ديوان الشاعر/عويد كسار (بحر القصيد)

زحمة مشاعر في غيابك من الروح
أكتب ولاكن كيف اترجم باالاجراح




ماكنت احسب الحرف يغني عن البوح
حتى لقيت الحب تعبير الأرواح








بحر القصيد~

( فزعة عنوز) تكفى بلشت وقلت تكفى ياابو روز=وتكفى ياابن عبار وارجع لعناز وانت ادع لي ياشيخنا علك تفوز=في خطبة الشيخ العمى دون عكاز لاشبعت قرود الشجر طشت الموز=مفتي شعر ياهيه بارع باالألغاز لميتها في لحيتك كومة الجوز=وحرمتها في لحية الشيخ برواز يامحرم(ن) شعر الغزل والغزل لوز=حفظني القرآن تكفى ياابن باز في ذمة اقواس السهر ماانت ملهوز=ياشيخنا والوضع صامت وهزاز مايطلع جنون الدجل مصطة الهوز=ياعلها بعض اللحى ولعت قاز شعر..؟.. واهل ...؟.. عدة رموز=شفط الخوي من بينهم عود مزاز صخرت لك قيفان عن فزعة عنوز=مترفع(ن) عن لمت لحوج وحجاز دام الكدش عند الأصايل بلا فوز=يبقى الصخر نحت القوافي لعناز

ايه اقهريهم لعن ابو جد الانذال
مع الردي مليون وحده رديه








كم واحدن يذبح ويصلخ الياقال
ماورده للطيب حوض المنيه







وكم واحدن يحرم على راسه عقال
ماقول كل الناس مثله وزيه









حبٍ على غير الشرف يعدم الحال
لامات راعي الحب يلعن خويه











بعض البشر ودك تحده على الجال
ياالمزنه الي خلتها عقربيه






ان جيت لك من عم والا من الخال
غيمة زلال من المطر وايليه








بنت الحمايل باالمواقف عن رجال
تسد غيبت خيّها واجوديّه








بحر القصيد~

(يامملكة عشقي ) انتي شموخك ورث عمك وخالك=لو أستعارو شامخين الأسامي يابنت عم اللؤلؤه كيف حالك=آسف غلط تصوير فكرة كلامي كم لؤلؤن تشريه عادي بمالك=رزّه مثل تقليد شاعر وسامي يابنت عمي والردى ماينالك=ياانقى من غيوم المطر لك سلامي اعشق كلامك طيبتك وانفعالك=لامايهم لوكان تزعل عمامي اهم حاجه بس مااقطع وصالك=لو عشت اجدف في بقايا حطامي غير البشر مخلوق طينك لحالك=يامملكة عشقي ودولة غرامي سمو ذاتك كبريائك دلالك=لجيوش حبك قلعتي وانهزامي تدري وش اللي ميزك في جمالك=جمال روحك في محيط اهتمامي يالكوكب الدري بأعلا مجالك=لو كثرة نجوم السماء في ظلامي انتي شموخك ورث عمك وخالك=لو أستعارو شامخين الأسامي

	ياونيس الليل قل لي ليه عن عيني تغيب=توني بالعين شفتك دون خبرآ البردويل منزلك بالطبق وادري ماانحدر وسط الشعيب=وانت اقرب من خيالي يوم اطالع لك واخيل ولو عرفت اللي تشوفه كان كسّرت الصليب=قبل اشيّعك بجنازة كافرن ولاّ قتيل لين تنطق بالشهاده ياسفيه الجن طيب=مؤمن(ن) بالله وحده لاحشا ماله مثيل من قبل شمسك تغيب وتشرق الشمس بمغيب=عقبها مافيه توبه لو عملت المستحيل الحلا سكر بدمي ماارتفع ياكود طيب=سلسبيل الشعر فيني ذاك اعذب سلسبيل ياونيس الليل مثلي مااعتقد راسه يشيب=من جنوني قمت اصدق فاقد العقل وهبيل عند نفسه يوم غنـّا مثل صوت العندليب=وعند نفسه كل خطوه تبتدي بألفين ميل ياعسى ذيك السحابه ماسقت دار الحبيب=موحشه والليل مبطي مازبن فيه الدخيل والأكيد اني معاه ومحتمل شيٍ رهيب=والأكيد انه ركس بي وسط فرعٍ بالمسيل والاكيد انه يصوب للرجوم ولا يصيب=والأكيد انه تناثر جمرنا وسط الشليل والأكيد اني معاهم واقف(ن) كني غريب=والأكيد انه تناثر جمرنا وسط الشليل ياونيس الليل شفته صاحبي وشلون ذيب=صاحبي يوم اتضح لي مثل خبرآ البردويل

