ّ...كـــشــــكـولــ مـشـاعـرى للـعــشــاق وبس...

يازين لو تسمح تجيني على الخاص
باخذك في رحلة غرامي وامشيك

في وسط قلب ما عشق عدة اشخاص
ما يعشق الا شوف زولك وطاريك

اشتقت لك وانا على البعد مجبور..
ودي اغمض وافتح العين والقاك..

ارسلت لك شوقي عصافير وطيور..
وش حيلة اللي يرتجي لمس يمناك..

أضحك مع ربعي ولاني بمسرور..
سارح بفكري واشتكي ضيم فرقاك

ان ذبحتك بالغلا ذبحك حلال
وان تركتك كل نفس وهمها

سقت لك كل الجوارح بالعدال
وأنت ابوها عقب ما جتك سمها

وصورتك لا جابها وحي الخيال
عيني اخطتها وقلبي خمها

هي عزة النفس عندي أول وتالي
والنفس يا صاحبي بالك تحقرها

هذي نصيحه وهذا هرجي التالي
كانك تبي القدر عند الناس قدرها

مدري وش اخلي من الزين وأقول
باللي ذبحتني واشعلت بي وهجها

كل الحلا جاها من العرض والطول
قمة دلعها تكتمل في غنجها

وين أنتي يا نجمة السهره
يا نجم نوره سهر عيني

لك في عيون الغلا نظره
نورك عن الناس يغنيني

من أمس قلبي خفقته ما هي بخير
من يوم غابت عن سمايا بروقك

يومين وهمومي بقلبي طوابير
وأنت الوله عيا يبلل عروقك

كانه بخل حول علي الفواتير
وكانه ثقل .. يلين الله خفوقك

ياللي جرحت القلب ليه المعاذير
جرحتني لا تترك الجرح تذكار

وشلون ابصبر كان شفتك مع الغير
وأنا الذي عليك من نفسي اغار

ان كان قصدك تجرح الروح وتروح
عندي كفايه ما بقى من جروحي

وأن كان غرك قولت الناس مملوح
هذي العباره ما تناسب طموحي .

حبك من الله يا نور العين صدقني
الله هو اللي وضع حبك بوجداني

ما غيرك أحد يا روح الروح يسعدني
ما غيرك أحد ينسيني عن أحزاني

وكل ما تذكرت يوم انك توادعني
يهل دمعي و اشوف الموت باعياني