ّ...كـــشــــكـولــ مـشـاعـرى للـعــشــاق وبس...

بين المحال وبين تحقيق الامال
مثل الذي بالظبط بيني وبينك

بين الشقا والجرح والدمع والحال
عشره متينه وثقتها سنينك

عزفت في روحي من الوجد موال
روح تلاعبها بالانامل يدينك
---

قالوا هلي وشفيك ماترقدالليل

ترى السهر ماله عواقب حميده

كانك مريض روح واعمل تحاليل

يشرح لك الدكتور وصفه مفيده

قلت انشدوا راعي الرموش المضاليل

اليوم صار الحل والربط بيده

قالوا تحبه قلت بالحيل بالحيل...!

ما غيره ملك على قلبي وسيده

ودّك تشوف شلون تنظر لك الناس
شف نظرتك للناس وتعرف وشلون
على حسب مقياس نظرتك تنقاس
ان شفتهم من دون شافوك من دون

ليه الحقيقة تعتبر كذب ونفاق...
ليه الصراحة بالمحبة جريمة...
ليه الوفا معدوم من كل الأعماق...
ليه إنتصاري في غرامك هزيمه...
ليه الجفى يا محرق القلب احراق ......
ليه المشاعر ما لها أي قيمه ...

هاج الخفوق وداعب الفكر نسناس ....
والقلب شوقه للغوالي يجره

يبقى غلاك معلق بين الانفاس ....
غلاك يبقى في خفوقي مقره .

ولاصارفي دنياك ضيقه وهوجاس ....
أنا معك في خير وقتك وشره

اقول لك في طلة العيد مبروك
ومبروك اقدمها لحضرة سموك

اهديك كرت التهنئه قبل يهدوك
وشاركك بالعيد واعيش جوك

يا فرحتي بالعيد والعيد مبروك
فرحتك تفرحنا وتقهر عدوك

دربي طويل وتايه فيه ممشاي
مثل الغريب اللي مضيع دليلـہ

يحدني وقتي على ضـيم دنياي
ورضيت بالمقسوم حتـى قليلـہ

ياطول صبري اه يا كبر بلواي
أخفي عن العدوان وهمي اشيله

من بادي الجرح لين اخر محطاته
لوتكشف القلب تلقى للجرح مجرى

هذا كتاب الهوى خلصت صفحاته
واهديته لشخص لايكتب ولا يقرى

يا سيّد الذكريات .. الجرح ما يبرى
كم عام مرّ وعيوني تبكي .. إن طرّت

تركتني : لـ الحنين ، وقسوة : الذكرى
هو فيه أقسى من الذكرى إذا مرّت ؟

أكبر قهر : لا مر عمرك وفاتك
/ في حب شخصٍ مايعرف المحبه ..

وأصعب شعور : تمر فيه بـ حياتك
/ لا طاح من عينك قدر من تحبه ..