( مـلـح الـسـالـفـه )

أنتي بعيني غير عن كل هالجيل = ياعزوتي يارأس مال الكرامه
وبحق من نزّل تبارك والانجيل = أنك بقلبي لين يوم القيامه
أي والله أني منفتن وأعشقك حيل = وأن لعذابك في ضميري علامه
تبكي عيوني كل ماقرّب الليل = على الخيال اللي غشاني غمامه
البوح منك وفيك يانجمة سهيل = باقصى الخفوق اللي ذبحني هيامه
لو أني أدري وش تجيب المقابيل = فليتها لك داخل الصدر خامه
وأكتب على صفحاتها البيض تحليل = عن الشقا .. عن السهر والندامه
عن درب عمري والغلا والغرابيل = عن السلام اللي بعيني حمامه
مدري جفا ؟ والا عقوبه وتنكيل = والا حروفي قاصره عن مقامه
إنبح صوتي والعنا يتبعه ويل = لاقصى الشمال اللي سكن في تهامه
من الساحل الشرقي الى مصر والنيل = صار اليمن مركاه والشام شامه
بنات فكري .. مقفيات ومقابيل = يا حلمي اللي ماتحقق مرامه
نهّضت لكن طحت وسط المحابيل = حسبي على بعض العرب وأحترامه
صّدقت قلبه يوم يهدي مراسيل = وأنا الِغـبْي اللي يصّدق كلامه
يا ملح كل السالفه والتعاليل = يا قريةٍ بالجمع مثل أبتسامه
خاف الولي يكفي عناد وبهاذيل = يكفي حرّمت الطرف لذة منامه
عطني مثل ماعطيك لا ينقص الكيل = أما أوفني والا عليك الملامه

.
.

خاف الولي يكفي عنـاد وبهاذيـل
يكفي حرّمت الطـرف لـذة منامـه


ابو نايف دمت بهذا النقاء

صح لسانك ودمت للشعر نبراس


,

منصور الجلعود

لمرورك عبق الهيل

شكـراً لك بحجم نقاءك

دمت بروعة فكرك وذائقتك

_

الشاعر منصور الرويلي

صح لسانك مدد بلا عدد


دمت ودام نبض قلمك

تقديري

صح لسانك للابد قصيدة جزلة المعاني والصور من شاعر جزل ومبدع

لاهنت اخوي منصور ولك كل التقدير .. دمت بخير،،

الغالي فرج الدهمشي

شكراً من القلب على هذ المرور العطر

دمت بحمى الرحمن

صــــح لسانك ابو نايف ولا فض فوك على القصيد الجزل

صح لسانك اخوي الشاعر : منصور الرويلي


سلمت انمالك ولا هان منطوقك على هالبيات و الطرح المميز ورائع كعادتك

الله يعطيك الف عافية بما وضعـت بين أيديـنآ مـن روآئع آلموآضيع وأجملهـآ..

وآصل بهذآ آلعـطآء آلمتنآهي موفـق بأذن لله

بإنتظـآر كـل جـديدك

مها المطيري

شكرا لهذا المرور

تحيتي لك

لاهنت يا ابوناايف
صح لساااااااااانك حتى ترضى

اخوك