✿ بين الصمت والبوح ✿ اهداء

البال ضاق وخاطري فيه تشويش
حالة ملل .... ياشينها طفشتني

يالله يامنشئ المزون المراهيش
احفظ قلوبا طيبه ..... واحتوتني

عاشق الورد

~~~~~~~
جابتـنـي الـقـدره عـلـى غـيــر مـيـعـاد
والله هداني والبخت جـاب لـي عيـد

أخـذ أوراقـي والبـشـر مالـهـا أعــداد
واللـي وصــل بـالـدور يـاخـذ مواعـيـد

قـال إسـتـرح يـاعـم وأبـشـر بـالإمـداد
فـي حاجتـك ماأصـد عنهـا ولا أحـيـد

بضـيـافـتـي مـحـشــوم دلــــه وبـــــراد
حــنــا خـــــدم لـكـبـارنــا دون تـحــديــد

والله ماعرفـه جـيـت صـدفـه ونـشـاد
والله جعـلـهـا عـلــى كــيــف مــاريــد

يستاهل البيضا على روس الأشهاد
طيبٍ على وضح النقى ماهو تقليـد

ماهو جديد اليوم من عهـد الأجـداد
شمـر علـى النخـوات عطـشـا مـواريـد

يـوم الغـلا مـن طيبهـا ترخـص الــزاد
أهــل اللحـيـسـه مابـقـولـي منـاقـيـد

ويـوم اللقـاء بالكـون تكيـد الأضـداد
تشهدلـهـم صــم الـرمـك والـبـواريـد

يـابـن خـلـف ياعـيـد يانـسـل الأجـــواد
قبلـي مديـح وعـادتـك تـجـدع الصـيـد

حــرٍ عـلـى الـجـزلات سـاطــي وجـــلاد
الله يـجـيـرك شــــر كــــل الـحـواسـيـد