القصيده تحكي عن قصه حدثت لي في المقناص وللتوضيح

البردويل / ارض منبسطه( مجمع للماء) فيها مجموعه من الخباري بالشمال

الطبق / منطقه وعرة التضاريس ايضاً بشمال المملكه

بحر القصيد~

والله اني في غيابك مادلهت ولا سليت
شلت قلبي في يميني باالمحبه قلت هاك















من يشيل الحب قلبه ينقله للقبر ميت
افتش قلوب الخلايق كم طلع واحد معاك



















لوعطيت الناس قلبك تدري انك ماوفيت
مالقيت انسان واحد بالعطا يذكر وفاك


















أمسح دموعك واسيّل دمعتي كانك بكيت
من دفى برد المشاعر لو تلحفني غلاك

















الخطا يمكن وضوحي او غموضك ماهقيت
تدفن اسرار المحبه والخطا ماهو خطاك
















اسألك بالله كانك في طريقك بس لقيت
واحدن يشبه حبيبك شال قلبه للهلاك








بحر القصيد~

(بآخر مطاف الحب) في ذمتي يا اول غـلا وتعرفنـي=اني على عهد الوفا من عرفتـك بآخر مطاف الحب شفتك وشفنـي=شفتك مثل عيني بيـدّي طرفتـك ترقى بي نجوم السماء وتحذفنـي=ياللأسف وشلـون تـوّ اكتشفتـك والعز انا بحجاج عينـي وجفنـي=لو شدني لون الزهـر ماقطفتـك والموج انا والبحر انا فيه سفنـي=مهما وصفت من الغلا ما وصفتك وانا الجبل والريح مهما تعصفنـي=والجرح انا والدمع انا لاذرفتـك وانا العسل من طيب قلب ارتشفني=وكان الوفا ذنبي صحيح اقترفتك واليوم بان الغدر عفتـك وعفنـي=والا اعتبرني أي واحد صدفتـك وان شفتني مأبغاك حتى تعرفنـي=بآخر مطاف الحب جرح ونزفتك

ياشينها لاصرت حاكم ملايين
وتجمهرو قدام قصرك ودارك







بقلوبهم لو كنت غالي لك سنين
اليوم شفهم ولعو في اطارك






ماعاد لك في قاع تونس ولا شين
احجز على اول طايره بأنتضارك






يازين حظك لازبنت السلاطين
يضحك معك في رحلتك من مطارك






يازين حظك ماهقيته طلع شين
الشين والله حظ حسني مبارك





بحر القصيد~

لاتقول دموع عينك مابكت يوم طاحت من عيوني مادريت زلزلتني عن مكاني وأربكت كل حيٍ من جروحي كان ميت لو يبوح الهم فيني ماشكت غير لـ الله ساجدٍ يومٍ دعيت ضج حزن الكون فيني ماسكت لو نطقت بحرف شاعر ماحكيت غير روحي بالمنيه لا اوشكت بعتها من دون روحك وانتهيت عشت حي بنبض روحي واهلكت ميتٍ من دون روحك ماحييت جمرةٍ غصيت فيها واسلكت تكتم الأنفاس كبره واستحيت بعزتي ودموع عيني مابكت من رحل كسار غيرك مابكيت . . 0 0

وسعي صدر القصايد لاتضيق وتنفعل
الزعل مرفوع يالله فهمينا بالعدال

لو جهات الكون تزعل والهبايب تنخذل
ماتنفس ياحياتي بالمطر صبح الشمال

بحر القصيد~