن النار ماجور**حلفت انا منساك طول السنيني
يوم اتقلب واشتكي وانت ناطور** نوب على يسراي ونوبن يمينـي
من نجمة المغرب الى طلعت النور** تحضني حضن الابو للجنيني
اكتب بياض مع اهل الهجن منشور** لراشد زبون الحرد علمه يبيني
من لابة لا عزلوا كل صابور** شمر هل الردات حبـس الكمينـي
ياما وقع بنحورهم كل مسطور** وعادتهم للضيـف ذبـح السمينـي


منقوله لعيونكم

ونبقى مع هذه الهجينيه على الربابه
***
وتستمر التعاليل

ومع السامري لنا وقفه