هلوساات حسيّه

فيك فن و فيك بوح و فيك ذوق
و فيك كل اللي من الدنيا بغيت
كل ما فيني عليك يموت شوق
و المشاعر و الخفوق اللي خذيت

ماهو ضروري كل حاقد اعاديه
ولا هو ضروري كل طيب رفيقي
علم الردي والطيب يبقى لراعيه
وانا على دربي وعارف طريقي

تبسم بوجه الغير محدٍ عرف خافيك
ترى الرد يرجع لك على الفور تلقائي
تراضي خواطر بالتبسم وهي ترضيك
تجنب تكون بشينّة النفس غوغائي

ممكن؟ بعد إذنك؟؟ أخليك وأنام؟؟
ودي أذوق النوم وأرتاح مثلك..
أستأذنك يالله بخليك مادام
مادام رجلك بالوصل عاندتلك..

إعترض لي بالخطا زين الوصوف
معجب ٍ فيني وأنا فيني عجب
ينظر لعيني وأنا لعينه أشوف
وكل مافيني بدا يلعب طرب

همى طوانى واكثر الناس لاهين
محدن درى عنى ولاحدن نشدنى
خاويت همى والكدر حين من حين
ودموع عينى ينزفن محدن رحمنى

ياللي ملكت القلب لحظه بوصيك
لاتجرحه ويبين صوت الونيني
لو العمر بيدي من العمر لأعطيك
عمري وروحي والغلا ياضنيني

ببوح لك بالشوق والشوق ممنوع
واهتف باسمك بين نفسي وبيني ،
رغم الوصل ما بيننا شبه مقطوع
عندي امل القاك وتحس فيني..

مدري وش اللي .. بالمقادير .. لافي
لكن طلبتك .. شي .. مابي .. بديله
ان طالت الغيبه .. وانا صرت جافي !
خلني .. بدنياك .. ( ذكرى جميله )

نفسي تبيك وقالت أيامنا لا
حالتت ظروف الوقت بينك وبيني
في ذمتي إنك على قلبي أغلا
من واحد من قبل أحبك يبيني