ديوان الشاعر/عويد كسار (بحر القصيد)

(سرب الجراد) تدري حلاة الشعر لاصرت مغمور=لاصرت تكتب بيت محدن درى عنك خل الجوارح بالعنا صف جمهور=منتا على القيفان من وسعها ظنك ولاانتا على القيفان مرغم ومجبور=للذائقه والناس واللي يبي منك الجرح جرحك والمشاعر لها دور=ولاحكحكة ياكود خافي لمعدنك سرب الجراد اللي طلع وجهة النور=في ساحة المليون شاعر ولااظمنك انك تجي وتصير شاعر ومشهور=تاقف مع الشعار في زحمة البنك ياادعج غنج بالله ياشاعر الحور=وشلون أجبّر ضلع صدرك وانا ادفنك مابين صدر وعجز بيتٍ به كسور=اثـقـل من جناح البعوضه فلا أوزنك ياشاعر الأسبان يالملهم الثور=يالله عسى ماتشوف جرحي ولااحزنك لوماتجي بحضور ماجيتها حضور=مادام خشمك منك يبقى لو أعفنك مر الجراد بطور ثم روح بطور=وفي ذمة الفانوس ماينطفي عنك بحر القصيد

ياشاعره...!! قلت أكتبيني يالغلا قالت أكتبك قلت اتركي حبر القلم وأكـتبيني حبر القلم ياشاعره مايحاسبك من دم قلبك حاولي تـنـزفيني اني على عهد الوفاء شاعر أعجبك ماني على وجه الورق تحرقيني ماابغاك تتبع خطوتي لين أعذبك ماارضى عليك بدمعتك تعشقيني قلت اكذب بيوت الشعر قالت أعذبك قـلـت أصـدق بيـوت الغـلا عذبيني واسأل ضميرك داخلك وش يجاوبك فـرقى غـلا والا الغـلا تتركـيني والياانسفك دمي معك من يطالبك اروح ثـار بدمعـتـك واقـتـليني قلت اكتبيني يالغلا قالت أكـتبك قلت الحـزن ياشاعره وأكـتبيني بحر القصيد

رد على ابيات الشاعر القدير (شاعر العز)


