مجاراه

اخواني\ السلام عليكم ورحمة الله وبركاته وبعد

هذي الابيات ارسلت ليه من احدى الاصدقا
ويقول انها لشاعر\قعيد الرشيدي ويقول فيها
--------------------------------------------
دارالهواءفوق الشجرباندراجه

واناهجوسي يتبعه كل ماراج




القلب نسمات العليل ابتهاجه

والفكرخلته الدواكيك مسهاج




فج الخلالاضاق صدرك علاجه

يغنيك عن بعض المجالس والازعاج




سحابت البارح قفتها عجاجه

يلعب به صلف الهواء مثل الامواج



هبت هبوب مدورين اللجاجه

يفرح بزلت صاحبه كل هراج




من غير سبه عاقدلك حجاجه

لوان ماله مع هل الطيب مدراج





اثرالعوج دايم يحب العواجه


لوينعدل يرجع لساسه وينعاج





مايستوي طعم القراح وهماجه


ولايستوي نقع الصفامثل هداج




والله ولامنه محسب خراجه


شين اللغاومن البطر لابسن تاج



والله مايذبحك ياكودحاجه


لاصارفي وجهك حياواانت محتاج



للعسريسرواللهموم انفراجه


يجيلهامن والي العرش مخراج




ارفع يدينك لسما ثم ناجه


يظهرك لودونك شرابيك وسياج
--------------------------------
واناجاريته في هذي الابيات ونشاء ان تحوزعلى رضاكم
----------------------------------------------------




هات القلم ودفق على البوك زاجه

خلك ذكي وحذرمن الخط ينعاج


وحبك حروف القاف حبكت براجه

من شان مايضحك بناكل هراج



نخاف من هرج الردى والسماجه

وحناعلى درب المراجل لنا تاج



والله كريم وقاضين كل حاجه

وهوالذي يسمع دعاء كل محتاج



يالعبد ما لك غير ربك ونا جه

هوالغني ولاانت يالعبد تحتاج



احذرمن اهل لردى والعواجه

وبعد جنابك لاتجي كل هلباج



عليك باللي دوم يضحك احجاجه

ومن الطناخه ماتعيوج ولاماج


دنياعلى الاجواد فيها انعواجه

وتلعبنا الدنيا مثل لعب الامواج


والله ان الحماد عندي افجاجه

تشفي جروح القلب عن كل منهاج


هذا منات القلب وهذابتهاجه

وذيك الفروع اللي بها النفسي علاج





هذاردي وشكرا لكم


عبدالرزاق المطرفي

صح السانك ياعبدالرزاق بطاح المطرفي وصح السان الرشيدي

بارك الله فيك على هذا المجاراه الرائعه أبداع من حيث المعنى وجزالة بلكلمات

لك تحياتي وتقديري

الشاعرعبد الرزاق المطرفي
قصيده رائعه من الرشيدي
ورد وافي وشافي وانت كفوله
وردك ممتع وراقي ووافي
سلمت ولا ندمت يالمطرفي

الشاعر القدير/ عبدالرزاق المطرفي


اسناد جزل ورد جزل ومن شعراء فطاحله مايجيبون الا الجزاله



صح لسانك عدد ماقيلت ابيات القصيد بجزاله تسلم يمينك ياابو شريف



تقبل مرور اخوك وسجل اعجابه بكل حرف تخطه يمينك


انقى تحيه

الشاعر القدير/ عبدالرزاق المطرفي

صح لسااانك ,, ابدعت في القصيده

قصيده غااايه في التماااسك والقوه

وسبك رااائع في التجانس والابدااااع


ودي وتقديري

اخي\سراب نجد\ اولا اقولك مع اقتراب العيد كل عام
وانت بالف خير ومن العايدين\وثانيا مروركريم من شخصك الكريم
تشرفت به وبيض الله وجهك على الاشاده منك شرف لي




اخوك\عبدالرزاق المطرفي

اخي\محمد حميمات\ اولا اقولك مع اقتراب عيد الفطرالمبارك
كل عام وانت بالف خير وثانيا بيض الله وجهك على مرورك
الكريم من شخصك الكريم تشرفت به





اخوك\ عبدالرزاق المطرفي

عبد الرزاق صح لسانك وصح لسان قعيد الرشيدي مبتدى راقي ومجاراه راقيه
شعرا كبار مافيكم حيله على قولة حمد السعيد

اخي\ بحرالقصيد\ اولا مع اقتراب عيد الفطر المبارك
اقولك كل عام وانت بالف خيرومن العايدين
اخي بحرالقصيد مرورك شرف لي وشكرا على الكلمات
الطيبه من شخصك الكريم ودمت

اخوك\عبدالرزاق المطرفي

اخي\نجم الشمال\ اولا ومع اقتراب عيدالفطرالمبارك
اقولك كل عام وانت بالف خيرومن العايدين
اخي\نجم الشمال مرورك شرف لي تشرف به




خوك\عبدالرزاق المطرفي