✿ بين الصمت والبوح ✿ اهداء

الزّاد لولا الملح شيناً مذااقــه
والشاااي لولاا سكّره مـرّمايذااق

والحب ريف القلب لولا فراااقــه
مرّا كما العلقم على الكبد مايطاق

بين المشقـاء والشقـااوه علاااقـــه
لوهو سليم من الهوى تقل منعاق

بقلمي

البال ضاق وعلته فرقاء الاحباب = تخنقني العبرات والصدر مكتوم
سافرعديل الروح والوضع ماطاب = ياشين مرّ البعد لوهو ربع يوم
جرح الغلا ياناس مالقي له اطباب = شيٌ يهد الحيل والجسم مسموم
ارواحنا باقران واجسادنا اغراب = والشوق يحكمنا على خط مرسوم
اللي غداء له حااجة عند الاجناب = كلا يقول بحاجتك مااني ملزووم
مير الفرج مازال في رب الارباب = ماحد يرد الرزق ياصار مقسوم
لاراد رب الكون يجعل له اسبااب = في قدرته ينقااد والامر محتووم

بقلمي

ارقبت في عالي المشـرااف = ابى اتفضى عن الضيقـه
غنيت براسه جديد القــااف = من شي بالصـدر مااطيقه
اهمووم قلبي تجـيـه اجـزااف = منهـاا خطيره معااليقـه
الوقت قـاسي مافـيـه انصـاااف = جوود عليّه مغـااليقـه
ياحــظ ياللي علــى ميهــــااف = الحلـم معدووم تحقيقه
الودّ من بعدكـــم ينعـــااف = ياصــاااار تاليــه تفـريقــه
ماطول اشوفك مافيه خلاف= اسلى عن الهمّ والضّيقه
ون رحت يالغاالي الميلااف = بامـاانة الله وتووفـيـقــه

بقلمي

متى تغيب الشمس ويحل الادماس
ملهوف في لقياك بالحيل ملهووف

مالي هوى ياشوق في باقي الناس
لو كنت وسط النااس تراي ماشوف

عارف تحراني وانا كلي احساس
لاتنكر الموضوع والامـر مكشوف

"عاشق الورد"

مثل الطفل لاغبت عني تكدرت
دمعي على خدي وعيني سهيره

لو اجتمع كل البشر فيه مابصرت
انت الذي بالنااس مااحب غيـره

اعلنت حبك يووم قررت واخترت
تبقى عديل الروح طول المسيره

" بقلمي"

بالحـيااه دروس منهـاا نستفـيـد
والظنون اوهاام واحلاماً سراب

مااصدق من قاال بالدنيا سعيد
من يحب يذوق لوعاات العذاب

لو اقول الصدق القـى عنيـد
ماطواه الشوق مع تلع الرقاب

واهني انساان بالعـاالــم بليد
لو سألته قال ماعرف الجواب

عااشق

لو قلت مافي خاطري صارت علوم
يااكثرهاا لو قلتهاا تووجع الرااس

بين الضلووع اشواق وعتاب وهموم
يشعر بها من كان له عقل واحساس

اشره على بعض العرب والحقه لوم
لولااه غـاالي قلت له باالف قبااس

لوهو غشيم وناقصه عرف وسلووم
والا غرير من البشر كاان لاابااس

لكن فهيم الى سبح يدرك العووم
مهارته تمتااز عن بااقي النااس

يااحيف ماظنيـت يااسيد القووم
مثلك فطين ويازن الهرج بقيااس

انك تجـااهلني لو أنت منجووم
عندي كرامه كان ماعندك احساس

بقلمي


*********

اللي شرانـي بالموده شريته
مابوق لاحبيت طبعي ومبداي

من دام حبه فـي حيـاتي فديته
ومن دارلي ظهره عطيته مقفاي

واللي نساني مع زمانه نسيته
اعيش من دونه ويسلى بلياي

"عاشق"

جف القلم وبخاطري شي يرضيك
خذ السعاده والزعل من نصيبي

انا العليل ومهنة الطب بيديك
واناجريح الحب والحب عيبي

محذور من شوفك وماقدر اجيك
لو كنت وسط الناس كني غريبي

عااشق

يارب تلطف بالضعاف المساكين
تحت القهر والحال حاله ذليله

رحماك يالمعبود عدل الموازين
من غير لطفك همنا من يزيله

منك الفرج يارب عاجل وهالحين
اللـي ظلمـناا مـاالنا فيـه حيلـه

{ ابتهال امةٌ مظلومه }

لو الظروف القااسيه لي تطيعي
ماكان يكويني على القلب كااوي

لحظة وجودك يالغلا هي ربيعي
مير القدر خلااك عني نحااوي

اجـاااذب الونااات قلبـي وجيعـي
شوفك يرد الروح وانت المداوي

بقلمي