اكتب بيت شعـــر يعبر عن حالتــك النفسيـــه

يالله عسى الوقت يمضي على خير
وكل الامور الي على البال تفرج
وتشرق لنا شمس الامل بالتباشير
ونلقى لنا من ضيقة الصدر مخرج
.

يارب ثبــــتنا على دين الاسلام
يوم البشر هالوقت زلت خطاها
ثم اكفنا شر الليـالي والايـــام
واكتب لنا خير الحـياة ورخاها
..

يالله وسـع خاطـر العبد لا ضاق
ما غيرك إللـي عالـم ما خفينا
يا رب أجرنا على حسن الأخلاق
وعند الخطا يا رب تستر علينا
...

خلك كبير ... وخل عنك الملامات
لاتشغلك ناسٍ .. تعيش بجهلها !
عين الصغير تشيل هم الصغيرات
وعين الكبير .. تشيل دنيا بأهلها !

أهم شي في طبع الإنسان الأخلاق
وكلٍ على ما قيل يلزم حدوده
ترى البشر مثل البضاعة بالأسواق
شين بلا جوده وشين بـ جوده
.

آخيط جرح الشوق والفكر يمحيه
وش حيلتي ما دام فكري مقصه
لا هو برى جرحي ولا حن راعيه
ضامي وصاله....والقصايد تخصه.

عود لسانك في حياتك على قول
شي يفـيدك في نهايـة حياتـك
سبّح و كبّر و اذكر الله على طول
هذا الـرصيد اللي يفيد بوفـاتك

لا ضاقـت الدنيا قل : الحمدللـه
حتى ولو إنك من الوقـت هايـم
ما خاب منهو يحسن الظن بالله
وما ضاق صدرن يذكر الله دايم
.

هذا الزمن لا عاد تشره على الناس
ولا تعـاتـب كل ما شـفــت .. زلـه!
كثر التشره والعتب يـوجع الراس
من جاز لك جِزْ له ومن شان خلّه!

سولف مع العالم مثل ما يريدون
وإترك لهم على الهوامش مساحة
إثنين في هذا الزمن ما يعيشون
راع الضمير و من يقول الصراحة