قصيده مطلعها(ياراكب اللي يامشت تسبق الهاف)للشاعر عيد ناجي اليمني العنزي رحمه الله

ياراكب اللي يامشت تسبق الهاف
رسمه على الجنبين مثل الاورودي

تمشي طريقاً قايماً من وراء راف
تاصل تبوك بحزته بالوجودي

تلفي على ربعاً اهل طيب واشراف
كفاهم الله شر عين الحسودي

يتسابقون بذبحة الحيل واخراف
تلقى عليهن حاضرين الشهودي

اهل الكرم هلحين والدور اللي طاف
مبطي على دور الابو والجدودي

اهل الشجاعه ضد فاسق وبلاف
اسلاحهم عود القناء والبرودي

اهل الشجاعه يوم يبسات الاشفاف
ستر البنات منقضات الجعودي

ومشت لتيماء تتبع القيل والقاف
ومرت على هداج شيخ العدودي

ونعمً بأهلها مزبنت كل خواف
يوماً دور الخيل وراع القعودي

حامينها من كل طامع وحواف
يملون صدره بالنكد والنكودي

ومشت مشرق مع دليله وعراف
تلفي على ربعاً لنا بالنفودي

اهل بيوتاً منزله راس مشراف
مداهلن لصيد وايضا الفهودي

مثولثاتن بالعراقيب وقاف
يشادن هضابً بالتماثيل سودي

ونجراً ينادي طلعت الصبح كشاف
وفنجال بنن ما يبهر بعودي

وصينيتن وصفه وسيعه بالاطراف
تلقى الشحم والزاد منها يزودي

عسى وطنهم دايماً وقت الارياف
يمطر عليهم من سحاب الرعودي

مزنن بشوف العين طافاً وراء طاف
يملا المحاير والدمث والسدودي

البرق يبرق والهماليل هتاف
والسيل يجري والمحاير حدودي

وينبت جميع العشب وينسون الاعلاف
الريف الاول ليت مثله يعودي

وختامها على النبي سيد الاسلاف
على النبي صلاتنا والسجودي

الشاعر/عيد ناجي نهار اليمني العنزي
رحمه الله

تسلم اياديك على الطرح
عافاك الله

ودي لك

الله يرحم الشاعر ويسكنه فسيح جناته

لاهنت ابو رشيد على النقل


تقديري

سلمت اناملك على الطرح الجميل
كل الشكر والتقدير

يعطيك العافية على الطرح الجميل
وًٍدًٍيًٍ......لًًًٍٍٍكًًًٍ......

الله يعطيك العافيه وتسلم يميك
بيض الله وجهك على الطرح الجميل