ديوان الشاعر/عويد كسار (بحر القصيد)

جميل يا بحر القصيد حضور للاحتفاء

شمس القصيد وصبح غيم بالأنفاس=شاعر وضوح ومنهجه له طريقـه
اللي ملا روح المشاعر بالأحسـاس=بحر مـن القيفـان قاعـه عميقـه
ما هو بها مصنوع شاعر بكـراس=لو ضاعت الشعار تسلـك طريقـه
نجم القصيد اللي ضوي ليل الأدماس=مثل العسل والحرف زهرة رحيقـه

الشاعر القدير/ فرج الدهمشي




صح لسانك سعدت وتشرفت بمرورك مشكور اخوي لاهنت




انقى تحيه

كانك نويت تروح عني وتتركني=هنا هنا في صفحة الحب ابـطلبك
اشرب نخب كاس المشاعر وشاركني=في صحت الحب الوفي جيت ابكتبك
كاني شربت الخمر ماهو بمشركني=حلال طعم التوت بشفاهك اشربك
حزة صلاة الفجر محد(ن) مشككني=كم ليلةٍ سهران عيني تراقبك
انت الوحيد اللي من الناس يملكني=من مشرق الدنيا عشقتك لمغربك
كم مرةٍ بأحساس روعه تحركني=وكم مره بمجداف تبحر قواربك
ماشفت فن الغوص حرفه وتربكني=نظمت لك سلسال عقدن يناسبك
هدرت دم الشعر لحظه وتدركني=جزء الثواني لو توقف عقاربك
من زاوية ديوان شعري الى ركني=اظغط على رابط حياتي واقرّبك
كانك نويت تروح عني وتتركني=ماقول غير الله ربي يحاسبك
كانك تشوف الحب موتي ومهلكني=وانا تبعتك لين قبري وابكتبك

بحر القصيد~

البحر ماجف موجه لاكن حبيت اجيب لكم شي ماسمعتوه

عمري وقتها يمكن 15سنه من بدايات بحر القصيد

( بك مكتفي ذكرى عيوني بالالوان )

الكل يا يمّه بهالعيد فرحان=وعيدي طلبته بس شوفك وعيّا
ابكي وانا من حالة الامس شقيان=ابكي وقلبي ينكوي دوم كيّا
والله ادري داخلك قلب ولهان= يامنوة اللي للمقادير حيّا
لاشك حكم اللي امرني بالاحسان=بأصل الحنان انتي وزين المحيّا
هل تذكريني كنت في كل الاحيان=اشتاق لك وانتي قبالي شويّا
يقصربي التعبير لو جبت ديوان=ولو سالت بحور القوافي بفيّا
محد(ن) طرى بالعيد لي غيرك انسان=ولا شاقني منهو بزينه يضيّا
انتي بحور الحب ياام الاشجان=انتي عروق الروح مني بليّا
بك مكتفي ذكرى عيوني بالالوان=في لوحتك تعبير يبكي عليّا
العيد يا يمّه نسيته على شان=ابغا يجيب افراح عمري وعيّا

بحر القصيد~

مومياء الأحساس ....!! ياخالق الحيين يامحيي الميت الموت واحد لكن العمر مرّه كاني مع الحيين والا توفيت ادعي له الله باالفرح والمسرّه اعطي بروحي بس والله فلا اعطيت في غاليٍ ما شاف مني مضرّه أشره على روحي لوأني تخليت ولولا الغلا مآعاتبه وآتشرّه ماشلت روحي فوق كفي وحسيت نبضي وقف والدمع ينزل بحرّه ماطارت النحله تبي للعسل بيت تشرَه تبي تنزل على جحر ذرّه كانك تعبت من المحبه ومليت ماطاح أخف من السماء للمجرّه وكانك على جرح المشاعر تسليت في مومياء قبر الأحاسيس جرّه لو هي غناتي مانبشتك ولا أحييت ابغا ورى قبرك من المال صرّه ولو شرهة الحيين يدري بها الميت الموت مايآتي على حين غرّه . . . بحر القصيد~

رحلة الكوكب .....!!

لو فيه قطرة وسط دمي تخونك= ماجابها شريان قلبي وانا آخوك
ولو يبخنوني مثل ما يبخنونك=اوسع من الصدر الشمالي على ظنوك
لو هم على الصفحات ما يفقدونك= الا المنافق والمجامل الياجوك
في صفحة الترحيب دونك ودونك=اكتب حضوري واكتب بغيبتك دوك
حبر القلم لو حس مايكتبونك=نصف العرب والنصف الآخر تناسوك
عسى القريب ان راح فدوة عيونك=قبل اللذي قدام عينك يعادوك
لو رحلة الكوكب على اطراف كونك=متهاويه من صدع قلبي على البوك
ماعاد سطح الارض يكفي جنونك=اترك لهم قسمك وورثك من آبوك
واطلع من اسباب السماء لايجونك=فوق القمر والناس مبطي تعدوك
خلك مثل نفسك وشكلك ولونك=بأرض الشمال وعز منهم يربوك
مافيه قطرة وسط دمي تخونك= ولا لحقني ظن فيها ولا شكوك
ولو يبخنوني مثل مايبخنونك= محدن قطع عرق القرابه وأنا اخوك

بحر القصيد~

يالورقه اللي حزنها مالي السوح
مامرك الصقّار راعي السفاري







كانه مسح رقمي وانا آقول مسموح
امره تحت تنفيذ حكم(ن) وزاري






((من رحمة الله ماقطع بالسماء روح))
((رزاق فــرخ الحـمـّره بالـخـباري))





فالك ياوجه الخير لاقيل مـطروح
عين العديم وسطـوته بالـحـباري





بحر القصيد~

حظي وحلمي لو فقدته غريبه
ماهي غريبه لو فقدته ولا شي






كثير راح ولا اعتبرته مصيبه
بس المصيبه لو فقدتك وانا حي






بحر القصيد~