الشاعر/ راضي حبيني السلمي







يسعد الله مساك ولاابتدا يومٍ جديد
يسعد الله صباح مقلدين الاوسمه












عز منهو بالمشاعر ينظم العقد الفريد
شاعرٍ بالعز يكتب كل حرفٍ يرسمه













شامخٍ بنصاب سيفه يقسم اتراس الحديد
شاعرن بلسان ربعه كل موقف يحسمه












راضي ٍياعِزْ منهو طوّع الوقت العنيد
اسلمي والطيب مبطي ورثكم لو نقسمه












من يقول الطيب مات وباقيٍ منكم وحيد
كل قطره من خفوقه ماعليها طلسمه









الولد من ورث ابوه وطيب جده للحفيد
طب روحك يالشمالي من هواها بلسمه

طيبكم برق السحابه خايلوها من بعيد

وامطرت فوق المساجد حظ ناسٍ مسلمه








بحر القصيد

ماجيت ابشكي يابحر وانت مثلي
بهموم خلق الله تزاحم بك الناس

ولحدن على شاطيك يوم التفت لي
جالس يشوف الموج يكتبني احساس

اكتب على رمل البحر واعترفلي
عن لؤلؤ المحار او عقد الألماس

أتعبت شعري والبحر ماوصفلي
وكتبت ~أحبك~ والغلا ماله قياس

بحر القصيد~

من ورث ابوي وعمي والطيب عرق بدمي
ولازلو اللي قالو طيب الولد من خاله


الشاعر/ عويد كسار المضياني

بحر القصيد



ونعم والله ياولد عمتي انت فخر لعمامك ولخوالك الشملان وفخر لعنزه يابحر عنزه





انا كنت ارتاد لديوانك ولاكن كان مقفل لم استطع كتابة رد


وعرفت انه لم يكن مقفل لكبرة نفس ولكن لغايه ما في نفس يعقوب

اهدي لكم طوفـان مـوج احترامـي
بحضوركم تشريف وردودكـم نـور




واقـدر الـزوار والـلـي عنـالـي
رده هنا بالقلب ماهو علـى سطـور

صح لسانك يابحر القصيد وعذرناك الان



يابحر الابداع والذوق والاخلاق والاحترام


كسبت احترام الجميع بتواضعك

من اعضاء وزوار


انا احد عشاق حرفك لاتحرمنا من جديدك يابحر


اخوك الصغير/ سعد الشملاني

ياهلابك ياخالي وماعليك زود يابونواف


لاعدمتك والله لي الشرف وحياك الله بأي وقت ياخالي



أنقى تحيّه

قطرة مطر طاحت على خد الأزهار..!! قطرة مطر طاحت على خد الأزهار متشربه صبح الندى صافحتكم يسعد صباحك يابحر خل الأشعار ترضي من أمواج البحر ذائقتكم لـ أعضاء وأشراف واخوان زوار ومن الأداره والنقى لـ أفئدتكـم نجم(ن) من الأبداع غنـّا لـلأقمار البصمه اللي ميـّزت وأجمعتكـم اليا أشرقت شمس الضحى بعد ألأمطار واليا أنحنى قوس المطر واحتوتكـم فجرن تشعشع ضو من خلف الأقدار وسبعة سيوف من المطر واكتبتكـم أرهف من احساس الندى فوق الأزهار أروع قصيده بـاالغلا صـافحتكـم بحر القصيد

هذي ثلاث ايام راحت يازايد والشعر لامن غبت يفقد عضيده وانا فقدتك ياوسيع البنايد وصفحاتنا واقلامنا والقصيده ياذيب ياللي فوق رجم القصايد في ذمتي ماجبت فكره جديده . . . الى اخوي الغالي الشاعر زايد الدغماني ... لوكنت تدري وش معاني حضورك قبل اعتذارك يطلبونك بنيخيك يانجمنا اللي فوق الامجاد نورك تبغا السماح وعذرنا مانخليك لو المشاغل واقفه عن ظهورك طلبت بنيخي يابوفارس وناصيك انا اللذي من شان رايك وشورك لك طلبة(ن) ماردها واجحد ايديك محدن عطا مثلك ولا شاف دورك انت اول صروح الوفاء في مباديك ناظر مكانك موحشٍ في سطورك لاشك نقرا فزعتك تنتخي فيك ناقف على ديوان شعرك نزورك يامكسب(ن) بعيون حرفك وقاريك ننطر مكانك يمتلي في حضورك محدن يسد بغيبتك عن بنيخيك بحر القصيد

(لا تحط قلبك عند شخصٍ يبيعك) بآخر قصيده قلتها قبل اوادعك=لاتحط قلبك عند شخصٍ يبيعك شفتك مثل زمزم وقلبي منابعك=لا طافو الحجاج ربك شفيعك دعيت من رب الملا لايضيّعك=ومن الفرح يهناك زهرة ربيعك اسأل شفاتي لو نستني اصابعك=حبت دفاك ولا درت عن صقيعك لو هي قرادة حظ يمكن اتدلعك=والا الزمن والوقت عيّا يطيعك طبعّك وقتك والزمن لويطاوعك=خلاك عقدن كاملٍ من جميعك من جوهرك مخلوق محدن يلمعك=غيرك وتقدر تجتمع من قطيعك لولا غلاتي مابكني مدامعك=ومواقف الدمعات تذكر صنيعك صنايع المعروف تبقى واسمعك=لا طافو الحجاج والله شفيعك شفني مثل زمزم وهذي منابعك=لاتحط قلبك عند شخصٍ يبيعك