الشاعر/ فالح عقيل الركابي العنزي ✖️ابراهيم عياش القرش العنزي

➖إبراهيم عياش القرش➖

وين فالح نبيه شوي ماهي طلايب
ودنا نسأله وشلون حفظ الأمانه

تالي الوقت ياكثر الفتن والمصايب
واكثر الخلق يا فالح يبيله صيانه

➖فالح عقيل الركابي➖

كل ماقلت يابن طراد شال الصعايب
والامانات تلقاء في رجال التكانه

الله اللي وهبنا كل جزله وهايب
وانت من روس قومًا لك وجودومكانه

➖ابراهيم عياش القرش➖

والله ونعم يبن طراد ما هي غرايب
كل من عاد في رتام عنده حصانه

وقتناً قد تغير ما بقى به حبايب
غير جيبي ليا ضاق الفضاء مع زمانه

➖فالح عقيل الركابي➖

مايحوص الشباب اللي ورث طيب شايب..
كل ضلعن يابن عياش مابه ليانه

من زمان العجايب تو شفت العجايب
خل صدرك مع الدنيا وسيعن بطانه

➖ابراهيم عياش القرش➖

تستوي لك عداوه من قريب القرايب
كل ما زانت الدعوى يجنب لعانه

وتنبعث لك صداقه من بعيد وجنايب
لو تفك اسطوانه ما يفك اسطوانه

➖فالح عقيل الركابي➖

كل ماعشت بالدنيا تمرك كتايب
وتتعظ من مواقيف الرخاء والميانه

المواقيف قد راحت مع اهل الركايب
لو الاجواد باقي في خلفهم رزانه

➖ابراهيم عياش القرش➖

يا كثر من يدق الصدر والوقت طايب
وان عرض لا زمك ما سد لو ربع خانه

والله ان تعبنا يا زمان الزلايب
ليت يرجع زمان اول ولو هو خيانه

➖فالح عقيل الركابي➖

كل راسن يبي يحطون فوقه نصايب
ماكسب علم غانم من يحب المهانه

في زمنا كثيراللي سوات الجلايب
بس تكثر علومه لاتقهوى استكانه

➖ابراهيم عياش القرش➖

الولد بالمدينه مثل شقر الذوايب
خصر البس وينعم خدوده دهانه

يا كثر ما نشوف من البلا والسبايب
راهن الغرب مبطي ما كسبنا رهانه

➖فالح عقيل الركابي➖

هذي العولمه ياهل الصدور الرحايب
الشنب صار يلوي باالسوالف لسانه

حربونا اليهود بطعم سم الحرايب
وهزموا مجتمعنا باالذكاء والذهانه

➖ابراهيم عياش القرش➖

يا زمان الحضاره يا زمان الهبايب
ما بقى من عربنا غير يادان دانه

اتعبتنا الجروح ولا لقينا طبايب
والأمر للا اله اللي عزيزن بشانه

➖➖➖➖➖➖➖➖➖

صحت السنتكم جميعاا

محااوره راائعه بروووعة ابدااع شعاارهاا

عواااافي

عافاك الله على الموضوع والطرح الموفق
تسلم يمناك

صح لسانك اخوي ابراهيم وصح لسان شاعرنا فالح

محاوره اكثر من رائعه

سلمت اناملك على الطرح الجميل
كل الشكر والتقدير

صح لسان الشعراء

وتسلم اخ ابراهيم القرش على النقل الجميل

لك شكري

الله يعطيك العافيه وتسلم يميك
بيض الله وجهك على الطرح الجميل

يعطيك العافية على طرحك الجميل

وًٍدًٍيًٍ......لًًًٍٍٍكًًًٍ......